منقول من مغترب مصرى فى الامارات ( حدث بالفعل)

[hugan]

ههههههههه
مصر ام الدنيا

[mhamdsamy]

من المواقف الطريفة أول لما سافرت لإمارات
أول نصيحة من عمي ، لو توهت وقف عربية شرطة وقولوا تايه وهيساعدوك !!
أول حاجة جت في دماغي أن عمي بيسلمني
أول أسبوع توهت فعلاً ومش عارف أعمل أيه ؟؟
أتصلت على عمي قولتله أنا تايه في دبي ومش عارف أوصل للسكن بتاعي
قالي زي ما قولتلك شاور لأي سيارة شرطة
عملت زي ما قال شاورت لسيارة شرطة وقفوا وسألوني
الشرطة : شو فيه
أنا : تايه ومش عارف أوصل للسكن بتاعي
الشرطة : أركب
أنا : أركب !!!!؟؟؟؟ ليلتي مش فايته شكلها
ركبت في السيارة في الكرسي اللي ورا أتنين قاعدين واحد سايق والتاني جمبيه وقدامه لاب توب فتحه وسألني
الشرطة : أيه اللي تعرفه عن المنطقة اللي انت ساكن فيها يعني محل مشهور ماركت مطعم
أنا : فيه هايبر ماركت أسمه كذا والمنطقة أسمها كذا
اتحركنا دخل بنزينة على الطريق سألوني بتشرب قهوة ولا شو بتحب تشرب
أنا في بلاهه أحسد عليها ، أنت حضرتك بتتكلم بجد !!!!؟؟
الشرطة : يعني هتشرب قهوة
المهم جت القهوة وشربتها ووصلنا عند الهايبر ماركت اللي اعرفه ووصلوني لحد البيت ، وأنا كنت من الأزبهلال اللي أنا فيه فاتح بوقي ومش مترجم الصراحة
يا ترى لو عملنا إعادة للمشهد ده مع الشرطة المصرية أيه اللي هيتم ، مثلاً واحد جي من قرية أو محافظة ما من مصر ونزل القاهرة ووقف سيارة شرطة وقالوا تايه
هسيبك لخيالك مع أني عارف اللي هيحصل

منقول من مغترب مصرى فى الامارات

انا مرة حصل معايا الموقف دة صدق او لاتصدق
لما كنت في الكلية و كنت في الزقازيق كلها مشاريع علي فكرة
كنت ماجر اوضة و نازل
الموقف كان بعيد حوالي خمسين متر و فية ميكروباص واقف و ناس ركبة
جيت علي الشباك ال قدام عند الراكب ال جمب السواق
قولتلة بعد اذنك يا استاذ و قولت للسواق انت رايح فين يا اسطي بص و ابتسامة عجيبة في وشة
لقيت و احد من ورة بيقول يلا ياض من هنا
رحت ماشي وبعدين حسيت بالم نفسي قولت كدة مش هعرف انا النهاردة رحت
راجع وباصص من نفش الشباك و قولتلة بعد اذنك يا استاذ تاني و بصيت علي الورة
وقولتلة فية ياعم انت بتزعق لية هو السؤال حرم انزلي - كنت بروح الجيم كتيرو عامل فرمة
لقيت الميكروباص كلة نزل و واحد مسكني والتاني بيفتش و التالت بيقولي هات بطاقتك
والاستاذ دة ال لابس نضارة طلع ظابط ادولة البطاقة و هما لسة مسكني
و بيقولي انت من طنطا بتعمل اية هنا قولتلة انا بدرس هنا و ساكن
فين ساكن في نفس شارع القسم
لقيت واحد من المسكني قال لازم نوصلة
الحمدالله خلصت منهم بالعافية مع انهم من طريقة مسكتهم فيا كنت عارف عايزين يوصلوني فين
(سبب من اسباب الهجرة)

[zorg]

كما تكونوا يولى عليكم
شعب همجى بربرى طبيعى شرطته تكون زيه وبتمثله
شعب متحضر معاهم شهادات اجنبية وتعليمهم انضف من تعليمنا وعندهم رقى طبيعى شرطتهم تكون زيهم

[a raafat]

كما تكونوا يولى عليكم
شعب همجى بربرى طبيعى شرطته تكون زيه وبتمثله
شعب متحضر معاهم شهادات اجنبية وتعليمهم انضف من تعليمنا وعندهم رقى طبيعى شرطتهم تكون زيهم

جبت الخلاصه
أتفق معاك

[Ayman_saad]

طيب خد دي كمان
انا في السعودية وصاحبي نزل زيارة دبي في العيد ،
الراجل راح بعربيته وكان ماشي بسرعة عالية أتصور ،
أرسلوا له رساله علي موبايله معرفش طبعا هما عرفوا الرقم بتاعة أزاي ولكن
الرسالة بتقول : شرطة مرور دبي ترحب بك ضيفا كريما في بلدك الثاني ، ونرجو أن يطيب لك المقام وأن تستمتع بوقتك ،
نود أن نعلمك بأنك قد تجاوزت السرعة المحددة ، وتم تسجيل مخالفة عليك ، ولكن نحن دائماً نحاول أرضائك ومع ذلك لن نغرمك ،
فأنت ضيفا عزيزا علينا ، ونتمني لك زيارة سعيدة .


الكلام ده لو أبويا هو ألي حكاه لي مكنتش هصدقة لكن أنا شوفت الرسالة بعيني ،
عندما تتحضر العقول ، تتحضر معها أساليب الحياة الكريمة .

[drcobra]

سبحان الله

[KemozTanta]

الموقف ده حصل ليه انا شخصيا في ابوظبي اكثر من خمس او ست مرات قبل ما يعملوا المواقف المدفوعة

اركن السيارة في الباركنج و ارجع من المشوار بتاعي الاقي سيارة تانية قافلة علية و مش عارف اتحرك اقوم اتصل علي الرقم المجاني للشرطة و هما يتصلوا عليه و في خلال دقيقتين الاقي صاحب السيارة جاي يشيلها و يتأسفلي انه قفل عليه الباركنج

انتوا بتغيظونا بقي ! #مصر حلوة ياباشا برضة ومفيش احلي من الفوضي - واحد قليل الحيلة -

[mesaharaty]

أنا بجد مش قادر أمسك نفسى من الــ

[qkash.com]

الله ينور

كما تكونوا يولى عليكم
شعب همجى بربرى طبيعى شرطته تكون زيه وبتمثله
شعب متحضر معاهم شهادات اجنبية وتعليمهم انضف من تعليمنا وعندهم رقى طبيعى شرطتهم تكون زيهم

"برنس" كلامك مظبوط مليون في المية

"من اعمالكم سلط عليكم"
وانا لا اعمم في كلا الطرفين

بمعني انه اكيد من بين افراد الشرطة من هو محترم ويراعي ضميره ويخاف ربه
ومنهم بالتأكيد المغرور المتكبر عديم الرحمة معدوم الضمير

وايضاً بين افراد هذا الشعب ملايين المجرمين والقتلة والارهابيين والنصابين والمدمنيين وتجار المخدرات والبلطجية و.....و.....و...و

فكيف اذن سيتعاملون وسيفرقون بين المحترم وغير المحترم المواطن الصالح والمواطن الفاسد

هتقولي بالنظر بيبان "اتحداك "ممكن تلاقي واحد شكله ملاك ويطلع شيطان ووراه بلاوي وعامل فيها مسكين
وممكن العكس واحد شكله لبط ولما تدور وراه تلاقيه غلبان وفي حاله

احنا عايزين شرطة مكشوف عنها الحجاب تعرف نوايا الناس وتقرا افكارهم علشان الشرطي اول مايقرب من الشخص كدة يعرف هو عمل ايه قبل كده وناوي يعمل ايه بعد كده علشان لما يكتشف انه مجرم مايبقاش ظلمه ولا غلط في تقدير الشخص اللي قدامه

انا لا التمس اعذار لطرف علي حساب الطرف الآخر

انا بس بحاول اري الامور بعين كلا الطرفين

فاذا كانت الشرطة جائرة وبها كثير من الظلم والظالمين....فنحن ايضاَ لسنا شعب كله ملائكة ومواطنين صالحين

اللهم لا تؤاخذنا بما فعل السفهاء منا ولا تسلط علينا بذنوبنا من لا يخافك ولا يرحمنا
"اللهم دبر لنا امورنا فانا لا نحسن التدبير"

[Anaslbda]

أنا في ابوظبي شفت الموقف ده بأم عيني:
عربيه العجل بتاعها اتقطع وصاحبها قاعدعلى طرف الطريق بيغيّر في الاستبن, وقفت عربية شرطة معدّية ونزل منها ظابط مرور وقاله : خير؟ ردّ عليه الراجل قاله الكاوتش اتقطع وقاعد بغيّر في الاستبن.
الظابط عمل ايه؟

اقسم بالله شال الكاب من على راسه وشمّر اكمامه ونزل على ركبه في عز الضهر هناك وربّط مع الراجل الإستبن.

اقسم بالله حصل قدّامي.

[ARKOON]

طيب خد دي كمان
انا في السعودية وصاحبي نزل زيارة دبي في العيد ،
الراجل راح بعربيته وكان ماشي بسرعة عالية أتصور ،
أرسلوا له رساله علي موبايله معرفش طبعا هما عرفوا الرقم بتاعة أزاي ولكن
الرسالة بتقول : شرطة مرور دبي ترحب بك ضيفا كريما في بلدك الثاني ، ونرجو أن يطيب لك المقام وأن تستمتع بوقتك ،
نود أن نعلمك بأنك قد تجاوزت السرعة المحددة ، وتم تسجيل مخالفة عليك ، ولكن نحن دائماً نحاول أرضائك ومع ذلك لن نغرمك ،
فأنت ضيفا عزيزا علينا ، ونتمني لك زيارة سعيدة .


الكلام ده لو أبويا هو ألي حكاه لي مكنتش هصدقة لكن أنا شوفت الرسالة بعيني ،
عندما تتحضر العقول ، تتحضر معها أساليب الحياة الكريمة .

هههههههههههههههههههههههه .

ماشاء الله عليهم شعب ودولة :)
الى هيقارن هيتعب الكلام دا كل للترفيه فاهمين ؟

[KemozTanta]

عايز أأقول حاجة برضة ، التدين والناس هناك بحكم أصولهم العربية الدين مهم في حياتهم
مفيش خناق علي اللحية في الشرطة ! ولا في خناق بين الشيوخ والدعاة والكلام الفاضي الي بيحصل عندنا
الناس دي بتطبق الإسلام والدين عشان كدا قلوبهم فيها رحمة ولسانهم نظيف.

[Mohamed_Rashad]

حدث بالفعل في رومانيا :)

من شهر بالضبط, كنت راجع من صربيا في إتجاه بوخاريست بالليل و على إحدى الطرق السريعة الحرة, الكاوتش الأمامي اللي على الشمال فرقع, الحمد لله ربنا ستر و وقفت و بدأت في تغيير الكاوتش, لقيت سيارة شرطة رومانية وقفت خلف عربيتي في هدوء و بدأو يسألوني إيه اللي حصل و إيه المشكلة؟
كانوا فردين شرطة, واحد نزل ببطارية قوية عشان الإضاءة و التاني بدأ يساعدني في تغيير الكاوتش و رفضوا الإنصراف لغاية ما يتأكدوا إني بخير و إن العربية سليمة و فضلوا ماشيين ورا عربيتي لغاية أول مدينة عشان يتأكدوا إن كل شيء تمام!

موقف تاني أقدم شوية من حوالي 4 سنين, كنت تايه في منطقة ما و بدور على عنوان مورد! ركنت على جنب و بدأت أدور على حد أسأله على العنوان! بصيت لقيت شرطية :) بتركن عربية الشرطة, دخلت عليها و طلبت المساعدة, عرفت العنوان و طلبت مني بكل أدب و ابتسامة أني أسوق عربيتي وراها لغاية ما وصلتني لغاية الشركة اللي بتعامل معاها على بعد حوالي 7 كيلو.

عمار يا رومانيا :)

[memo_p910]

احنا على كده المفروض يكون عندنا احساس بالعار من تخلفنا

[Hanan Ahmed]

[QUOTE=zorg;3875794857]كما تكونوا يولى عليكم
شعب همجى بربرى طبيعى شرطته تكون زيه وبتمثله
شعب متحضر معاهم شهادات اجنبية وتعليمهم انضف من تعليمنا وعندهم رقى طبيعى شرطتهم تكون زيهم[/QUOT

بس الحكومات المتعاقبة على مصر وسرقتها للشعب وخيرات البلد هي اللى خليته شعب جعان وجاهل وهمجى ... الحكومات اللى قضت على التعليم والصحة وصعبت الرزق وبقى كل واحد همه ياكل ويشرب ويمشى جنب الحيط .... وبقى الفساد بنية تحتية أساسية في مصر
من صغرى لحد النهاردة وانا بعشق الامارات ونفسى أعيش فيها .... نفسى احسن انى بنى آدمة وللأسف لحد دلوقتى ربنا مكتبهاش ليا.