بفكر اشتري ال كاميرا دي لباب الشقه ؟

[MRBEBO]

بفكر اجيب ال كاميرا دي

TrENDnet TV-IP252P PoE Internet Camera



TRENDnet TV-IP252P PoE Internet Camera

احطها على باب الشقه علشان من اي مكان عن طريق الموبيل اشوف الشقه ده غير انها ممكن تتوصل بتلفزيون

ومش عارف دي فيها ميزة انها بتاخد سناب شوت لكل اللي وقف قدام الباب وتبعتهم على الميل بالوقت او لا

ايه رايكم وهل فيه خيارات افضل ورايكم في الفكرة؟ ولازم اجيب حد يركبها ولا ممكن انا

وهل تتحط في حلق الباب ولا مكان لمبة باب الشقه وهل كده ممكن تتسرق

[mhamdsamy]

بفكر اجيب ال كاميرا دي

trendnet tv-ip252p poe internet camera

وهل تتحط في حلق الباب ولا مكان لمبة باب الشقه وهل كده ممكن تتسرق

سؤال انت حاططها عشان خايف بيتك يتسرق و لا حططها منظرة و خايف حد يسرقها
مافيش حد بيسرق كاميرات :]

[MRBEBO]

سؤال انت حاططها عشان خايف بيتك يتسرق و لا حططها منظرة و خايف حد يسرقها
مافيش حد بيسرق كاميرات :]

احنا عندنا مرة سرقوا صناديق الزبالة للعمارة كلها ومرة تاني الماشيات اللي قدام البيبان شعب جباااار

[mhamdsamy]

احنا عندنا مرة سرقوا صناديق الزبالة للعمارة كلها ومرة تاني الماشيات اللي قدام البيبان شعب جباااار

لا منصحكش تحطها الافضل انك تعزل :) انت ساكن فين

[adelghanem]

احنا عندنا مرة سرقوا صناديق الزبالة للعمارة كلها ومرة تاني الماشيات اللي قدام البيبان شعب جباااار

ياراجل دول كانوا عايزين يمسحوا السلالم

[MRBEBO]

لا منصحكش تحطها الافضل انك تعزل :) انت ساكن فين

في الزيتون

المشكله ان الانتركم اتفرجت على المتاح طلعوا تعبنين واسعار فلكيه مش عارف اعمل ايه وفي نفس الوقت مفهمش الاوبشن العاليه زي الموشن ديديكتور وكده

[MRBEBO]

ياراجل دول كانوا عايزين يمسحوا السلالم

:) :)

[7oda]

بفكر اجيب ال كاميرا دي

trendnet tv-ip252p poe internet camera



trendnet tv-ip252p poe internet camera

احطها على باب الشقه علشان من اي مكان عن طريق الموبيل اشوف الشقه ده غير انها ممكن تتوصل بتلفزيون

ومش عارف دي فيها ميزة انها بتاخد سناب شوت لكل اللي وقف قدام الباب وتبعتهم على الميل بالوقت او لا

ايه رايكم وهل فيه خيارات افضل ورايكم في الفكرة؟ ولازم اجيب حد يركبها ولا ممكن انا

وهل تتحط في حلق الباب ولا مكان لمبة باب الشقه وهل كده ممكن تتسرق

اتكل على الله و اشتريها
و ابقى اولقنا على نتيجة التجربة بتعتك

[salodas]

شوف يا باشا .
انا مركب سيستم كامل عندى فى العمارة .. بمعنى كاميرا فى الجراج تحت العمارة تراقب عربيتى ...وكاميرتين على سور البالكونه لمراقبة الى داخل وخارج من العمارة .. والأهم من ده كله موضوع حديثنا وهو كاميرة باب الشقة .. وأحب اقولك ان ولادى مبيفتحوش باب الشقة إلا لما يشوفو مين الى بره ...
المهم
ردا على سؤالك .. طبعا اشجعك انك تركبها على باب الشقة وحاول تشترى نوع يشتغل بالأضاءة الليليه ... يعنى لو لمبه باب الشقة مش منورة ... الكاميرا تنقلك الصورة واضحة .
وكمان تشترى dvr سعة 4 كاميرات على الأقل .... عشان لو حبيت تزود كاميره كمان فى المستقبل ميكونش فيه مشكلة .
ولو تحب الكاميرا تسجل الأحداث كلها ... ركب هارد ديسك مع ال dvr

ربنا يوفقك

[MRBEBO]

شوف يا باشا .
انا مركب سيستم كامل عندى فى العمارة .. بمعنى كاميرا فى الجراج تحت العمارة تراقب عربيتى ...وكاميرتين على سور البالكونه لمراقبة الى داخل وخارج من العمارة .. والأهم من ده كله موضوع حديثنا وهو كاميرة باب الشقة .. وأحب اقولك ان ولادى مبيفتحوش باب الشقة إلا لما يشوفو مين الى بره ...
المهم
ردا على سؤالك .. طبعا اشجعك انك تركبها على باب الشقة وحاول تشترى نوع يشتغل بالأضاءة الليليه ... يعنى لو لمبه باب الشقة مش منورة ... الكاميرا تنقلك الصورة واضحة .
وكمان تشترى dvr سعة 4 كاميرات على الأقل .... عشان لو حبيت تزود كاميره كمان فى المستقبل ميكونش فيه مشكلة .
ولو تحب الكاميرا تسجل الأحداث كلها ... ركب هارد ديسك مع ال dvr

ربنا يوفقك

باشا بجد انت انقذتني :)

ممكن تقولي ايه افضل كاميرا متاحه للرؤيه الليليه

لان فعلا الموديل ده فيه رفيوهات ان صورتها مش حلوة في الاضائه القليله

وانت مركب عندك انواع ايه وهل ركبتهم بنفسك ولا جبت شركه ؟؟

انقذني وقولي تفاصيل :))

[canner]

انا فعلا بفكر اعمل الموضوع ده و خاصة اليومين دول و سألت مرة على السعر لقيت اربع كميرات من غير هارد ديسك بألف جنيه ممكن احاول و ادور اكتر

[salodas]

باشا بجد انت انقذتني :)

ممكن تقولي ايه افضل كاميرا متاحه للرؤيه الليليه

لان فعلا الموديل ده فيه رفيوهات ان صورتها مش حلوة في الاضائه القليله

وانت مركب عندك انواع ايه وهل ركبتهم بنفسك ولا جبت شركه ؟؟

انقذني وقولي تفاصيل :))

سامحنى فى التفاصيل دى لأنى خارج مصر دلوقتى ومش عارفها .
لكن انا فاكر ان الكاميرات كلها كانت كورى وصورتها معقوله جدا
كمان عاوز اقولك ان بدون مبالغه لو الدنيا ظلام لدرجة انك مش شايف كف ايدك بره ... الكاميرا بتنقل صورة كأنه واقف فى عز الظهر ... واضحه جدا جدا .

طبعا انا جبت شركة تركب الموضوع ده ... لأن انا مركب فى الجراج وانا فى الدور الرابع ... يعنى موضوع تدكيك الأسلاك ده مش سهل خالص وخصوصا لو يهمك المنظر ( بمعنى ان الكابلات كلها داخل الحيط ) .
ده رقم الراجل الى مركبلى ... هو محترم جدا ... حتى لو مش هتتعامل معاه ممكن يفيدك (راجل أمين)
م. حسام
01007770417

[salodas]

انا فعلا بفكر اعمل الموضوع ده و خاصة اليومين دول و سألت مرة على السعر لقيت اربع كميرات من غير هارد ديسك بألف جنيه ممكن احاول و ادور اكتر

السعر ده قليل جدا .
انا فاكر ان ال dvr لوحدة كان بحوالى 800 جندى والكاميرا الواحدة لا تقل عن 250 جندى .
عموما انت عارف ان الأنواع بتفرق كتير وكل حاجة لها سعرها .
لكن نصيحة ... ركبها فى أسرع وقت ... أمان أمان

[M.ABDOU]

الفكره حلوه ومفيده جداا لمتابعه العربيه تحت البيت

كده حتعرف مين بقى اللى بيخربش فى العربيه او خبطهالك

بس الاول كنا بنحسبن وبس دلوقتى حيبقى فى خناقات كتير

[Elawany13]

نفسى اعمل الحكايه ديه لتأمين البيت والعربيه بس لما بسأل بحس انى تايه

Sent from my GT-S6500D using Forum Runner