ضرورى عايز اعمل Root ل Samsung grand 2 ؟؟؟؟

[iwantes350]

السلام عليكم ورحمه الله وبركاته
اخويا معاه samsung grand 2 وبصراحه سامسونج دى شركه مرييييييييييضه ومعتوهه جدااا ال touch wiz ui غبي جدا . وكنت عايز اعمله روت عشان اخلص من لعنه سامسونج
عموما انا نويت بس هل الروت فعلا بيطلع الجهاز من الضمان وهل ممكن ارجع الجهاز زى مكان .
عايز اررائكم كلكم وياسلام لو حد جرب يعمل روت يبقي فل اوى

[OMAR61995]

الروت بيطلع الجهاز من الضمان
لو عايز تشيله استخدم triangle away عشان يرجع الجهاز stock و اعمل فلاش لstock rom و هيرجع كأنه جديد و فى الضمان

[GUIDE][HOW-TO]Easily root Galaxy grand 2 SM… | Samsung Galaxy Grand 2 | XDA Forums

[Karim Alaa]

بيخرج من الضمان و كل جهاز فيه عدد سوفت وير التوكيل هيعرف انك غيرت سوفتوير قبل كده و كام مره

[shiko85]

كل جهاز فيه عدد سوفت وير التوكيل هيعرف انك غيرت سوفتوير قبل كده و كام مره

بيعد الـ custom rom مش الـ original

[iwantes350]

شكرا ليكم .
سؤال ؟ هل فى نسخه Pure android للجهاز ده ولا لآ؟
وايه الرومات الكويسه للجهاز

[iwantes350]

سؤال بسيط ؟ ومحير ؟
انا كنت عايز انزل روم جديد زى pure android .
نفترض انى عملت رووت وبعدها حملت روم جديد فهل لازم اعمل روت تانى ولا كدا خلاص .
هل الروت اللى هعمله دلوقتى هيخلى نسخه سامسونج زى ما هيا ولا هيغيرها . معلش انا مبتداء ؟

[Mohamed A S]

ممكن بعد اذنكم حد يفهمني يعني ايه اعمل روت لجلاكسي جراند 2 .. لان الموبايل دا مع بنتي وعاوز افهم يعني ايه اعمله روت

[shiko85]

نفترض انى عملت رووت وبعدها حملت روم جديد فهل لازم اعمل روت تانى ولا كدا خلاص .
على حسب الـ kernel لو واحد فالنسختين يبقى مش محتاج تعمل root تانى اما لو مختلف فأوقات بتحتاج تعمل root و اوقات لأ و اللى بيحدد ده هى الطريقه اللى عملت بها root
هل الروت اللى هعمله دلوقتى هيخلى نسخه سامسونج زى ما هيا ولا هيغيرها . معلش انا مبتداء ؟
زى ما هى بدون تغيير
التغيير كله بعد الـ root هو انك هتقدر تستخدم بعض الختيارات اللى كانت مش متاحه قبل كده
فيه apps علشان تشتغل لازم يكون الموبايل rooted
# لو عايز تغيير كامل يبقى تنزل custom rom و دى بيكون فيها bugs كتير و الموبايل يخرج من الضمان

[shiko85]

ممكن بعد اذنكم حد يفهمني يعني ايه اعمل روت لجلاكسي جراند 2 .. لان الموبايل دا مع بنتي وعاوز افهم يعني ايه اعمله روت

الـ root وسيله من خلالها بيكون عند المستخدم صلاحيات كاملة للتحكم فالـ rom و يقدر يعمل تعديل او حذف بعض الملفات او التطبيقات و هكذا
(يعنى حضرتك تقدر توصل لجذور نسخه الأندرويد و تعدل او تحذف ما تريد)
الروت للمستخدم العادى هيكون الفائده منه تشغيل برامج معينه مش بتشغل غير على rooted موبايل
لكن لو مستخدم محترف فالـ root لازم علشان يقدر ينزل custom rom على الموبايل

[iwantes350]

شكرا استاذ Shiko على المعلومات الوافيه .
انا عملت الرووت للجهاز بس الواى فاى مش راضي يفتح اصلا .
هل لو عملت Unroot هيرجع . او reset لل Data ?
انا دوشتك معايا ربنا يخليك لينا والله

[shiko85]

شكرا استاذ Shiko على المعلومات الوافيه .
العفو, الشكر لله وحده
انا عملت الرووت للجهاز بس الواى فاى مش راضي يفتح اصلا .
مفيش علاقه بين الـ 2
هل لو عملت Unroot هيرجع . او reset لل Data ?
معلش انت عملت root ازاى ؟؟ و على الـ original rom ولا custom rom ؟؟ و اخر مره الـ wifi كان شغال امتى ؟؟
انا دوشتك معايا ربنا يخليك لينا والله
انا تحت امرك

[iwantes350]

انا عملت root ببرنامج ال Odin3 وعلى ال Original rom
من الموقع ده عملت نفس الخطواط بالمللى روت سامسونج جلاكسي جراند 2 Root Samsung Galaxy Grand 2 SM-G7102
اخر مره ال wi fi كان شغال فيها قبل ما اعمل ال root

[shiko85]

انا عملت root ببرنامج ال Odin3 وعلى ال Original rom
من الموقع ده عملت نفس الخطواط بالمللى روت سامسونج جلاكسي جراند 2 Root Samsung Galaxy Grand 2 SM-G7102
اخر مره ال wi fi كان شغال فيها قبل ما اعمل ال root

تمام هى دى فعلا الخطوات اللى كلنا بنعملها (على فكره فيه طريقه تانيه اظرف بس مش متوفره لكل الموبايلات بس ده مش موضوعنا دلوقتى)
قبل اى حاجه اتأكدت ان الـ root نفع ؟؟
ظهر اى علامه اول ما تفتح الموبايل ؟؟؟ مثلث اصفر مثلا
موديل الموبايل بتاعك هو نفس اللى فالموضوع ؟؟
ايه اللى بيحصل لما تحاول تشغل الـ wifi ؟؟؟

[iwantes350]

اللى لاحظته فى برنامج نزل اسمه Super su
موديل الموبايل sm g7102
مفيش مثلث اصفر ظهر غير فى الاول فى شاشه ال download mode
اللى بيحصل فى ال wifi انى كل ما ادوس عليه فى ال notification bar بيبقي اخضر باهت وبيقعد حوالى 20 ثانيه ويرجع رمادى تانى . انا دخلت على ال sittings نفسها وبحاول اشغله منها بيقولى turning on وبعدها يقفل تانى .
عموما انا شلت برنامج super su .
وبنزل ملف روت تانى من الصفحه دى لمبتك | طريقة روت Galaxy Grand 2 SM-G7102 لمبتك
وهعمل الروت اللى فى الصفحه . لو منفعش هنزل ال rom ال original وارجعه زى مكان ولو مشتغلش برضو هوديه الضمان بقي .
معلش انا حبيت اتاكد ان الcounter معدش اى حاجه دخلت على download mode ولقيت مكتوب current binary : custom بس مكنش فى اى عدد خالص هل لو حملت الروم الرسمى بتاع سامسونج هيبقي official ولا ايه ؟
مع العلم انى منزلتش اى روم او مود هو ال root اللى فى الرابط الاول بس .؟

[shiko85]

اللى لاحظته فى برنامج نزل اسمه Super su
موديل الموبايل sm g7102
تمام, هو ده اللى بينزل لما تعمل root
مفيش مثلث اصفر ظهر غير فى الاول فى شاشه ال download mode
عظيم
اللى بيحصل فى ال wifi انى كل ما ادوس عليه فى ال notification bar بيبقي اخضر باهت وبيقعد حوالى 20 ثانيه ويرجع رمادى تانى . انا دخلت على ال sittings نفسها وبحاول اشغله منها بيقولى turning on وبعدها يقفل تانى .
اعمل delete للشبكات اللى موجوده فالـ wifi و اعمل search تانى و اتأكد ان الوقت و التاريخ صح لو مش عندك اى حاجه مهمه على الموبايل ادخل على الـ recovery mode و اعمل wipe data & wipe cache
عموما انا شلت برنامج super su .
بس كده الـ root موجود زى ما هو
وبنزل ملف روت تانى من الصفحه دى لمبتك | طريقة روت Galaxy Grand 2 SM-G7102 لمبتك
وهعمل الروت اللى فى الصفحه . لو منفعش هنزل ال rom ال original وارجعه زى مكان ولو مشتغلش برضو هوديه الضمان بقي .
معلش انا حبيت اتاكد ان الcounter معدش اى حاجه دخلت على download mode ولقيت مكتوب current binary : custom بس مكنش فى اى عدد خالص هل لو حملت الروم الرسمى بتاع سامسونج هيبقي official ولا ايه ؟
مكتوب فالـ custom binary download اى ارقام ؟؟ دى اللى فوق الـ current binary
لما تنزل official/original rom هتلاقى مكتوب current binary : samsung_official
مع العلم انى منزلتش اى روم او مود هو ال root اللى فى الرابط الاول بس .؟
انا عامل root عندى بس بالطريقه التانيه اللى كنت بقول عليها و عندى
current binary : samsung_official