ساعدوني يأهل الاسكندرية

[toha]

ممكن تساعدوني معلش كنت عاوز اشتري شقة مصيفية سكنية بالعجمي ...معروض على شقة بشغارع عين شمس بالبيطاش 90 م ب 110 الف .ايه رأيك في الشارع ده هو الى ولا ش العياده ؟؟؟وهل الشوارع دي راقية ولا شعبيةوهي في بلطجة هناك وناس وحشة ولا ايه ؟؟؟
انا مش من الاسكندرية معلش تاعبكم معايا .

[هيثم مجدي]

هو ممكن تفاصيل اكتر ؟ مساحة الشقة و الدور و هل مبنية قبل ولا بعد الثورة و التراخيص و العدادات ؟
و كمان فين في شارع عين شمس, اوله ولا اخره ؟

عموما شارع عين شمس تالت شارع من البيطاش الرئيسي. يعني بعيد عن البحر 2 كيلو .
شاررع البيطاش حيوي و فيه كل الخدمات. و المواصلات كتير لكن المشكلة الزحمة اللي تخليك تمشي للبحر اسرع من انك تركب احيانا.

ونصيحة عامة. في الشراء للعقارات لازم تنزل بنفسك و تشوف على الطبيعه. و انا هحاول اساعدك قد ما اقدر و على قد معرفتي.

[mmohamed15]

عين شمس يعني كلمه واحده اهرووب يا ولد
شارع بيئه جدا
و اصلا العجمي بعد ما كان فيه اماكن شيك و اماكن وحشه بقي كل زباله
الشوارع اللي كانت كلها فيلات الفيلات فيها اتهدت و قلبت عمارات و دمرت حياه و خصوصيه اصحاب الفيلات اللي لسه مهدوهاش و بتخليهم يفكروا يقلدوا الباقي من قرف الناس اللي جت سكنت في العمارات و الدوشه و الزباله و غيره و غيره
شارع عين شمس اصلا ضايع و كله صياعه و قرف اكيد في ناس كويسه بس الشارع مش كويس
اصلا في رأيي اسكندريه كلها باظت و مبقاش فيها مكان يصلح للسكن كله بقي زحمه و البناء العشوائي في الشوارع الضيقه دمر المرافق و البنيه التحتيه و خلي في تجمعات سكانيه كبيره في مساحات صغيره
اسكندريه بقي حلها قصف من بتوع ايام الحرب العالميه التانيه يسويها بالارض و تتبني من جديد
لو عندك اصرار قوي ا نك تشتتري شقه في العجمي شوف بيانكي انظف شويه بس السعر هيبقي اعتقد فوق ال 250 الف

[tata2011]

حضرتك انا من خارج اسكندرية برضه وعندى شقة فى اسكندرية وانا بعشق هذه المدينة
اولا انس انسى العجمى لانه بقى زحمة جدا وبيئة شوية ثانيا اسكندرية يعنى محطة الرمل والكورنيش وبحرى والمنتزه فانت بين العجمى وبين الاماكن دى سفر
حاول تشوف فى مكان تانى واسكندرية مليانة شقق كتيييير جدا

[ibrahim sallam]

شهر العسل مكان كويس وهادي ومش يبعد كتير عن البحر

[أبو صلاح]

ادخل بيانكي من شارع النفية واسال عن عمارات عبد المنعم جابر ودور في المنطقة دي هتلاقي اسعار قريبة جدا من اللي انت عايزه ودي عمارات على البحر مباشرة ومنطقة هادية جدا

[أبو صلاح]

ادخل بيانكي من شارع النفية واسال عن عمارات عبد المنعم جابر ودور في المنطقة دي هتلاقي اسعار قريبة جدا من اللي انت عايزه ودي عمارات على البحر مباشرة ومنطقة هادية جدا

اقصد شارع الحنفية

[TylerDurden]

بلاش شهر العشل نصيحه

[ahmedwagdy03]

مش حتلاقى شارع واحد تمشى فيه فى إسكندرية إما من أكوام القمامة ( الترام نفسه مش عارف يمشى من جبال الزبالة) أو من الإشغالات التى تتحدى المحافظ أو من كم العمارات المخالفة التى يتم بناءها لدرجة الناس من طمعها و جشعها ناقص تبنى فى نهر الطريق

[J A G U A R]

فى عمارات سكنيه جديده فى طريقك وانت جى من ال 45 فى المندره وقريبه من الشيراتون وقصر المنتزه اعتقد الاسعار هناك كويسه ومكان كويس جدا

[toha]

مشكووووووووووووووووووووووور ليكم جميعا ...وعامة أـنا نزلت بنفسي واتقرفت من العجمي كلها عاملة زي عزبة عوض هههههه "طبعا دي عزبة عندنا بنضرب بيها المثل في الشرقية " بس هي موجوده فعلا
المهم هل في كمباوندات طيب قريبة من البحر في الاسكندرية في مناطق محترمة ومساحات 60 متر مثلا وفي مدي 180000ج ؟؟

[هيثم مجدي]

مشكووووووووووووووووووووووور ليكم جميعا ...وعامة أـنا نزلت بنفسي واتقرفت من العجمي كلها عاملة زي عزبة عوض هههههه "طبعا دي عزبة عندنا بنضرب بيها المثل في الشرقية " بس هي موجوده فعلا
المهم هل في كمباوندات طيب قريبة من البحر في الاسكندرية في مناطق محترمة ومساحات 60 متر مثلا وفي مدي 180000ج ؟؟

المستوى اللي بتدور عليه مش هتلاقيه في اسكندرية
اسكندرية مبقتش المصيف بتاع زمان خلاص. الزحام و العشوائية بهدلوا اغلب الاماكن
المبلغ اللي معاك اللي معاك ممكن ادفع جزء مقدم و تجيب بيها حاجة في الساحل الشمالي او مرسى مطروح

تدفع مقدم و تقسط على كذا سنة, و فيه عروض كتير هتلاقيها لو نزلت و شوفت بنفسك برضه

[ahmedwagdy03]

60 متر بسعر 180 ألف يعنى تقصد المتر 3000 جنية و فى كومباوند و إسكندرية .

إنت كدة بتضور على المصباح السحرى مش شقة .

ضور فى الساحل ممكن تلاقى حاجة بمقدم زى ده و بعيد عن الزحمة و القرف