اقتراحات لغرفه نوم جديده

[M.ABDOU]

السلام عليكم

انا حاليا عاوز اشترى اوضه نوم جديده تكون مودرن

فكرت فى الاول اشوف ديزاين حلو من اى مكان او مجله واروح لمصنع او ورشه كبيره تعملهولى

لكن بصراحه خفت والناس قالتلى عمره ما حيطلع زى ما انت شوفته بالظبط

لااازم اختلاف فى درجه اللون ومش حيكون بجوده التقفيل الاصلى اللى الغرفه عجبتك فى الاول


فياريت لو حد عنده يا جماعه خبره اجيب غرفه النوم منين فى القاهره يكون ديزاين كويس وخشب طبعا كويس مش خشب اى كلام والسعر مش عااالى قوى

يعنى انا بفكر الغرفه فى حدود 15 الف جنيه مثلا


ولو حد جرب وفصل غرفه نوم او خلافه عند مصنع كبير او ورشه محترمه يقولى على تجربته


وشكرا مقدما

[wallace]

زود شوية وشوف مفكو حلوان

[HeMa_LanCeR]

ممكن تنزل صورة زي اللي انت عايزها وافيدك

[M.ABDOU]

ممكن تنزل صورة زي اللي انت عايزها وافيدك

الصور كتير اوووى بس انا بسأل هوا فعلا الجاهز عمره ما يطلع زى التفصيل ولا ممكن ؟؟؟

[M.ABDOU]

زود شوية وشوف مفكو حلوان

مفكو حلوان جاهز ولا بيفصل؟؟؟

[HeMa_LanCeR]

طيب ما هو الجاهز دا متفصل اصلا :) ولا هو مزروع مثلا :)))
الفكره كلها في اللي ينفذ انا كنت محتار زيك لحد ما ربنا كرمني بواحد تخصص مودرن وقدر يفهم دماغي وعملي كل حاجة زي ما انا عايز واحسن كمان
وعلشان كده بقولك وريني الشغل علشان افهم دماغك فاهمة المودرن ازاي :) او انت ناوي علي اية

[M.ABDOU]

طيب ما هو الجاهز دا متفصل اصلا :) ولا هو مزروع مثلا :)))
الفكره كلها في اللي ينفذ انا كنت محتار زيك لحد ما ربنا كرمني بواحد تخصص مودرن وقدر يفهم دماغي وعملي كل حاجة زي ما انا عايز واحسن كمان
وعلشان كده بقولك وريني الشغل علشان افهم دماغك فاهمة المودرن ازاي :) او انت ناوي علي اية

عارف طبعا ان الجاهز اساسا تفصيل بس اوضه نوم معموله فى ايكيا مش زى اوضه نوم فى ورشه صغيره

المقصد انه يكون فينش الورشه عاالى وكل حاجه متظبطه والالوان اللى شوفتها على الغرفه الجاهزه يقدر يجيب نفس درجه اللون ولمعتها مش حاجه شبها والسلام

بص انا حطتيك لحضرتك نماذج من اوض النوم اللى انا ااقصدها علشان تفهم قصدى

[M.ABDOU]

مش عارف احمل الصور

[M.ABDOU]

ممكن تبص على اللينك ده

فى نماذج من غرف النوم اللى ااقصدها

http://forum.el-wlid.com/t479695.html

هل هوا يقدر يعمل نفس النموذج بنفس الفينش ودرجه اللون ولا لا

لو يقدر يبقى اتفق معاه مباشره ويكون ارخص طبعا

[sasatony]

بص انا بجهز شقتي دلوقتي
بنزل الصور الي انا عاوزها وعندي النجار ماشاء الله عليه بيعمل نفس التصميم بالظبط
الفكرة كلها ان انت تشوف نجار كووووووووويس وأمين وساعتها هتاخد احلي شغل منه