الزواج من بنت 19 سنة وأبوها متوفي

[eslam atia]

السلام عليكم ورحمه الله وبركاتة

معلش انا عارف ان لا المكان ولا الزمان مناسبين لهذا الموضوع ، بس من عشمي في حضراتكم وخبراتكم وأن خير الناس أنفعهم للناس حبيت أسألكم وأستشيركم عن هذا الموضوع
الحمد لله لقيت بنت الحلال اللي لقيت فيها صفات محمودة اللهم لك الحمد
بنت 19 سنة أخوتها 2 بنات و2 ولاد وهي أصغرهم وأبوها متوفي رحمه الله علية
لما اتكلمت مع أخوها الكبير قالي ان البنت لسه قاصر ومش هتقدر تعمل حاجة قبل ال 21 سنة وحاجات كدا مركزتش فيها من الصدمة زي محكمة الاسرة والتسنين والورث ، مش عارف
هل يقصد انها مش هتتجهز قبل ال 21 سنة بفلوس الميراث ، لانها قاصر ولا يجوز صرف ميرثها قبل 21 سنة ؟؟
مش المفروض ان المآذون بيكتب الكتاب علي 18 سنة للبنت ؟
هل كدا البنت راحت ولا لأ علما بأن عمري 25 سنة
مش عارف اعمل ايه وتعبت من التفكير
وبالله عليكم اللي يفهم في القانون واللي مٌر بنفس التجربة يشرح ايه اللي حصل
جزاكم الله خيرا
والسلام عليكم ورحمه الله وبركاتة

[TylerDurden]

هو أكيد قصده لأنها ناقصة الأهليه (قاصر) ولا يجوز لها التصرف في أموالها، ومينفعش اخواتها كمان يتصرفوا في أموالها.
لكن يجوز للولي علي مالها طالما والدها متوفي يبقي جدها لو عايش، او وصي لها او حتي قيم ان يتبرع من مالها بإذن من المحكمه ويجب وجود واجب انساني او عائلي، اعتقد ده يدخل ضمن الواجب العائلي.

وده تلخيص سهل يمكنك من خلاله تفهم حالتها، غالبا لها وصي

حددت المواد من ( 36 ) إلى ( 46 ) واجبات الأوصياء والتي يمكن إجمالها فيما يلي:
• يتسلم الوصي أموال القاصر ويقوم على رعايتها ويبذل في ذلك عناية الشخص المعتاد، ولا يجوز له التبرع بمال القاصر إلا لأداء واجب إنساني أو عائلي وبإذن من المحكمة.
• كما لا يجوز له مباشرة التصرفات التي حددتها المادة ( 39 ) إلا بإذن من المحكمة وهى:
• جميع التصرفات التي من شأنها إنشاء حق من الحقوق العينة العقارية الأصلية أو التبعية أو نقله أو تغييره أو زواله، وكذلك جميع التصرفات المقررة لحق من الحقوق المذكورة، والتصرف في المنقولات أو الحقوق الشخصية أو الأوراق المالية فيما عدا ما يدخل في أعمال الإدارة.
• الصلح والتحكيم إلا فيما قل عن مائه جنيه مما يتصل بأعمال الإدارة.
• حوالة الحقوق والديون وقبول الحوالة.
• استثمار الأموال وتصفيتها.
• اقتراض المال وإقراضه.
• إيجار عقار القاصر لمدة أكثر من ثلاث سنوات في الأراضي الزراعية ولمدة أكثر من سنة في المباني.
• إيجار عقار القاصر لمدة تمتد إلى ما بعد بلوغه سن الرشد لأكثر من سنة.
• قبول التبرعات المقترنة بشرط ورفضها.
• الإنفاق من مال القاصر على من تجب عليه نفقتهم إلا إذا كانت النفقة مقضيا بها بحكم واجب النفاذ.
• الوفاء الاختياري بالالتزامات التي تكون على التركة أو على القاصر.
• رفع الدعاوى إلا ما يكون في تأخير رفعه ضرر بالقاصر أو ضياع حق له.
• التنازل عن الحقوق والدعاوى وقبول الأحكام القابلة للطعون العادية والتنازل عن هذه الطعون بعد رفعها، ورفع الطعون غير العادية في الأحكام.
• التنازل عن التأمينات وأضعافها.
• إيجار الوصي أموال القاصر لنفسه أو لزوجه أو لأحد أقاربهما بالتراضي إذا كانت له مصلحة في ذلك.
• تعليم القاصر إذا احتاج للنفقة والإنفاق اللازم لمباشرة القاصر مهنة معينة.
• ويجب على الوصي استئذان المحكمة في قسمة مال القاصر بالتراضي إذا كانت له مصلحة في ذلك.
• كما يجب عليه أن يعرض على المحكمة ما يرفع على القاصر من دعاوى وما قد يتخذ فيها من إجراءات ويتبع في شأنها ما تأمر به المحكمة.
• وكذلك يجب عليه أن يودع أموال القاصر أحد المصارف بعد استبعاد النفقة المقررة ومصروفات الإدارة ولا يجوز أن يسحب من هذه الأموال المودعة إلا بإذن من المحكمة أو من النيابة العامة عملاً بنص المادة ( 47 ) من القانون رقم ( 1 ) لسنة 2000.
• ويجب عليه أن يقدم حسابا سنويا مؤديا بالمستندات عن إدارته لأموال القاصر قبل أول يناير من كل سنة.

[Karim Alaa]

هو بيتكلم على فلوسها الى هتتجهز منها مش على عقد القران عقد القران عادى

[elpilot]

الفلوس بعد ما تكتب الكتاب بتدي المعاشات صورة القسيمة وبتاخد فلوسها عادي وبتاخد كمان منحة لو كان والدها موظف توكل علي الله انا اختي عملوا معانا كده وخدنا فلوسها بس بتقعد حوالي شهر علما يبحثوا واللفلوس تيجي وربنا ييسرلك حالك

[Bassem Youssef]

عفوا

دي كده بنت صغيره مش هتبقي فاهمه الدنيا كويس و مش هتقدر تشيل المسئوليه بصوره صحيحه

ممكن تستني عليها لما تبقي 21 سنه علي الاقل البنت تقدر تتصرف في ميراثها و اهه تبقي كبرت شويه و اخدت شويه خبرات حياتيه تساعدها انها تبقي زوجه صالحه

علي فكره كلامي ده عن الولد كمان مش البنت بس

استخير و بعدين توكل علي الله

[NineVision]

عفوا

دي كده بنت صغيره مش هتبقي فاهمه الدنيا كويس و مش هتقدر تشيل المسئوليه بصوره صحيحه

ممكن تستني عليها لما تبقي 21 سنه علي الاقل البنت تقدر تتصرف في ميراثها و اهه تبقي كبرت شويه و اخدت شويه خبرات حياتيه تساعدها انها تبقي زوجه صالحه

علي فكره كلامي ده عن الولد كمان مش البنت بس

استخير و بعدين توكل علي الله

عمر ماكان الخبرة بالعمر
19 سنة مش صغيرة وفيه بعض المناطق البنت لو وصلت 21 بتكون كبرت على الجواز اصلا
وصاحب الموضوع هو اللى يقدر يحكم اذا كانت البنت ذو كفائة عقلية ام لا
ربنا يوفقكم

[eslam atia]

جزاكم الله كل خير

[eslam atia]

أسأل الله ان يرضيني بما هو خير لي ويصرف عني ما هو شر لي وللمسلمين جميعا

[h_shahin]

أعتقد إن أخوها بيحاول يعتذر لك بشكل ما يحرجكش

غالبا البنت لما بتبقى مش عاجبها العريس لأسباب شكلية أو عاطفية أو اجتماعية الأهل بيحاولوا يقولوا أسباب عملية علشان ما يكسفوش العريس المرفوض

و ربنا يخيب ظنى