ساعدونى ابنى مستقبله بيضيع

[samar abdo]

يا جماعة الخير ساعدونى اتعامل مع ابنى الوحيد ...من بعد الثانوية العامة و دخوله كلية الهندسة رافض المذاكرة و رسب فى الاعدادى ..دلوقتى بيعيد السنة و برضه مش بيذاكر..اكلمه يقول انا عارف مصلحتى و لا تتدخلى ....عرضت عليه يترك الكلية و يددخل اى كلية تانى رافض ......بالله عليكم دلونى اعمل ايه انا ا فى حيرة و حزينة جداً

[svneleven]

عامة في ناس كتير بتاخد صدمة في اعدادي هندسة لأنها سنة رخمة جدا و فعلا صعبة و ناس كتير بتشيل السنة ديه. لو هو اساسا عارف مصلحته و كان بيذاكر لوحده في ثانوي يبقي ان شاء الله هيعدي. لو هو من النوع اللي لازم حد يكلمه و يقوله ذاكر و كده يبقي للأسف مش هينفع في هندسة أساسا. و هندسة مش محتاجة وقت كتير للتحصيل لأن في كتير محتاج فهم مش أكتر. يعني ممكن يكون بيقضي وقت قليل في المذاكرة لكن بيحصل كل اللي عليه. بالتوفيق و ربنا يهديه.

[Ramy_2R]

هو عايز قسم إيه ؟

[Ahmed_Ramadan]

أنا سقطت فى إعدادي و ده شئ عادي فى هندسة جدا .... هو دخل الكلية بمزاجه و لا غصب عنه

الحل تشوفوا هو بيستريح فى الكلام مع مين و بيقتنع برأيه و تخلوه يقعد معاه بالراحة و يفهم المشكلة فين علشان تعرفوا تحلوها

[samar abdo]

عامة في ناس كتير بتاخد صدمة في اعدادي هندسة لأنها سنة رخمة جدا و فعلا صعبة و ناس كتير بتشيل السنة ديه. لو هو اساسا عارف مصلحته و كان بيذاكر لوحده في ثانوي يبقي ان شاء الله هيعدي. لو هو من النوع اللي لازم حد يكلمه و يقوله ذاكر و كده يبقي للأسف مش هينفع في هندسة أساسا. و هندسة مش محتاجة وقت كتير للتحصيل لأن في كتير محتاج فهم مش أكتر. يعني ممكن يكون بيقضي وقت قليل في المذاكرة لكن بيحصل كل اللي عليه. بالتوفيق و ربنا يهديه.

هو مش عارف هو عايز ايه و دايما بيذاكر تحت ضغط ...... لكن تحصيله سريع

[samar abdo]

[quote=ahmed_ramadan;3875804542]أنا سقطت فى إعدادي و ده شئ عادي فى هندسة جدا .... هو دخل الكلية بمزاجه و لا غصب عنه

الحل تشوفوا هو بيستريح فى الكلام مع مين و بيقتنع برأيه و تخلوه يقعد معاه بالراحة و يفهم المشكلة فين علشان تعرفوا تحلوها[/quote]



دخل الكليه بمزاجه و كان فرحان جدا ..لكن لقاها محتاجة مذاكرة و هو تقريبا كان فاكر ان الثانوية العامة اخر مراحل التعب ..........اشكرك ع النصيحة و هشوف حد يتكلم معاه يمكن ينفع

[eng wael]

[quote=ahmed_ramadan;3875804542]أنا سقطت فى إعدادي و ده شئ عادي فى هندسة جدا .... هو دخل الكلية بمزاجه و لا غصب عنه

الحل تشوفوا هو بيستريح فى الكلام مع مين و بيقتنع برأيه و تخلوه يقعد معاه بالراحة و يفهم المشكلة فين علشان تعرفوا تحلوها

دخل الكليه بمزاجه و كان فرحان جدا ..لكن لقاها محتاجة مذاكرة و هو تقريبا كان فاكر ان الثانوية العامة اخر مراحل التعب ..........اشكرك ع النصيحة و هشوف حد يتكلم معاه يمكن ينفع[/quote]

على فكرة انا برضه قررت بعد الثانويه العامه انى مفتحش كتاب لانى تعبت فيها وجبت مجموع ودخلت هندسه اسكندريه وكان مجهودى قليل جدا كنت بذاكر اخر شهر بس ده شئ بيحصل عادى فى بعض الحالات ولكن لا داعى للقلق ان شاء الله ربنا يكرمه ويعدى على خير

[kaza]

حاقول لحضرتك حاجة الاولاد في السن دة بيتمردوا علي كل شئ وبيكونوا غير متقبلين للنصح بدعوي الشخصية واثبات الوجود بس اللي لازم يعرفه كل شاب ان طريقة التفكير والاولويات بتختلف بتقدم العمر لغاية ميلاقي نفسة بيفكر تماما كطريقة ابية وامة وبالتالي دورك النصح والارشاد وماعليكي غير النصيحة وقللي اهتمامك بما يفعل بس راقبية من بعيد هتلاقية ربنا هداة واستقر لما فية مصلحتة و خلي بالك اي حاجة بيلاقيكي مهتمة بيها وفيها مصلحتة هيعاند اكتر ودة مش مطلوب ربنا يهدهولك ويفرحك بنجاحة

[eng.samy]

شوفي حد بيكون بيثق فيه ويسمع كلامه ويحاول معاه

[eng_amg]

ياريت تصبري عليه وتسيبيه هو يتصرف.
انا بقول كدا علشان انا كنت زيه بالضبط. وكنت بذاكر آخر اسبوعين في السنة لأول مرة. من ثانوي لغاية ما خلصت الجامعة. والحمد لله كنت لا أقل عن جيد. وطبعا في مواد عدتها.
وحضرتك بتقولي تحصيله سريع. يبقى لو ذاكر آخر شهر حيبقى كويس ان شاء الله.