استثمر فلوسي في ايه

[اسماء محمد]

السلام عليكم و رحمة الله و بركاته

لو بقدر كل شهر يبقي معايا مبلغ كبير جيد جدا و الحمدلله

استثمرهم في ايه

هل اضعهم في البنك ؟
هل اجمع مبلغ كبير و اشتري شقه و هكذا

نصائحكم الغاليه

[7oda]

موضوع ذات صلة
ما خاب من استشار تحت امركم فى اى استشارات مالية او عقارية

[Karim Alaa]

كل شهر و مبلغ كبير جدا يبقى عقارات يا باشا و ربنا يوفقك انشاء الله

[ahmedwagdy03]

عقار أو أرض

[اسماء محمد]

كل شهر و مبلغ كبير جدا يبقى عقارات يا باشا و ربنا يوفقك إن شاء الله

ممكن توضيح اكثر يا كريم

[محمد طارق]

عقارات او فوركس لو عندك خبرة

[aminibrahim]

عقارات

[DODGE2013]

عقارات وابعد عن الفوركس والكلام ده دلوقتي الا لو جزء حتغامر بيه ومش حيضرك يا صابت ياخابت d:

وياريت تحدد المبلغ كام بالظبط لان ممكن يكون المبلغ الكبير اوي كل شهر بالنسبالك 5000 ولا 15 الف جنيه مثلا طبعا عشان الاعضاء يفدوك اكتر

[أبو آسر]

أعتقد أن العقارات حاليا أكثر شيء مستقر في مصر وفي زيادة مضطردة
عقارات سواء شقق أو محلات أو أراضي
لكن أهم شيء تكون حاجة مضمونة وبعقود سليمة وياريت يكون في محامي متخصص مع حضرتك وانتوا بتتعاقدوا

[اسماء محمد]

المبلغ كل شهر حوالي 30 -40 الف جنيه
هو مش مبلغ ضخم بس بالنسبه لظروف البلد الحاليه اعتقد انه معقول جدا

يعني انتوا شايفين ان افضل حاجه هو ان اجمع مبلغ مع بعض و اشتري شقق و هكذا ؟

[zorg]

أعتقد أن العقارات حاليا أكثر شيء مستقر في مصر وفي زيادة مضطردة
عقارات سواء شقق أو محلات أو أراضي
لكن أهم شيء تكون حاجة مضمونة وبعقود سليمة وياريت يكون في محامي متخصص مع حضرتك وانتوا بتتعاقدوا

بخصوص سيرة المحامى عندك حد كويس ومتخصص ميوديش فى داهية ؟

[أبو آسر]

بخصوص سيرة المحامى عندك حد كويس ومتخصص ميوديش فى داهية ؟

لا والله للأسف أغلبهم نصابين وبتوع ال3 ورقات ومش بحبهم مع إني خريج حقوق أصلا بس مع وقف التنفيذ !

[M_a_h_M]

عقارات او اراضي او دهب

[eng.samy]

في العقارات

[eng_amg]

أفضل استثمار هو تدوير رأس المال في عمليات تجارية أو إنتاجية. حتى العقارات لا تقارن بإعادة التدوير التي يمكن أن تصل إلى من 80% إلى 100% من قيمة رأس المال المستثمر سنويا.