الجواز والله يخربيت الجواز

[alavokatooo_o]

باختصار كنت كاتب موضوع عن الجواز وازاي تدور وكده الموضوع اننا ف البيت سالنا عن ناس كتير وف الي قال حلو وف الي قال وحش وصلنا ف النهايه ان ف واحده الناس اكتر الناس اجمعت انها كويسه واهلها ف حالهم ومحترمين
المشكله بقي ان ابويا مش داخلين دماغه ومش عارف السبب يقولي عايزين ناس تشرف مش عارف ازاي يعني وعمال يسال علي ناس تانين ويقولي مش من اول واحده حلوه ومحترمه هنبطل ندور وانا محتار و حاسس اني مش محتاج ادور تاني انتوا ايه رايكوا اكمل معاه وادور تاني ولا ارضي بالي قدامي مستني رايكوا
وشكراً مقدماً

[Survival]

اسمع كلام ابوك . اكيد والدك عاوز لك الخير.

اللحظة اللى تتقدم رسمي فيها هى اللحظة اللى تتوقف فيها رحلة البحث.

و ممكن والدك يكون عاوز يشيل ايده من الموضوع عشان لما تندم و دا اجلا او عاجلا هيحصل يقولك ماليش دعوة .

[hesham fawzy h]

اسمع كلام والدك .. و دور تانى يمكن تلاقى وحدة احسن

و ان ملاقتش التانية موجودة .. و لو اتجوزت يبقى نصيبك بقى

[Bassem Youssef]

عفوا و لكن حضرتك بتتكلم كأنك بتدور عن منتج شاحح في السوق

[speed_magnum]

طيب ما تتناقش مع والدك
واعرف النقط اللي مش عاجباه يمكن تقنعه او يقنعك

[J A G U A R]

انا شايف انك تختار بنفسك
بس تكون بتعرف تختار كويس

[alavokatooo_o]

عفوا و لكن حضرتك بتتكلم كأنك بتدور عن منتج شاحح في السوق

لو حضرتك هنتكلم بالمنطق وبدون النظر لكلمه منتج ايوه احنا بقينا بندور علي حاجه نادره جدا وهي البنت المحترمه الي تصونك وتخاف عليك انت لو سالت علي 10 بنات دلوقت تلاقي 3 بالكتير 4 منهم الي فيهم المواصفات دي

طيب ما تتناقش مع والدك
واعرف النقط اللي مش عاجباه يمكن تقنعه او يقنعك

النقاش بيقف عند كلمه انا عايزلك الاحسن ولحد دلوقت اكتر اختياراته ناس متكبره وشايفين نفسهم ع الفاضي انا مش مختلف معاه بس دايما اقوله مادام موجود الحلو دلوقتي ليه افضل ادور واكني خلاص ضامنها اني هروح وهخلص معاهم

انا شايف انك تختار بنفسك
بس تكون بتعرف تختار كويس

موضوع اختار بنفسي هما فعلا عايزينه علشان مقلهمش انتوا الي اخترتوا بس كل ما اقول علي واحده يخوفوني منها وانت عارف ف الوقت ده انت بتسمع للناس اوي وبتهتم برايهم اوي اوي

[alavokatooo_o]

اسمع كلام ابوك . اكيد والدك عاوز لك الخير.

اللحظة اللى تتقدم رسمي فيها هى اللحظة اللى تتوقف فيها رحلة البحث.

و ممكن والدك يكون عاوز يشيل ايده من الموضوع عشان لما تندم و دا اجلا او عاجلا هيحصل يقولك ماليش دعوة .

انا بسمع كلامه بس اختياراته دايما موضع نقاش ف البيت اخر اختيار حضرتك ناس شكر فيها جدا وراح يفاتحهم قالوا هنرد عليك وفات اسبوعين محدش رد متخيل حضرتك لو كنت رحت كنت قولت بيفكروا انما انا ولا شفتهم ولا شافوني

اسمع كلام والدك .. و دور تانى يمكن تلاقى وحدة احسن

و ان ملاقتش التانية موجودة .. و لو اتجوزت يبقى نصيبك بقى

جايز بس الموضوع ده بيخنق وانت ما بتسدق تلاقي واحده الناس كلها اجمعت انها محترمه

[magyver]

موقف رخم
خد وااحدة قريبتك تكون كويسة وخلاص :)

[sherifahmed]

مبدئيا اوعى تاخد حد من قريبك
الخناقة بزعلة فى العيلة كلها و ياسلام لو استحالت العيشة و كتب الله عليك الطلاق
انسى دا تماما
نمرة اتنين
والداك والدك والدك
اللى ملوش خير فى ابوه و امه مالوش خير فى حد
ربنا قال فى محكم كتابه "وَإِنْ جَاهَدَاكَ عَلَىٰ أَنْ تُشْرِكَ بِي مَا لَيْسَ لَكَ بِهِ عِلْمٌ فَلَا تُطِعْهُمَا ۖ وَصَاحِبْهُمَا فِي الدُّنْيَا مَعْرُوفًا ۖ"
دا فى الكفر مش واحدة عايز تتجوزها
و بعدين عايز تتجوز ليه اصلا
شايف اللى متجوزين مبسوطين اوى؟
انت كدا برنس نفسك
تسافر بره
تيجى
تعقد تمشى اللى انتا عايزه
دا اللى عندى

[cyborg_ift]

نصيحة أخ متتجوزش

هتندم ندم التنين في القلعة

[Ahmed_selmy]

انا رأى تروح تشوف الناس وتتكلم معاهم......هى مبتتحسبش خطوبه من اول او تانى زياره
التكبر قبل الزواج حيسببلك مشاكل ......متاخدش ناس اعلى منك علشان ميطنططوش عليك بعد الجواز....لازم يشوفوك ان انت الاعلى
متحكمش انك توقف التدوير والبحث بمجرد انك لقيت واحده لازم لازم لازم المقابله والكلام مع اهلها.
وربنا يوفقك

[alavokatooo_o]

موقف رخم
خد وااحدة قريبتك تكون كويسة وخلاص :)

مبحبش جواز القرايب والله يا باشا

مبدئيا اوعى تاخد حد من قريبك
الخناقة بزعلة فى العيلة كلها و ياسلام لو استحالت العيشة و كتب الله عليك الطلاق
انسى دا تماما
نمرة اتنين
والداك والدك والدك
اللى ملوش خير فى ابوه و امه مالوش خير فى حد
ربنا قال فى محكم كتابه "وَإِنْ جَاهَدَاكَ عَلَىٰ أَنْ تُشْرِكَ بِي مَا لَيْسَ لَكَ بِهِ عِلْمٌ فَلَا تُطِعْهُمَا ۖ وَصَاحِبْهُمَا فِي الدُّنْيَا مَعْرُوفًا ۖ"
دا فى الكفر مش واحدة عايز تتجوزها
و بعدين عايز تتجوز ليه اصلا
شايف اللى متجوزين مبسوطين اوى؟
انت كدا برنس نفسك
تسافر بره
تيجى
تعقد تمشى اللى انتا عايزه
دا اللى عندى

اسباب كتير منها قول الرسول (من استطاع منكم الباءة فليتزوج فإنه أغض للبصر وأحصن للفرج ) صلي الله عليه وسلم ومرحله اكيد هتيجي وجيه وقتها معايا حضرتك

نصيحة أخ متتجوزش

هتندم ندم التنين في القلعة

شر لابد منه حضرتك ههههههههه

انا رأى تروح تشوف الناس وتتكلم معاهم......هى مبتتحسبش خطوبه من اول او تانى زياره
التكبر قبل الزواج حيسببلك مشاكل ......متاخدش ناس اعلى منك علشان ميطنططوش عليك بعد الجواز....لازم يشوفوك ان انت الاعلى
متحكمش انك توقف التدوير والبحث بمجرد انك لقيت واحده لازم لازم لازم المقابله والكلام مع اهلها.
وربنا يوفقك

رايك متماشي مع راي بصراحه شكرا ليك

[بحار]

نصيحة أخ متتجوزش

هتندم ندم التنين في القلعة

والتنين فى القلعه بيبقى ندمان ليه ؟

[marsguy]

والتنين فى القلعه بيبقى ندمان ليه ؟

عشان التنين غالباً بيتجوز في قلعه إيجار جديد :)