استشارة في قرار السفر لانجلترا

[MohamedAbo]

السلام عليكم يا شباب


كنت استشارتكم قبل كدا في موضوع السفر لانجلترا ... تخيلوا المفروض أننا بطلع الفيزا خلال شهر .. والورق اتبعت من هناك علشان كدا .. هيا اللمشكله اني بصراحة مش عاوز أسافر مش عارف ليه ... تبا كلنا عارفين ظروف البلد حاليا .. بس عيادتي كويسة وحنا هنا مستقرين ... إيه إلي يكليني أهدم دا كلو واروح... مع العلم إن العقد لمراتي 3 سنوات .. ونا مكن هناك أكاد من غير شغل لان الشغل مش سهل هناك (أوان كان في وعود من هناك بعمل) .....


مش أعرف دا تردد ولا إيه .. تبا هناك أهم ميزة التعليم للاولاد ويمكن تكون دي اللحاجه إلي مخلياني لسة بفكر ومش عارف أخد قرار...
حيرة شديدة ... كنا هناك ساعة الدكتورة 8 سنوات يعني أكنا من أهل لندن .. يعني مش هيبقي في أي إنبهار ...




ياتري رايكم اية


شكرا


تم تعديل العنوان
م ب 3

[amr011111]

رأى متسافريش
لانك هناك مش هينفع تقعد من غير شغل
والسبب الاهم ان انتى هنا عيادتك ليها اسم وحرام تضيع مجهود السنين اللى فاتت

[MohamedAbo]

ربنا يكرمك يا باشا .. يارب ناخد القرار الصح

[sherifahmed]

راى السفر لوحده ليه ميزة
حضرتك جرب تطلع كأنك واخد اجازة كام شهر
الدنيا مشيت؟ تمام
ما مشيتش؟ الدنيا موجودة هنا

[hesham fawzy h]

لو مستريح هنا متسافرش ..

انا عن نفسي مش مستريح هنا .. و مش عايز اسافر برضو :)

مصر دى فيها حاجة حلوة :) ولله مش بأفور ههههههههه

[7oda]

راى السفر لوحده ليه ميزة
حضرتك جرب تطلع كأنك واخد اجازة كام شهر
الدنيا مشيت؟ تمام
ما مشيتش؟ الدنيا موجودة هنا

نفس رأيى بالظبط
سافر و شوف الدنيا هتوضح اكتر
ياما الحال هيعجبك هناك و هتكمل
او هيتاكد احساسك ان وضعك فى مصر احسن
لو مسفرتش و الحال فى مصر مستقرش او اوحش ليك هتقعد تقول كان ادامى سفر و مسفرتش
عشان كده الى هيطلعك من الحيرة هو السفر

دَعْ عَنْكَ لوْمِي فإنَّ اللوْمَ إغراءُ وَدَاوِني بالتي كانَتْ هيَ الداءُ

[exelence]

نفس الحال خايف اهد كل اللى هنا و ما استريحش فى الغربة
إحساس فظيع
ربنا يوفقك للقرار الصح

[MohamedAbo]

المشكلة في مصر دلوقتي تصرفات الناس والهمجية إلي احنا عايشين فيها .. يا تري حنعيش حياتنا كلها بره .. لازم يوم هنرجع ... قرارات مصيرية اجابتها في علم ربنا .. يا مسهل .. ويارب يسر لينا وكل الناس

[أبو آسر]

يا راجل حرام عليك
متردد تسافر انجلترا أو لأ !
ده نص البلد دلوقتي لو جالهم سفرية لمدغشقر هيسافروا فورا :)
صلي استخارة وتوكل على الله ولو مفيهاش خير مش هتتيسر

[MohamedAbo]

اللهم دبر لي فاني لا أحسن التدبير

[brown-eyes]

هو حضرتك عندك اولا د ؟ وسنهم قد آيه لان أنا حاليا في إيطاليا وبفكر ارجع مصر لان بنتي بقي عندها ٤ سنين وانا مش عايزها تتربي هنا مع ان كل اللي في مصر بيقولي بلاش ترجع ومحتار بردو

[Mohab.Nabil]

حضرتك بتقول انك قعدت فى لندن 8 سنين يعنى فترة كبيرة جدا

بصراحة انا شايف ان عندك كل حاجة تقدر تخليك تاخد القرار الصح ، جربت العيشة هناك لمدة مش قليلة يعنى مش سياحة مثلا فمتقدرش تحكم و اكيد جربت العيشة هنا فى مصر فترة كبيرة جدا برضه

القرار يرجع ليك و ان كنت حاسس احساس شخصى انك عايز تقعد هنا بس مش عايز تندم على الفرصة و مستنى اللى يشجعك انك تقعد هنا .. بصراحة انا شايف اكتر حد يقدر يحكم على الموضوع هو حضرتك و بس لأنك قعلا جربت هنا و هناك و اكيد تقدر تحدد مميزات هنا و عيوب هناك و العكس

توكل على الله و اعمل اللى يريحك و متقعدش تفكر لا ديه فرصة و هتضيع طالما فكرت كويس و حاسس انك مستريح لقرارك نفذه .. مفيش حتة هى الجنة .. كل مكان ليه مميزاته و عيوبه و اكيد حضرتك عارف الكلام ده اكتر منى بحكم التجربة فشوف تفضل مميزات انهى مكان فيهم و خد القرار

بالتوفيق ان شاء الله

[zangry]

مدام مرتاح هنا متسافرش وتسيب اهلك

[mohamed_selim]

كفايه العيشه النضيفه و السيستم اللى بيطبق على الكل
ممكن تسافر تجرب و بالنسبه للعياده تشوف دكتور شاطر بس معندوش عياده و تجيبه معاك الكام شهر دول و لما تسافر الناس هتفضل تيجى على اسمك و انهم شافوه و بالتالى لو مستريحتش و حبيت ترجع يبقى العياده مش مقفوله

[أحمد كمال]

بكرة تندم لو ما سافرتش :(