سعر تآسيس شقة بالكهرباء مسحتها 100 متر

[amr00000]

السلام عليكم ورحمه الله وبركاتة
يا جماعة معلش كنت من فترة تركت موضوع بنفس العنوان دة وكنت بستفسر فية عن سعر تاسيس الكهرباء والسباكة ولقيت بعد الردود الى حيرتنى لحد ما لان جبت كهربائى وقالى اسعار مختلفة عن الى ذكر هنا وحجات كتير وسالت محل كهربائى عن الحجات الى طلبها منى الكهربائى بحكم خبرتة قالى دة ناصب عليك كدة فحبيت اتاكد منكم انا هكتبلكم الحجات الى طلبها واتمنى الى يعرف او الى عمل شقتة قريب ومساحتة زى مساحتى يقول الحجات دى صح ولا اكتر واية الى اكتر او الاسعار حلوة ولالا واحسن مكان اجيب منة باسعار كويسة منين
4 لفت سلك 2 ملى ب 155 المتر
3 لفات سلك 3 ملى ب 230 المتر
3 لفات سلك 4 ملى ب 290 المتر
لفة سلك دش ايطالى 80 جنية المتر
لوحة عداد خارج تمبيطر ب 32
لوحه مفاتيح 24 خط ب 280
لفت مواسير 16 سوسته علاء الدين ب 12 حتية
لفت خراطيم 16 علاء الدين ب 55 جنية اللفة
لفة مواسير 13 سوسته علاء الدين ب 10 جنية اللفة
لفت مواسير 11 سوستة علاء الدين ب 10 جنية اللفة
50 علبة ماجيك
10 بواط 10*10 ب جنية
10 بواط 20 * 20 4 جنية الواحد
5 شريط لحام ب 3 جنية الواحد
يترى دة يستحق كل الطلبات دى لشقة 100 متر ولو فى حاجة هو زودها او ملهاش لزمة ياريت تقوليلى وشكرا

[HeMa_LanCeR]

السلام عليكم ورحمه الله وبركاتة
يا جماعة معلش كنت من فترة تركت موضوع بنفس العنوان دة وكنت بستفسر فية عن سعر تاسيس الكهرباء والسباكة ولقيت بعد الردود الى حيرتنى لحد ما لان جبت كهربائى وقالى اسعار مختلفة عن الى ذكر هنا وحجات كتير وسالت محل كهربائى عن الحجات الى طلبها منى الكهربائى بحكم خبرتة قالى دة ناصب عليك كدة فحبيت اتاكد منكم انا هكتبلكم الحجات الى طلبها واتمنى الى يعرف او الى عمل شقتة قريب ومساحتة زى مساحتى يقول الحجات دى صح ولا اكتر واية الى اكتر او الاسعار حلوة ولالا واحسن مكان اجيب منة باسعار كويسة منين
4 لفت سلك 2 ملى ب 155 المتر السويدي ب147 غير شامل
3 لفات سلك 3 ملى ب 230 المتر السويدي ب234 غير شامل
3 لفات سلك 4 ملى ب 290 المتر السويدي ب276 غير شامل
لفة سلك دش ايطالى 80 جنية المتر ب 50 جنية في باب اللوق
لوحة عداد خارج تمبيطر ب 32 25 جنية (ماركة تيمكو او النور)
لوحه مفاتيح 24 خط ب 280 ال 32 خط سيجما ب 270
لفت مواسير 16 سوسته علاء الدين ب 12 حتية ب 8 جنية
لفت خراطيم 16 علاء الدين ب 55 جنية اللفة علاء الدين ب 110 واللفة 45 متر - ومصطفي محمود ب 97 وباردو 45 متر
لفة مواسير 13 سوسته علاء الدين ب 10 جنية اللفة
لفت مواسير 11 سوستة علاء الدين ب 10 جنية اللفة
50 علبة ماجيك بجنية الواحدة
10 بواط 10*10 ب جنية هاتة مصطفي محمود
10 بواط 20 * 20 4 جنية الواحد هاتة مصطفي محمود
5 شريط لحام ب 3 جنية الواحد
يترى دة يستحق كل الطلبات دى لشقة 100 متر ولو فى حاجة هو زودها او ملهاش لزمة ياريت تقوليلى وشكرا

لأ الكميات معقولة دا هيحتاج سلك تاني وحوالي 6 او 7 لفات مواسير 16 وممكن توصل ل 10 لو نظام اميركان بس اهم من كل ده السلك يكون سويدي

[4fun14]

مبالغ شوية..
انا شقتي صافي 116 متر واحتجت الاتي
لفتين سلك 4 مم
3 لفه سلك 3مم
3 لفه سلك 2 مم
والاسعار كويسه المهم تكون السويدي مش مضروب.. انا عن نفسي اشتريت من السويدي نفسه
وعلي فكره انا مدلع نفسي ف الكهربا ومحتجتش اشتري تاني.. وربنا يوفقك

[amr00000]

لأ الكميات معقولة دا هيحتاج سلك تاني وحوالي 6 او 7 لفات مواسير 16 وممكن توصل ل 10 لو نظام اميركان بس اهم من كل ده السلك يكون سويدي

الكميات معقولة يعنى كدة الحجات مظبوتة مش مبالغ فيها فى عدد اللفات ولا حاجة ؟ او شى ناقص مش قايلة هو

[amr00000]

مبالغ شوية..
انا شقتي صافي 116 متر واحتجت الاتي
لفتين سلك 4 مم
3 لفه سلك 3مم
3 لفه سلك 2 مم
والاسعار كويسه المهم تكون السويدي مش مضروب.. انا عن نفسي اشتريت من السويدي نفسه
وعلي فكره انا مدلع نفسي ف الكهربا ومحتجتش اشتري تاني.. وربنا يوفقك

تسلم انا بقول كدة بردوا انا حاسس ان مبالغ شوية فى الاسلاك ومش عارف الحق فين وخايف اسمع كلام صاحب محل الكهربائى واجيب اقل والكهربائى الى هيشتغلى يقولى علشان جبت اقل مكفاش واخرب الدنيا

[4fun14]

لا صاحب المحل عنده حق
ال4 مم بالذات ماحتجتش منه الا لفه وربع.. طالب منك 3 ليه؟! ده انت حتي شقتك اصغر.. انا قلقان م الكهربائي ده بصراحه.. شوف كلام واحد غيره! مش عيب وانا عملت كدة.. المشكله مش ف تكلفه السلك والخامات بس دي حاجه تقلقك انه عاوز يخنصر شويه بضاعه ولا حاجه

[amr00000]

لا صاحب المحل عنده حق
ال4 مم بالذات ماحتجتش منه الا لفه وربع.. طالب منك 3 ليه؟! ده انت حتي شقتك اصغر.. انا قلقان م الكهربائي ده بصراحه.. شوف كلام واحد غيره! مش عيب وانا عملت كدة.. المشكله مش ف تكلفه السلك والخامات بس دي حاجه تقلقك انه عاوز يخنصر شويه بضاعه ولا حاجه

والله عندك حق بس مش عارف اعمل اية انا كل الى كنت بفكر فية بحاول امشى الموضوع باى طريقة على اد ما اقدر لان الكهربائى دة اعرفة من زمان فى شغلة يعنى اقصد شغلة كويس وعارف شغلة كويس متمكن منة بس زى ما قولت الى بقى اكيد وواضح انة عاوز يطلع بمصلحة فمش عارف احلها ازاى بصراحة وممكن اشوف كهربائى تانى يطلع مش بيفهم فى شغلة وخصوصا ان دة تاسيس يعنى لو مش كهربائى صح انا الى هتعب باقى حياتى قدام

[4fun14]

هو طالب منك مصنعيه كام؟ وهياخد كام يوم شغل؟

[amr00000]

هو طالب منك مصنعيه كام؟ وهياخد كام يوم شغل؟

بالنسبة لكام يوم شغل والله ما عارف لحد الان هو علشان معرفة من زمان فمتكلمتش فى النقطة دى فمعرفش هيخلصها فى اد اية بس بخصوص المصنيعة 1500 جنية
وزى ما قولتك شغلة انا عارفة وواثق منة بس المشكلة ان من البداية الطلبات وكدة وغيرها وانا اتاكدت ان هياخد منى مصلحة شخصية غير المصنعية ودى الى بحاول احلها او اشوف حل ليها انى بقدر الامكان اقللها فقولتة اجيب انا الحاجة بحجة انى اعرف واحد بيبيع بسعرة الاصلى وكدة فدانى الحجات الى اجيبها وهو مضايق بس حسيت ان ممكن يكون مزود فى الكميات بحيث يطلعلة مصلحة بردوا ودة الى لحد الان ظاهر ان الحجات الى طلبها فيها حجات زيادة عن الى مفروض تتجاب لشقة 100 متر

[amr00000]

للرفع

[4fun14]

مصنعيته كويسه وانت بتشكر ف شغله
يباه الصح تنقص لفه من كل نوع وقوله لو مكفاش هجيب تانى ويستحسن حد يكون على ايده ف الشغل
وارد يكون فى سوء تقدير منه او انت طالب حجات كتير ف الكهربا"ولو انى مستبعد ده"

[amr00000]

مصنعيته كويسه وانت بتشكر ف شغله
يباه الصح تنقص لفه من كل نوع وقوله لو مكفاش هجيب تانى ويستحسن حد يكون على ايده ف الشغل
وارد يكون فى سوء تقدير منه او انت طالب حجات كتير ف الكهربا"ولو انى مستبعد ده"

ههههههههه
تصدق بالله والله يا صحبى فكرت انهاردة فى حلك دة وكنت ناوى اطبقة بس الى مقلقنى شى واحد بس ان مفتاح الشقة ممكن يطلبة يخلية معاة بما ان الشقة مفهاش اى حاجة وهو الى هيظبت فيها وبما انة معرفة فواحد يعنى لحد ما يخلص فوقتها ممكن يجى فى وقت انا مش موجود فية وياخد حاجة عموما انا مفيش قدامى حل افضل من الى انتا قولتة فى كل حال اعملة واتوكل على الله والى ربنا رايدة هيكون ان شاء الله

[4fun14]

سيبله المفتاح طبعا.. ومتقلقش هو لو حس انك مصحصح هيخاف يعمل حاجه
وربنا بعينك يا باشا ع الهم ده

[ehab_mansour]

تقدير الموضوع ده مش ثابت و بيختلف من شقة لأخري حسب نفس المساحه
فيه شقة 100 متر مقسمه ريسيبشن قطعتين و اوضتين و مطبخ و حمام و فيه مقسمه ثلاث اوض و ريسيبشن صغير و حمام و مطبخ .... بالتأكيد دي هتختلف عن دي في كل حاجه

من الاخر
مصنعية الكهرباء بتتحسب حسب عدد النقط في الشقة و ليها طريقة معروفة لكل الناس و عدد النقط بيختلف حسب مزاج صاحب الشقة و عايز فيها ايه و هل فيها اعمال جبس مثلا و فيها اسبوتات كتير ؟؟؟ اكيد هتختلف عن اللي معندوش اعمال جبس .... هل مركب تكييف في كل اوضه ولا في الريسيبشن بس و لا في كله ؟؟؟؟؟ بتختلف

و كذلك الخامات برده بتختلف حسب عدد النقاط و الاوبشنز اللي في الشقة و التشطيبات

لذلك مافيش شقة زي التانية ولا مساحه زي التانية و لا يوجد تشابه في الموضوع ده إلا اذا تساوت الشقتين في كل شيء .. مساحة - تصميم - تشطيبات ... الخ

[amr00000]

سيبله المفتاح طبعا.. ومتقلقش هو لو حس انك مصحصح هيخاف يعمل حاجه
وربنا بعينك يا باشا ع الهم ده

مفتكرش الصنيعية دول مش بيغلبو ولما اسبلة المفتاح هيروح فى وقت وانا نايم بدرى من النجمة على انة كان عاوز ينجز حاجة ويخلصها بدرى بدرى انا مش هنام له قدام الباب بس زى ما انتا قولت خليها على الله واحاول اخلى بالى والى ربنا رايدة يكون والى يقبلة على نفسة انا مش مسامح فية وخلاص وتسلم يا باشا على اهتمامك ومتابعتك