ظاهرة شمس منتصف الليل

[YahiaAshraf]

هل تعلم إن الصورة دي إتاخدت الساعة ١١،٣٠ بالليل في دولة فنلندا و زي ما إنتم شايفين الشمس لسة طالعة و الدنيا نور !
الظاهرة دي إسمها "شمس منتصف الليل -MidNight Sun in Finland".
و ده ببساطة لإن في شمال فنلندا و النرويج و السويد الشمس بتفضل طالعة معظم اليوم و ساعات بتفضل كل الصيف طالعة و لا تغرب أبداً و العكس بيحصل في الشتاء إن الدنيا بتفضل ظالمة كل الوقت و لا يمكن تعرف تفرق بين منتصف الليل و الساعة ١٢ الظهر ...
الموضوع ده بيخلي الناس هناك تتجنن و يجيلها إكتئاب شديد و ساعات بينتحروا كمان ... تخيلوا الحاجة دي تحصل في مصر ، كنتم عملتوا إيه ؟
الحمد لله إننا عندنا الصبح صبح و الليل ليل و الشتاء و الصيف فيهم شمس و قمر
*ملحوظة: الصورة ل #حجاجوفيتش مع أصدقائه في عز الليل في فنلندا !!

[Ahmed_selmy]

جديده المعلومه دى....

[sasatony]

دي لو في مصر
مش هتلاقي دراسة او شغل في الشتا هتلاقي الناس كلها مقضياها نووووووووووووووووم وخروج

[7oda]

الله يكون فى عون الناس الى بتصوم هناك
فى اوروبا بتصل ساعات الصيام فى الصيف الى ٢٣ ساعة