محتاج مساعدتكم يا جماعه انا اول مرة اتقدم وماليش خبرة

[please help]

السلام عليكم
الموضوع باختصار
اني شفت واحده في شغلها وعجتني كشكل وعرفت كل حاجه عنها
صليت كذا صلاة استخارة
و كلمت والدها ورحت البيت زيارة لوحدي اتكلمت معاها حسيتها غلبانه جدا وفعلا طيبه وبنت حلال
بس خرجت من عندهم مش قادر اخد قرار صراحه حسيت اني ممكن الاقي بنت اجمل كشكل بس سكت نظرا لادب البنت واحترامها
المهم السيد الوالد كلم والدها يعرف طلباته وكدا واتكلموا في الماديات
والدها اتصل عليا وقالي هات اهلك زيارة ودي تعتبر اول زيارة
المهم الوالده راحت معايا والبنت ما كانتش حاطه في وشها حاجه شايفاها امانه اني اشوفها من غير ميك اب
صراحه حسيتها مش زي كل مرة بشوفها فيها ومش حسيتها شاداني اوي غير بطيبتها وادبها هي فعلا زوجه صالحه ومالهاش صوت بشهادة صحباتها حتى
الوالده دخلت حتى ما اتكلمتش معاها لانها يعني مش عجبتها كشكل اوي
المهم انا روحت في حيرة تامه ومش قادر اخد قرار والوالد زعقلي وقاللي انا اتفقت مع الناس وانت اللي قلتلي عاوز الموضوع وانا مش همشي وراك تاني قعدت اقله مش تضغط عليا وسيبني اخد قراري دلوقتي واحنا لسه بينا وبين الناس زيارتين او تلاته احسن ما اظلم البنت بعد كدا حرام عليا فزعل مني وحطني في حيرة اكتر
انا صليت كذا صلاة استخارة تاني ومش حاسس بحاجه بقدم رجل وباخر رجل البنت انا ما شفتش في اخلاقها من نوعيات يمين يمين شمال شمال لكن المرة اللي فاتت فعلا حسيت اني عادي
المهم انا هشوفها مرة كمان علشان اقدر اخد القرار وما اعلقش الناس كتير وما اظلمش البنت معايا
بس السؤال ايه الحيرة اللي جتني بعد المرة التانيه دي مع اني بعد المرة الاولى كنت متحمس
واتعامل ازاي مع الوالد لو شفتها تاني ولقيت نفسي مش مستريح او حسيت اني مش مشدود او اتسرعت
خصوصا ان احنا لسه في مرحلة الزيارات حتى وان كنا اتكلمنا في الماديات
..
انا محتار جدا وحاسس اني عامل زي التايه ومش عارف نفسي عاوز ايه
ليا تعليقين في الموضوع
البنات مالهمش صوت وقطعوا الفاكهه قدامنا بطريقه شيك جدا
عم البنت كان بياكل البسبوسه قدامنا بايده
امهم صوتها عالي طيبه بس صوتها عالي يمكن فرحانه بينا
ابوهم هو راجل البيت وهو اللي ليه الكلمه فيه
دلوني يا جماعه انا في حيرة
انا هشوفها مرة كمان ودي هتبقى اخر مرة وبعدها المفروض اخد قرار
اعمل ايه والمفروض احس بايه ولا ما احسش بايه
الموضوع صعب جدا جدا جدا


ايقاف نهائى لمخالفه القاعده رقم (10) والخاصه بتعدد العضويات
م.ع 5
11/11/2014
11:10pm

[7oda]

انت اتكلمت على شكلها و طيبتها لكن مكلمتش عن شخصيتها
هل هى شخص تكلم معاه و متزهأش وهل تفكرها عجبك و لا ديه حجات مش مهمه بالنذبلك

Don't marry the person you think you can live with; marry only the individual you think you can't live without

[Mostafa Bedo]

طيب هي بتحبك ؟؟ وانت مجربتش تتكلم معاها وتاخد وتدي معاها وعموما انت كدة كدة هتخطب والامور هتبان في فترة الخطوبة اكتر واحمد ربنا انك ﻻقيت بنت محترمة في الزمن ده والامور هتوضح اكتر مع الخطوبة واكيد انت هتحس بيها اكتر مع الوقت وانت بؤده ليك نظرة تقدر نحدد

[shiko85]

وعليكم السلام ورحمة الله وبركاته
اوقات كتير القلق بيخلى الأنسان متردد جدا و مش عارف يوصل لقرار لان الموضوع او الموقف ده جديد عليه و اول مره يكون فيه و مش عارف ايه اللى هيتعمل غير طبعا ان الشيطان مش عايز الحلال و بيحاول يبعد الأنسان عن اتخاذ اى خطوه للحلال
سؤال - ايه الأختلاف بين البنت لما شوفتها فالشغل عن لما شوفتها فالبيت ؟؟
اخلاقها واحده و الطبع واحد الشكل بدون مكياج مختلف عن شكلها بمكياج ؟؟
طيب لو اتجوزت واحده ملكه جمال و بعد فتره لأى سبب اختلف شكلها سواء مرض - سن - حمل و هكذا هتطلقها و تدور على واحده تانيه ؟؟
الشكل هو اول سبب للقبول و ده اللى حصل و الحمد لله ربنا يسير و دخلت البيت و شوفت التعامل و الاخلاق حقيقه مش مجرد ادعاء و دى اهم حاجه لان الشكل بيتغير مع الوقت لكن الأخلاق مش بتتغير
بس مش معنى كلامى انك تكمل فالموضوع و انت رافض او مش مقتنع 100% لان ده ظلم لها و لنفسك اولا و اخيرا
حافظ على صلاه الأستخاره و ادعى ربنا ان لو هى مش خير لك الموضوع ينتهى بدون اى احراج او مشاكل لأى طرف و ان شاء الله ربنا هيكرمك و هيختارلك الأفضل لأن الله هو علام الغيوب و هو السميع البصير و هو على كل شئ قدير
بالنسبه للوالد او الوالده فالأول و الأخر عازينك تكون سعيد و مبسوط و كل اللى هيتقال سواء الموضوع نفع او لأ ان كل شئ نصيب و الحمد لله على كل شئ و اعتقد مفيش اى كلام هيتقال تانى بعد كده
خد وقتك و فكر و روح تانى البيت و قابلها و انت متوكل على الله و ان شاء الله هتلاقى الموضوه اتيسر او انتهى

[please help]

انت اتكلمت على شكلها و طيبتها لكن مكلمتش عن شخصيتها
هل هى شخص تكلم معاه و متزهأش وهل تفكرها عجبك و لا ديه حجات مش مهمه بالنذبلك

don't marry the person you think you can live with; marry only the individual you think you can't live without

الشخصيه هي مش متكلمه اوي
حتى نادر ما تسال سؤال مرحه وبتضحك
ما فيهاش صفة العند ولا التكبر وفاهمه واجبات الزوجه
عندها حياء
تفكيرها كويس اه

[please help]

طيب هي بتحبك ؟؟ وانت مجربتش تتكلم معاها وتاخد وتدي معاها وعموما انت كدة كدة هتخطب والامور هتبان في فترة الخطوبة اكتر واحمد ربنا انك ﻻقيت بنت محترمة في الزمن ده والامور هتوضح اكتر مع الخطوبة واكيد انت هتحس بيها اكتر مع الوقت وانت بؤده ليك نظرة تقدر نحدد

هي البنت شارياني
لسه ما فيش حب لان الموضوع كله زيارتين
ما هو انا متردد لاني حاسس اني المفروض اخد قراري دلوقتي قبل الخطوبه وقبل الرسميات

[please help]

وعليكم السلام ورحمة الله وبركاته
اوقات كتير القلق بيخلى الأنسان متردد جدا و مش عارف يوصل لقرار لان الموضوع او الموقف ده جديد عليه و اول مره يكون فيه و مش عارف ايه اللى هيتعمل غير طبعا ان الشيطان مش عايز الحلال و بيحاول يبعد الأنسان عن اتخاذ اى خطوه للحلال
سؤال - ايه الأختلاف بين البنت لما شوفتها فالشغل عن لما شوفتها فالبيت ؟؟
اخلاقها واحده و الطبع واحد الشكل بدون مكياج مختلف عن شكلها بمكياج ؟؟
طيب لو اتجوزت واحده ملكه جمال و بعد فتره لأى سبب اختلف شكلها سواء مرض - سن - حمل و هكذا هتطلقها و تدور على واحده تانيه ؟؟
الشكل هو اول سبب للقبول و ده اللى حصل و الحمد لله ربنا يسير و دخلت البيت و شوفت التعامل و الاخلاق حقيقه مش مجرد ادعاء و دى اهم حاجه لان الشكل بيتغير مع الوقت لكن الأخلاق مش بتتغير
بس مش معنى كلامى انك تكمل فالموضوع و انت رافض او مش مقتنع 100% لان ده ظلم لها و لنفسك اولا و اخيرا
حافظ على صلاه الأستخاره و ادعى ربنا ان لو هى مش خير لك الموضوع ينتهى بدون اى احراج او مشاكل لأى طرف و ان شاء الله ربنا هيكرمك و هيختارلك الأفضل لأن الله هو علام الغيوب و هو السميع البصير و هو على كل شئ قدير
بالنسبه للوالد او الوالده فالأول و الأخر عازينك تكون سعيد و مبسوط و كل اللى هيتقال سواء الموضوع نفع او لأ ان كل شئ نصيب و الحمد لله على كل شئ و اعتقد مفيش اى كلام هيتقال تانى بعد كده
خد وقتك و فكر و روح تانى البيت و قابلها و انت متوكل على الله و ان شاء الله هتلاقى الموضوه اتيسر او انتهى

حسيت ان الشكل مش زي اول مرة شفتها يعني اسمرت شوية وحسيتها رفيعه زياده لما دققت
واكيد مش هطلق لو مراتي شكلها اتغير
بس طبع الانسان انه بيحب دايمأ يدور على الكمال وهو لله طبعا وبيقول اصبر وانت هتلاقي اللي في بالك
السؤال دلوقتي لو لقيت نفسي متردد او مش مقتنع بنسبة 100% اعمل ايه

[هيثم مجدي]

تنكح المرأة لأربع, فاظفر بذات الدين تربت يداك
لو انت شايف العيب الوحيد لها انها شكلها عادي لكن ملكش ملاحظات على دينها ولا أهلها يبقى توكل على الله.
تخيل كدا لو هي قارنتك بغيرك انت هتخسر ولا هتكسب ؟ سواء من الشكل او الناحية المادية. مفيش حد كامل و كل شخص له عيوب لو اتقارن بغيره فيها هيخسر.

وياريت تتقي الله في الناس, و متدخلش و تخرج عليهم وفي الاخر تقولهم كل شئ نصيب. لأنك هتكسر قلب البنت بدون ذنب لها. فكر بهدوء كدا و خليك عملي وواقعي, هي مش بنت هتمشي معاها يومين دي زوجة هتحفظ بيتك وولادك. ربنا يرزقك الزوجة الصالحة ان شاء الله

[بحار]

1- حط فى دماغك حاجه مهمة مش هتلاقى واحدة كاملة .. كل انسان عندة مميزات وعنده عيوب .
2- التأنى فى الخطوات ميزة ولكن لو بقى تردد بدون منطق هايبقى مشكلة .
3- من علامات الزيجه الجيدة اليسر وسهولة الخطوات .
4- اعمل زيارة كمان وحط فى دماغك انها زيارة القرار النهائى علشان ده بيت ناس .
5- لو ارتحت لقرار انك تكمل خد القرار ونفذ الخطوه الاولى - الخطوبه - ماتخافش انته مش هاترمى نفسك فى بحر .
6- الخطوبه .. اهم مرحلة هاتعرف كل التفاصيل وهاتعرف حتى اللى ماكنش يخطر على بالك تسأل فيه .
7- لو مش عاوز تكمل ماتكملش ده احسن ليك وليها لانها مرحلة تعارف كل واحد على شخصية التانى بدون رتوش .

بالتوفيق ..

[sonaeg]

لو البنت بالنسبة لغيرك فتاة احلامه وبالنسبة لك لا ... يبقي انهي الموضوع

بمعني اصح ... اوعي تكمل في موضوع انت مش مقتنع بيه 100% حتتعب نفسيا جدا ودي زوجة مدي الحياة مش يومين

ماتاخدش خطوة زي الجواز غصب عنك عشان ماتزعلش حد

لكن فكر في البنت كويس ... صدقني لو لقيت بنت ملكة جمال لكن بعد الجواز لقيت شخصيتها وطبعها وحشين حتكره نفسك بجد

الواحد من اللي ببشوفه او يسمعه بقي بيشك في كل بنت.... وانك تلاقي بنت تصونك دي مش هينة

وربنا يوفقك ويوفق الجميع...

[أحمد كمال]

عم البنت كان بياكل البسبوسه قدامنا بايده

مصر تمتلك 90% من احتياطي القطط الفطسانة في العالم

[please help]

تنكح المرأة لأربع, فاظفر بذات الدين تربت يداك
لو انت شايف العيب الوحيد لها انها شكلها عادي لكن ملكش ملاحظات على دينها ولا أهلها يبقى توكل على الله.
تخيل كدا لو هي قارنتك بغيرك انت هتخسر ولا هتكسب ؟ سواء من الشكل او الناحية المادية. مفيش حد كامل و كل شخص له عيوب لو اتقارن بغيره فيها هيخسر.

وياريت تتقي الله في الناس, و متدخلش و تخرج عليهم وفي الاخر تقولهم كل شئ نصيب. لأنك هتكسر قلب البنت بدون ذنب لها. فكر بهدوء كدا و خليك عملي وواقعي, هي مش بنت هتمشي معاها يومين دي زوجة هتحفظ بيتك وولادك. ربنا يرزقك الزوجة الصالحة ان شاء الله

ما هو انا علشان بتقي ربنا في الناس
بحاول اخد القرار دلوقتي

[please help]

1- حط فى دماغك حاجه مهمة مش هتلاقى واحدة كاملة .. كل انسان عندة مميزات وعنده عيوب .
2- التأنى فى الخطوات ميزة ولكن لو بقى تردد بدون منطق هايبقى مشكلة .
3- من علامات الزيجه الجيدة اليسر وسهولة الخطوات .
4- اعمل زيارة كمان وحط فى دماغك انها زيارة القرار النهائى علشان ده بيت ناس .
5- لو ارتحت لقرار انك تكمل خد القرار ونفذ الخطوه الاولى - الخطوبه - ماتخافش انته مش هاترمى نفسك فى بحر .
6- الخطوبه .. اهم مرحلة هاتعرف كل التفاصيل وهاتعرف حتى اللى ماكنش يخطر على بالك تسأل فيه .
7- لو مش عاوز تكمل ماتكملش ده احسن ليك وليها لانها مرحلة تعارف كل واحد على شخصية التانى بدون رتوش .

بالتوفيق ..

تمام

[please help]

لو البنت بالنسبة لغيرك فتاة احلامه وبالنسبة لك لا ... يبقي انهي الموضوع

بمعني اصح ... اوعي تكمل في موضوع انت مش مقتنع بيه 100% حتتعب نفسيا جدا ودي زوجة مدي الحياة مش يومين

ماتاخدش خطوة زي الجواز غصب عنك عشان ماتزعلش حد

لكن فكر في البنت كويس ... صدقني لو لقيت بنت ملكة جمال لكن بعد الجواز لقيت شخصيتها وطبعها وحشين حتكره نفسك بجد

الواحد من اللي ببشوفه او يسمعه بقي بيشك في كل بنت.... وانك تلاقي بنت تصونك دي مش هينة

وربنا يوفقك ويوفق الجميع...

تمام يعني المفروض اكون مقتنع بنسبة 100% ودا مش موجود لحد دلوقتي
بس ممكن حاجه تشيل حاجه
هي مش فتاة احلامي لكن تقدر تقول زوجه صالحه

[please help]

مصر تمتلك 90% من احتياطي القطط الفطسانة في العالم

طب واي رايك في الكلام دا يا ريس