الاسلام يحل مشكلة المواصلات والمرور!!!!

[mhmdsfwt]

الموضوع خطر على بالي لما سمعت حديث النبي صلى الله عليه وسلم " من كان عنده فضل ظهر فليعد به على من لا ظهر له"

ومعنى الحديث اي انه من كان عنده مكان شاغر على ظهر دابته ورأي اخاه ماشيا او واقفا في الطريق فيجب عليه ان يردف اخيه وراءه على الدابه.

وهذا الكلام من باب التكافل بين المسلمين

وينطبق هذا الكلام في وقتنا الحالي على السيارات....حيث ترى عشرات المواطنين واقفين في محطات الاتوبيس والمواقف العامه في عز الحر وترى السيارات الخاصه تمر من امامهم واصحابها ينظرون اليهم بكل ازدراء ولا تقف سيارة واحده لياخذ معه اخا له ليوصله في طريقة وياخذ الثواب الكبير بتطبيق سنة النبي صلى الله عليه وسلم

هل تعلمون ان في كوريا الجنوبيه يغرمون السيارات التي تمر بالشارع ولا يوجد بالسيارة غير السائق فقط ...يفعلون ذلك كحل لمشكلة تكدس المواصلات

فهلا طبقنا سنة النبي وساهمنا في حل مشكلة المواصلات في مصر

منتظر تعليقاتكم

[elbaz45]

الموضوع خطر على بالي لما سمعت حديث النبي صلى الله عليه وسلم " من كان عنده فضل ظهر فليعد به على من لا ظهر له"

ومعنى الحديث اي انه من كان عنده مكان شاغر على ظهر دابته ورأي اخاه ماشيا او واقفا في الطريق فيجب عليه ان يردف اخيه وراءه على الدابه.

وهذا الكلام من باب التكافل بين المسلمين

وينطبق هذا الكلام في وقتنا الحالي على السيارات....حيث ترى عشرات المواطنين واقفين في محطات الاتوبيس والمواقف العامه في عز الحر وترى السيارات الخاصه تمر من امامهم واصحابها ينظرون اليهم بكل ازدراء ولا تقف سيارة واحده لياخذ معه اخا له ليوصله في طريقة وياخذ الثواب الكبير بتطبيق سنة النبي صلى الله عليه وسلم

هل تعلمون ان في كوريا الجنوبيه يغرمون السيارات التي تمر بالشارع ولا يوجد بالسيارة غير السائق فقط ...يفعلون ذلك كحل لمشكلة تكدس المواصلات

فهلا طبقنا سنة النبي وساهمنا في حل مشكلة المواصلات في مصر

منتظر تعليقاتكم

بالفعل انا سمعت الكلام ده من رئيس الوزراء (د/احمد نظيف) من قبل ولله وللرسول المثل الاعلى بالطبع

ولكنى لم اكن اعلم بان هناك حديث ينص على هذا

اقول لك ان الموضوع صحيح ولكن يستحيل تحقيقه لان الموضوع كله سلوكيات شعب

بلاش كده ياعم انا عاوزك تبص على العائلات التى تحوى سيارة لكل فرد بل ويصر كل فرد فى الاسرة على ان تكون له سيارته الخاصة مع العلم بانه يمكن التنسيق بين الاسرة فى المشاوير ولكن هذا لا يحدث, فما بالك بالتنسيق بين المواطنين ..................!

[Akram]

دا غير ان فيه ناس لو ركبتها ممكن تدخل في مشكلة ,
يعني واحد يكون معاه حاجة ممنوعة و يجيبلك تهمة ,
واحد يرفعك و يطلب اللي عايزه ,
واحد يطلب منك مساعدة و الله أعلم هو محتاج ولا لأ ,
حاجات كتير .....
تخللي الواحد ميفكرش يعمل كده .

[mhmdsfwt]

بس انا شايف والله انه ممكن نعمل كده خصوصا مع كبار السن اللي بتلاقيهم واقفين في المواقف لايصين
وما دمت اخلصت النيه لله...ربنا هيقف معاك ان شاء الله

[blazer]

الواحد يخاف يعمل كدا بلذات فى مصر
لان الواحد سمع كذا حاجه من ناس عملوا كدا و كانت عاقبتهم سيءه من سرقه و و و
وربنا يسترها معانا
معلش ممكن اعمل كدا لو انا معايا فى العربيه 3 كمان و اركب واحد كمان مش هبقى قلقان من ان حاجه ممكن تحصل لاننا هنكون اكتر

[D . a .\ AYMAN]

الحمد لله فعليا بعمل كده مع ناس كتير وفي ناس كتير تانية باشوفها بتعمل كده وخصوصا في الأماكن اللى معروف انها مافيهاش مواصلات منتظمة

ومن ناحية أضرار الفعل ده انا سايبها على الله لأني بعمل كده لوجه الله فقط وأكيد هوة اللى هايحفظني وإذا أراد لى شيئا سيكون بأمره أيضا
وفي نفس الوقت بحاول يكون لية نظرة في الناس اللى أخليها تركب معايا عشان أبقى واخد بالأسباب

المشكلة اللى ممكن تقابلني ... إني ساعات الاقي ناس أصلا خايفة تركب معايا على أساس اني أنا الشرير (على رأي سلمى بنتي)

وربنا يديمها نعمة

والله الموفق

[waled369]

الاسلام دين و دنيا

[خالد]

الحمد لله فعليا بعمل كده مع ناس كتير وفي ناس كتير تانية باشوفها بتعمل كده وخصوصا في الأماكن اللى معروف انها مافيهاش مواصلات منتظمة

ومن ناحية أضرار الفعل ده انا سايبها على الله لأني بعمل كده لوجه الله فقط وأكيد هوة اللى هايحفظني وإذا أراد لى شيئا سيكون بأمره أيضا
وفي نفس الوقت بحاول يكون لية نظرة في الناس اللى أخليها تركب معايا عشان أبقى واخد بالأسباب

المشكلة اللى ممكن تقابلني ... إني ساعات الاقي ناس أصلا خايفة تركب معايا على أساس اني أنا الشرير (على رأي سلمى بنتي)

وربنا يديمها نعمة

والله الموفق

+10000
نفس الكلام بالضبط والله الناس ساعات هى اللى بتخاف تركب معايا !!! ومنظرى بيبقى وحش جداً !!

[mhmdsfwt]

احنا فعلا في زمن الغربه
اللي بيعمل خير دلوقتي.... الناس بتستغرب منه جدا
ولا حول ولاقوة الابالله

[mhmdsfwt]

ايوه يا جماعه فين ردودكم وتعليقاتكم عن هذا الموضوع

[Abdo_Eldesokey]

أنا والدي أستاذ في الجامعة ، ودايما ً مش بيروح لوحده أبدا ً

لازم ياخد أي حد من الناس الي واقفة مستنية مواصلات

دايما ً أقله انت مش خايف حد يفهمك غلط أو كده ، قالي وإيه يعني هخسر إيه ، ده يا ابني شكر النعمة الي ربنا اداها للواحد ، والناس بتبقى ممنونة وسعيدة جدا ً

لكن أنا بردوا مقدرش أعمل كده ، بخاف فعلا ً حد يفهمني غلط ويحرجني

[TICOXX]

طب ازاي الكلام ده في العالم اللي احنا فيه ده؟

لو وقفت لواحدة ايا كانت وحشة او زي القمر هتفتكرك بتظببت و مهما كانت نيتك سليمة مش هتتفهم كده
لو وقفت لواحد بيقى فيه احتمالين: انه يفتكرك بتتمنظر عليه و يقولك لأ شكرا بقلاطة او يفتكرك مجنون
و الاحتمال التاني انه ممكن يقللبك بذوق في حاجة من العربية او يرفع عليك مطواة و يسيبك في الشارع و ياخد العربية..و لو مؤدب شوية ممكن يقللبك و يسيلك العربية
ده غير ان ممكن يحصل حاجات تانية كتير:
زي انه ممكن حد يطلع عامل جريمة و تلبس با معللم و ياخدوك على انك شريكه
ممكن يكون ارهابي و رايح يفجر نفسه...و القدر بيلعب لعبته و القنبلة تنفجر بدري
ممكن يطلع ريحته وحشة و مبيستحماش و يقلبلك ريحة العربية
ممكن يطلع مجنون و هربان من العباسة و هنا توقع اي حاجة

يا جماعة انا شايف ان العربية دي زي البيت...مكان في منتهى الخصوصية و زي ماينفعش تدخل بيتك اي حد....برضه عربيتك نفس الكلام

الفكرة انا شايفها مش تمام ابدا تحت اي مسمى ايا كان

[ahmed76]

ربنا يبارك لك وجزاك الله خيرا
موضوع مهم جدا جدا
فعلا فى ناس كتير بتعمل كده
ولازم كلنا بصراحة نعمل كده
بس يكون ليك نظرة فى اللى انت هاتركبه
يعنى ست او راجل عجوز
اسرة معاها طفل عنده ايام او شهور فى عز البرد او الحر واقفين على محطة الاتوبيس
او تاكسى مش محترم مش عايز يقف ليهم والله منظر يحزن
طبعا ماتلاقيش شاب او اتنين عاملين زى الحيطه او بلطجيه وتقولى تكافل
يعنى لازم نذكر نفسنا يا جماعة دايما بالموضوع ده
الموضوع مهم جدا جدا يا جماعة

[moh_kamal67]

اه ليه فتحت الموضوع ده ، ده موضوع ملوش مقاييس
اولا انا مع الناس اللى بتخاف ، حيث كانت وصية آباء زملائى ، متركبش معاك حد حتى لو بيموت ، لكن والدى رحمة الله له نظرية تانية ، كان لما بيشوف حد شايل حاجة تقيلة وموش عارف يمشى يوصله ، كانت اخلاقه اخلاق فارس وطبق على كده
اما العبد لله فهى مشكلة فعلا ممكن تتحل كالتالى
1- فى المجتمع المحيط يتم تنظيم الانتقال (حد تكون عارفه يعنى) جيران اقارب اولاد حتة ودول بتكون عارفهم لكن الغرب انت وقدرك
2- انا مثلا بنزل الساعة كذا ورقة على باب العمارة واستعداد للتوصيل حيث ان خط سيرى كذا ، او رايح اوصل ابنى او بنتى المدرسة ، ايه يعنى اما آخذ معاى كام زميل له ولو بالتناوب
3- انا بطبق نظام الفراسة (ممكن مينفعش وتبقى حكاية)
لو عربية متعطلة والشاب او الراجل حايس ومعاه عيلة او زوجته والدنيا ليل (عايز بنزين ماشى نروح نجيب _توصيل لأقرب ميكانيكى ماشى)
لكن فى العموم المفروض تبقى للمعارف ، فى زمن رسول الله (صلى الله عليه وسلم ) كانوا طبعا بيعرفوا بعض واى حد غريب بيبقى ظاهر ، وشبه اسرة واحدة
لكن دلوقت القاهرة 16 مليون ، ينهار ابيض ، يبقى خلينا فى المعارف وكبار السن المطبق عليهم الفراسة وبالتنسيق بين الجيران والاقارب
ساعات بتبقى فيه شوارع غلسة زى المسافة من شارع العرض لحد جامعة الازهر ، وتلاقى الطلبة والطالبات ماشيين لحد مايوصلوا فى الحالة دى ممكن
وربنا يسترها معانا ومعاكوا
انتم عارفين لواتطبفت تلك النظرية للانخفضت المصروفات على الانتقال من 25 الى 50% ، والاسلام عايز رخاء الرعية ، ويقل الطلب على البنزين ، ويقل استهلاك العربيات ، والنفع هايكون للكل ، اللهم جاز عنا رسول الله خير الجزاء

[mhmdsfwt]

جزاكم الله خيرا
والواحد منا يحاول ينفذ تعاليم الاسلام على قد مايقدر
لانه في مواقف فعلا ماينفعش تطنش فيها
يقول الله تعالى " فاتقوا الله ماستطعتم"
ويقول الرسول العظيم " ما امرتكم بشئ فأتوا منه ما استطعتم"
اما ان الواحد يكبر دماغه على الاخر فده طبعا ينافي مبادئ دين الاسلام
وفي انتظار المزيد من ارائكم...ومواقف ليكوا في الموضوع ده