تقول العيوب واللا ... بلاش !!

[بحار]

تقول العيوب واللا ... بلاش

بعض الاحيان بشوف صديق اشترى حاجه .. عربيه .. بدلة .. شقة .. من غير مايقول قبلها وتتصادف انك تبقى عارف حاجه مناسبه ليه ولقطه ..
ولكن هوه ماقلش انه ناوى على الشراء .. بدور على المميزات واقولها .. لأنه ببساطه اشترى الحاجه خلاص .. ومش عاوز نفسيته تكون تعبانه منها ..
بعض الناس تقوللى لاء قول على العيوب علشان يتعلم ..

اللى خلانى اكتب الموضوع ده .. اتنين قريبين منى .. واحد اشترى عربيه كاااارثة وسعرها مبالغ فيه وواحد تانى اشترى عربيه غير فيها كل حاجه
ووصل بالسعر للحاجه اللى حالتها نضيفه ..

ياترى نقول العيوب واللا بلاش ؟؟

[shiko85]

نصيحه و عن تجربه
بلاش تقول اى تعليق عن اى حاجه الا لما صاحبها يسألك عن رأيك

[hugan]

في صديق اشتري اوكتافيا بالفتيس الكارثه
مايعرفش مارضتش اقوله طبعا علشان مايزعلش
لكن ممكن التنبيه بطر يقه غير مباشره
اقوله مثلا خلي بالك من الفتيس مثلا
في حالتك ممكن تعرفه بطريقه غير مباشره

[exelence]

حلوه الطريقة الغير مباشرة دى

[dede_dodo88]

لو صديق مقرب ليا و يهمني اكيد هقوله رأيي بأمانة سواء حلو أو وحش..
لكن لو اي حد تاني فمش هتكلم اصلاً غير لو اتسألت شخصياً...

[طارق _عبد السلام]

هى بتهدم فرحه المشترى جدا وفيه ناس بتفهما غلط يعنى .انك حاقد .. او بتضيع فرحته بالعربيه

لكن لو سئلك فهمه بمايرضى الله بس بطريقه مخففه بعض الشىء

دا انا اعرف ناس لو دليته على ميكانيكى كويس وعربيته باظت بعدها بسنه يقولى كل ده بسبب الميكانيكى الى تبعى ههههههه.............. اتبع الحذر الاول واعرف انت هتنصح مين وازاى

[miceg]

ألاسطورة تقول
أنصح صاحبك لغايت الظهر وبعدها ضلله
في ما قبل الشراء لازم إبداء النصيحة وليفهم كما شاء
بعد الشراء لو ألامر صعب جدا ومؤثر لازم أصارحه زي العربيات العالية
لو ألامر هين في أشياء هينة أكتفي بالمباركة الطيبة

[أحمد كمال]

من كان يؤمن بالله و اليوم الاخر فليقل خيرا او ليصمت

لو لسه هيشتري انصحه بلاش

بس لو لبس خلاص ....... مفيش داعي تقلب عليه المواجع

[mk3]

انا ماشى بمبدأ لو اشتريت حاجه مع صاحبى ..مفكرش شوف مفكرش اسأل على سعرها فى محل تانى ..خلاص انتهت..ما بالك لو حد جاب حاجه من نفسه ملوش غير مبروك

[بحار]

نصيحه و عن تجربه
بلاش تقول اى تعليق عن اى حاجه الا لما صاحبها يسألك عن رأيك

دى مش محتاجه وصايه أكيد .. أنا كلامى فى حالة سؤالى بس ..

في صديق اشتري اوكتافيا بالفتيس الكارثه
مايعرفش مارضتش اقوله طبعا علشان مايزعلش
لكن ممكن التنبيه بطر يقه غير مباشره
اقوله مثلا خلي بالك من الفتيس مثلا
في حالتك ممكن تعرفه بطريقه غير مباشره

ولو هوه فى وشك على طول وكل يوم سؤال شكل .. هاتنفع الطريقه الغير مباشرة دى ؟ أنا بقول
عن ناس قريبه .. لدرجة سكاتك بس هاتتحاسب عليه ..

لو صديق مقرب ليا و يهمني اكيد هقوله رأيي بأمانة سواء حلو أو وحش..
لكن لو اي حد تاني فمش هتكلم اصلاً غير لو اتسألت شخصياً...

صح كده ..

هى بتهدم فرحه المشترى جدا وفيه ناس بتفهما غلط يعنى .انك حاقد .. او بتضيع فرحته بالعربيه

لكن لو سئلك فهمه بمايرضى الله بس بطريقه مخففه بعض الشىء

دا انا اعرف ناس لو دليته على ميكانيكى كويس وعربيته باظت بعدها بسنه يقولى كل ده بسبب الميكانيكى الى تبعى ههههههه.............. اتبع الحذر الاول واعرف انت هتنصح مين وازاى

جبت الفايده ياستاذ طارق .. فعلا هاتتفهم غلط .. انا ببقى بين سندان قولة الحق لانها امانه ومطرقه انه يتقال دى غيرة وعاوز يسد نفسى !!

ألاسطورة تقول
أنصح صاحبك لغايت الظهر وبعدها ضلله
في ما قبل الشراء لازم إبداء النصيحة وليفهم كما شاء
بعد الشراء لو ألامر صعب جدا ومؤثر لازم أصارحه زي العربيات العالية
لو ألامر هين في أشياء هينة أكتفي بالمباركة الطيبة

ده مثل بيتقال على اللى مش بيستجيب للنصيحه وراكب دماغه .. بس طبعا بلاش نمشى ورا المثل ونضلله
صعبه كده !!!

من كان يؤمن بالله و اليوم الاخر فليقل خيرا او ليصمت

لو لسه هيشتري انصحه بلاش

بس لو لبس خلاص ....... مفيش داعي تقلب عليه المواجع

شكرا ليك استاذ احمد

انا ماشى بمبدأ لو اشتريت حاجه مع صاحبى ..مفكرش شوف مفكرش اسأل على سعرها فى محل تانى ..خلاص انتهت..ما بالك لو حد جاب حاجه من نفسه ملوش غير مبروك

فعلا السؤال بعد شراء الشئ مافيش منه غير وجع الدماغ ..

[Omar Mahmoud]

انا لو مكانك متكلمش عن اي عيوب خالص لإن دي ممكن تخليك تبان إنك حاقد و طبعا علشان اللي اشتري الحاجة نفسه متتسدش و تبقي انت السبب....
انا ساعات ببقي مضطر اتكلم في مواقف زي دي بتكلم عن المميزات بس ،بس ده لو سألني عن رأيي

[7oda]

على حسب العيب
لو كان عيب خطير او معروف فقول لان كد كده هيظهر و ساعتها هيقول فلان حزرنى
اما لو حاجة خفيفة او انت شايفها عيب و غيرك لأ فممكن متكلمش

[prof2013]

بكل بساطه هتقوله الف مبروك وربنا يباركلك فيها ويديك خيرها ويكفيك شرها وبس كده
تاني يوم هتلاقي عمل بيها حادثه على طول Lol

[S O P H O S]

لو اشتري وخلاص طبعا مش هزعله علي الحاجة ومش بتكلم
انما لو لسه علي البر اعتقد واجب النصيحة

[fepsceasar]

وانت جالك منين اصلا انه مش شايف الحاجات اللى انت شوفتها او له اولويات معينة او وجهة نظر في الموضوع .. وبعدين سالك على حاجة قوله على ملاحظاتك ما سالكش يبقى الف مبرووك