HTC One M8 VS LG G3

[miceg]

السلام عليكم ورحمه الله
لقد دقت ساعات تغيير الموبيل
أملك حاليا نوت 2
واشعر ببطأ شديد وتهنيج مستمر لأن البرامج زادت عليه
وقولت كفاية عليه لحد ده
انا الان في حيرة أي من الموديلين أحسن
HTC one M8 علما بإني اشتريت ال M7 قبل كده ومرتحتلهوش وبيعته
ولا LG G3 النسخة ال 32 جيجا - 3 جيجا رامات
ألاول متوسط سعره 4500 النسخة ال 16 جيجا بدون ضمان
والثاني متوسط سعره بالضمان من شركة دلتا 4350 32 جيجا
ياريت التفاعل الكافي والوافي

[ashouhdy]

لو الكاميرا تهمك اوي هات ال lg

لو يهمك جودة الخامات الفخمة جدا هات ال htc

[mastr_n]

لو ميزانيتك تسمح وتزود شوية هات النوت 4
تحس انة غير اى تليفون تانى مسكتة فى حياتى بصراحة طفرة من سامسونج

ولو مش هاتزود هات ال one m8 بدون تفكير انا شيلت ال htc فترة كبيرة وبصراحة تليفونات محترمة وخامات بتستحمل لاقصى درجة علشان الجهاز اغلبة معدن

ومبروك مقدما

[أبو آسر]

وعليكم السلام ورحمة الله
أنا كنت واقع في نفس حيرتك برده يا خالد لحد ما حسمت قراري وهجيب ايفون 6 بلس ان شاء الله :)
خد شوف الموضوع ده هيفيدك ، الرجالة كفوا ووفوا

http://www.nilemotors.net/Nile/445480-iphone-6-plus-htc-m8-lg-g3.html

[miceg]

تسلمو يارجالة
بس الايفون ٦ بلس ميزانيته بعيدة
هشوف النوت ٤ وهفكر فيه
هل من اقتراح اخر :]

[mido_soliman]

رأيي lg g3 انا عن نفسى htc متحفظ عليه كجهاز مش عارف حوار الخامه الخامه الخامه وف الاخر الجهاز يتزهق منه زهق شديد وحواااااااااااااااااااااااااااااااااااااف اكبر من حجم شاشته :) الجهاز دة مفيهوش غير سماعتين وملهمش لازمه برده لانى مش جايب ستيريو . سوفتوير يزهقك ويخليك تمل منه بسرعه مقارنه بسوفتوير ال جى وسامسونج
رأى الشخصى فكك من حوار الخامه والاعتماديه لان كل الموبيلات وتحديدا البلاستيك كمان شكلها بيفضل جديد احسن من المعدن مهما تقادم الزمن عليه . وكلهم بيستحملوا وكلهم برده خامتهم محترمه (ال جى g3 دة طفره ف التصميم لوحده انا مش عارف الناس ليه واخده عن ال جى انه اخره ميكرويف وغساله :) )
لو حتستبعد النوت 4 للميزانيه يبقى ال جى وانت مغمض
لو النوت ميزانيته تسمح يبقى هوه بكل تاكيد اعلى من الباقى كلهم
تحياتى

[S O P H O S]

افضل النوت 4