يعنى اية رضا؟

[prof2013]

جزاك الله خيرا

[طارق _عبد السلام]

اخيرا موضوع عن الرضا بنعم الله وكلما رضيت بما قسمه الله لك زاد رضا الله عليك

ياااااااااااااه انا من كتر المواضيع السودويه الموجوده فى المنتدى بدأت انسى ان فيه الوان فاتحه كل يوم الاقى واحد مثلا عايز يولع فى البلد واللى عايز يهاجر ويسب ويلعن فى البلد واللى عايز يضرب اللى عدوا سن الخمسين بالنار او يتنيلوا ويقعدوا فى بيوتهم لانهم اصلا مكانوش اباء يستاهلوا الاحترام وهما اللى معطلين الطريق والبلد وهما سبب الكارثه اللى البلد فيها .. وناس مش شايفه حاجه عدله اصلا وكل مواضيعهم سواد فى سواد بورصه هتنضرب والكل يهلل وموضوع بيقول البلد هتروح فى داهيه .. وتلاقى التهليل والشماته وتكبيييييييييييييييييييير.... ده فيه ناس معينه هتلاقى فى زيل الرد بتاعه اخر المواضيع هتلافقى كلها مواضيع سواد فى سواد

انا كنت هقترح على الاداره تعمل قسم كده زى الاجتماعى يكون اسمه قسم السواد الاعظم... او قسم ادخل اشتم بلدك واللى عايشين فيها..او قسم يالابينا نولع فى البلد ... او قسم كيف نهدم البلد على اللى فيها يااااااااااااااااااااااستير يارب


اعملوا مواضيع تدينا امل حتى لولادنا.. هو انتوا مبتشوفوش غير نصف الكوب الفارغ ...

على فكره انا قاربت على سن الضرب بالنار... او انى اتركن فى البيت يعنى ومنزلش الشارع علشان هعطل الشباب المتحمس ........................... ارحمونا يرحمكم الرحمن ......... بشروا ولاتنفروا

وتأملوا واقرأو ا موضوع مثل هذا يفرح القلب على انسان رضى بنعم الله عليه ليوفر (لاولاده... الشباب ...الشباب... الشباب ) حياه كريمه ومع ذلك يعطف على المسكين واولاد الشوارع... ويحفظ كتاب الله ولم يفكر فى اهانه دينه ولاسب عيشته ولاسب وطنه

اللهم لك الحمد حمدا طيبا مباركا ملىء السماوات وملىء الارض وملىء ماشئت يارب العالمين

[S O P H O S]

ربنا يباركله ويبارك فأولاده

[hesham fawzy h]

اييييية الحلاوة دى

اخيرا الواحد قرأ موضوع كويس فى القسم دة

قصة جميلة اوى يا master

[hesham fawzy h]

دة فى ناس فى القسم دة بيشعو طاقة سلبية بطريقة فظيعة

[lena jo]

جزاك الله خيرا و بارك الله فيك ان نقلت لنا هذا النموذج الفريد و هذه الحالة النادرة التي تستحق الدراسة. رأيي دائما ان قصة قصيرة او موقف او مثل حقيقي ابلغ من الف موعظة.
حقيقي عاجزة عن التعبير. قصة حقيقية مليئة بالعبر . فقير و راضي و شاكر و ايضا يتبرع مما لم يبع. يعني و لا ناقم و لا حزين علي ان تبقي معه بضاعه بل و تصدق ايضا منها و ستر ضعيفا من البرد و كمان حافظ قرأن و يستغل وقته في القراءة. يجهز رصيده دنيا و اخرة و لا يضيع وقتا.لك حق تقبل رأسه و يده. بارك الله فيه و في اولاده و اسرته. افضل من غني يتبرع من ملابسه القديمة و ربما البالية. حقيقي كل واحد فينا شايف نفسه صغير جدا امام هذا الرجل المكافح الصابر. و احنا فاكرين نفسنا صابرين و احنا مقارنة به مرفهين. ربنا يرزقنا الرضا و الطاعة جميعا و يصلح حالنا. امين

[drcobra]

فى قطار السنطة المحلة كان فية راجل بيبيع حمص وحلاوة
وكانت جملتة الشهيرة (حلاوة حلوة بربع جنية)
وكان عندة صبر وطاقة ما شاء الله