مساعدة من البورسعيدية الجدعان

[mhoreya]

انا يا جماعة بنقل ملكية عربيتى و هى مرور بورفؤاد و اخدت الجواب من المرور الجديد و عاوز اروح اعمل مطابقة من مرور بورفؤاد و عندى كام استفسار
مرور بورفؤاد عرفت مكانه من جوجل مابس ... و عرفن ان بورسعيد فى معدية بورفؤاد و معدية الرسوة .. اروح من انهى واحدة فيهم و هل اخش المعدية بالعربية و لا اسيب العربية فى بورسعيد و اروح المعدية و اخد تاكسى من بورفؤاد للمرور ( انا عاوز اوفر وقت ) و هل المعدة ببلاش و لا فيه رسوم
سؤال تانى .. عاوز اطلع شهادة مخالفات .. اطلعها من مرور بورفؤاد و لا من حتة تانية
شكرا مقدما

[alfath8]

اهلا بيك فى بورسعيد
هاتركب المعدية عادى بالعربية من غير اى رسوم (معدية بورفؤاد) وهتسأل او ما تنزل من المعدية هتروح المرو ر منين
وهل تقصد بشهادة المخالفات (براءة الذمة)
لو هى دية يبقى هاتتعمل من مرور بورسعيد ومش عايز اضايقك بس المشوار ده ممكن ميخلص فى يوم واحد

[eslam atia]

اهلا وسهلا ومرحبا بيك وتنور بورسعيد وبورفؤاد
لو حضرتك جاي عن طريق الاسماعلية يبقي معدية الرسوة اسهل ليك جمب طريق السفر مباشرة بعد كمين دخول بورسعيد علي طول
لو حضرتك جاي عن طريق دمياط واول ما تدخل البلد تاخد الطريق طواااااالي لغاية معدية بورفؤاد عدل
وتدخل المعدية بالسيارة مفيش مشاكل ولا رسوم بس خليك حريص علشان في تطوير في ميدان المعديات وخلي بالك
شهادة المخالفات من مرور بورسعيد ويفضل تكون هناك (مرور بورسعيد ) 8 صباحا علشان الطابور طويل ومتزهقش بسرعة
1 - الذهاب لمرور بورسعيد بالسيارة وتطلع شهادة مخالفات ( براءة ذمة ) أصل الرخصة + بطاقة الرقم القومي
2- الذهاب لمرور بورفؤاد لعمل مطابقة البصمة (كدا هتيجي من معدية بورفؤاد العادية ) ولو حابب تيجي من الرسوة هتكون اقرب لمرور بورفؤاد
أقولك علي حاجة حلوة
اول ما تيجي بورفؤاد ترن عليا انا شغال سواق في بورفؤاد
شوف رأيك