تفكيك وتجميع بوتجاز كريازى

[esam_refaat]

لسلام عليكم اعضاء المنتدى الكرام

عندى بوتاجاز كريازى قديم عرضه 90 سم واريد وضعه فى مكان مدخله اقل من هذا العرض والحل الوحيد هو تفكيك البوتاجاز ثم اعادة تجميعه من جديد داخل المكان

بالله عليكم اريد مشورة الفتيين المحترمين عن كيفية انجاز هذه المهمة ولو حد مستعد يحضر للمنزل بمدينة نصر ويقوم بها يكتبلى تليفونه وسوف اتواصل معه

[almohaor]

ياقلبك يااخى
الكلام ده باعتبار ان البوتجاز مجمع بالمسامير بس بدون لحامات
ده انت عايز ورشة تنتقل لبيتك لتصنيع بوتجاز من اول وجديد
هههههههههه
بصراحة ده لغز كبير وجديد
وانا متابع وربنا يوفقك

[طارق _عبد السلام]

الفرق كم سنتيمتر ؟

[طارق _عبد السلام]

المشكله ان الكريازى ال90 سم ده بوتجاز مش هيتعوض

[yassin_samir]

لو الشكل القديم حرام الموضوع دا

[ehabouf]

لو الفرق بسيط (5-6 سم) تبقى سهلة اي حد بتاع بوتاجازات حيجي يفك الضهر بس وحايعدي
اما لو الفرق كبير فنصيحة قدامك حل من اتنين مالهمش تالت
1) تتصل بشركة كريازي نفسها وده حايكون مكلف شوية
2) تشوف حد من شركات الغاز الطبيعي يجيلك باليل وتحاسبه (كلهم واخدين دورات تدريبية على البوتاجازات المصنعة في مصر وبيشتغلوا لحسابهم بعد مواعيد العمل)

[new_man]

طب ماتدخله من الجنب؟؟
هو مش البوتجاز 60x90 دخله من الزاويه ال 60
او دخله وهو واقف على جنبه بالطول لان ارتفاعه تقريبا 80 سم

[طارق _عبد السلام]

ولو الفرق مش كبير بدل فك البوتجاز وده هيكون مدمر للبوتجاز انا عارف النوع ده كويس جدا ونوعيه فلته فعلا فى البوتجازات.............. هتعمله ايه هتقطع حلق الباب بس القطع يكون بميل صغير بارتفاع البوتجاز وتفك قطعه الحلق هى تقريبا مش هتوصل لمتر وتدخل البوتجاز وتركب احلق تانى وحته معجون ووش بويه صغير والدنيا هتبقى تمام التمام

وممكن تركب قطعه الحلق بمسامير فشر علشان لوحبيت تطلع البوتجاز تانى لو غيرت الشقه تفكها بسهوله

[almohaor]

النوع القديم ده عندى
والحمد لله عامل زى السيارة المرسيدس وشغال زى الفل بفضل الله تعالى
متين وخامته عالية الجودة وكان اغلى من احدث موديل للكريازى
ونصحنى به البائع وصدق فعلا فى نصيحته


شوف ياسيدى انا لاحظت ان غطاء البوتجاز الزجاجى العلوى مثبت على حاملين
من المعدن بارزة خلف جسم البوتجاز من الخلف بمسافة كبيرة
لوقدرت تفكهم ومعها هذا الغطاء راح يقل عرض البوتجاز حوالى 6سم
وكمان لو قدرت تفك مقبض باب الفرن البكالايت يبقى ممكن توفركمان حوالى 1.5 سم
يعنى بكده راح يتوفر معاك حوالى 7.5 او 8 سممن عرض البوتجاز
وده الحل الاسهل بالنسبة للبوتجاز بدل اللعب فى مفصلات او الاجزء الاخرى
حتى لايتلف البوتجاز لانه بصراحة خسارة اللعب فيه
او كما قال الاخ الكريم الاستاذ طارق عبدالسلام فك حلق الباب
ثم اعادة تركيبه وده حل جيد ايضا وربنا ييسر لك الامور

[esam_refaat]

اشكر كل من ساهم برأى او مشورة واريد توضيح بعض التفاصيل :
1- المدخل اللى هيعدى منه البوتاجاز موجود به مواسير بارزة لان المكان كان اصلا بلكونة مطبخ صافى عرضها 80 سم فقط وبعد كده بيوسع المكان ويبقى 95 سم
2- منفعش ادخله بجنبه ثم الفه واعدله لان احتاج مساحة = قطر المستطيل 60* 90 =108 سم + بروز خلفى حوالى 10 سم = 118 والمتاح 95 فقط
من اجل هذا وذاك فكرت فى عملية الفك والتجميع
يلا كله يشغل الجمجمة وورونا الابدعات وسلامات

[dedi]

اشكر كل من ساهم برأى او مشورة واريد توضيح بعض التفاصيل :
1- المدخل اللى هيعدى منه البوتاجاز موجود به مواسير بارزة لان المكان كان اصلا بلكونة مطبخ صافى عرضها 80 سم فقط وبعد كده بيوسع المكان ويبقى 95 سم
2- منفعش ادخله بجنبه ثم الفه واعدله لان احتاج مساحة = قطر المستطيل 60* 90 =108 سم + بروز خلفى حوالى 10 سم = 118 والمتاح 95 فقط
من اجل هذا وذاك فكرت فى عملية الفك والتجميع
يلا كله يشغل الجمجمة وورونا الابدعات وسلامات

بما انها بلكونة
ممكن يطلع من الشارع بحبل او من السطوح

[almohaor]

اشكر كل من ساهم برأى او مشورة واريد توضيح بعض التفاصيل :
1- المدخل اللى هيعدى منه البوتاجاز موجود به مواسير بارزة لان المكان كان اصلا بلكونة مطبخ صافى عرضها 80 سم فقط وبعد كده بيوسع المكان ويبقى 95 سم
2- منفعش ادخله بجنبه ثم الفه واعدله لان احتاج مساحة = قطر المستطيل 60* 90 =108 سم + بروز خلفى حوالى 10 سم = 118 والمتاح 95 فقط
من اجل هذا وذاك فكرت فى عملية الفك والتجميع
يلا كله يشغل الجمجمة وورونا الابدعات وسلامات

هههههههههه

يظهر شهر رمضان المبارك هل علينا بدرى
دى فزورة صعبة طيب مافيش اختيارات

[طارق _عبد السلام]

لاصعب فعلا

البوتجاز ده يتنضف تنضيفه حلوه كده ويتحط عليه مفرش ويستخدم اى حاجه تانيه يعنى ممكن يبقى بديل لترابيزه علشان ماياخد حيز فى الشقه...لحين استخدامه بعدين

وبتمن تفكيكه وتدميره اقصد تجميعه ..... بنفس الثمن وممكن اقل كمان تشترى بوتجاز سطحى نضيف وتحطه على رخامه تركبها بين الجدارين.. وتحته انبوبه البوتجاز لانها كانت هتكون لك مشكله بسبب ضيق المكان والخرطوم هيكون قريب جدا من البوتجاز
ولو محتاج الفرن تجيب اى فرن صغير شغال بالغاز ويتحط تحت الرخامه اللى هتشيل البوتجاز السطحى ..وبجد بثمن فكه وتركيبه تعمل الموضوع ده افضل كتير من فك البوتجاز ده

[sohip]

صل على رسول الله