سؤال للمهندسين: اقصى وزن للخزان على السطح

[ehabouf]

انا ساكن في آخر دور ومركب خزان متر بولي ايثلين ومحتاج اغيره لأنه اتشرخ
دلوقتي بفكر اجيب خزان اكبر متر ونص (يعني وزنه طن ونص)
السؤال دلوقتي لو انا حطيته فوق عمود والتقاء كمرين هل العمود والكمر حايستحملوا والا لأ؟؟
مع العلم ان الخزان قطره 110 وارتفاعه 147 وحابينله مربع طوب تحتيه 120*120 سم وبارتفاع متر تقريباً
هل فيه اي مشكلة في الوزن؟؟؟

[ahmedwagdy03]

لازم تحدد مقاس قطاع العمود و الكمرة و طول الكمرة و وضعها إيه بالنسبة للكمر اللى قبلها و بعدها

لإنك ممكن تحط الخزان بوضع يوزع الحمل على عدة كمرات أو ينقل الحمل كله على كمرة واحدة .

غالبا العمود مش حتفرق معاه حمل طن ونص زيادة لو القطاع كبير مثلا 40*60 أو حتى 25*60 لإن الإجهاد على القطاع مش حيزيد قوى

إنما الكمرة لازم توصف وضعها بالضبط و مكان الخزان منها

[ehabouf]

العمود 23*19 والكمرتين متصلين بيه (طول وعرض)
الخزان حايكون فوق منطقة التقاء العامود بالكامرتين (يعني الحمل حايتوزع على ال 3 والعمود حايكون تحت منتصف الخزان بالظبط)

[ahmedwagdy03]

يعنى تقريبا حتزود حمل 4ك /سم2 .مش حيقول لا

[SeiffoZ]

الافضل ترجع للاستشارى الانشائي ، عشان تعرف السقف ممكن يستحمل اد ايه.

[ehabouf]

يعنى تقريبا حتزود حمل 4ك /سم2 .مش حيقول لا

ألف شكر يا استاذ احمد
توكلنا على الله