موضوع بالغ الاهمية القصوى , حد يعرف ماركة شرابات كويسة :) :)

[Ahmed A Rahman]

بدأت اعاني من الم في القدم بعد الرجوع من الشغل
انا واقف طول اليوم تقريبا وحاسس ان الشراب الاستك او الضيق هو اللي بيوقف لي رجلي بقية اليوم ويخليني مش قادر اكمل مشي

معنديش غير ماركة قطونيل وانا مش بلبس غير اللون الاسود, حاسس انها حتجيب لي دوالي قريب عشان الاستك بتاعها مش واسع + اللون بتاعها بيجير ويبقى اسود بهتان بعد فترة قصيرة

محتاج ماركة كويسة مريحة وغير ضارة صحيا :) :)

[mastr_n]

بص active لو روحت اى فرع ابوعلاء هتلاقى هناك اللى انت عايزة بصراحة خامات بتعيش
وعندك Adidas بس هتلاقيها غالية شوية عن active

[طارق _عبد السلام]

ممكن المشكله تكون من الحذاء وليس من الجوارب ... انصحك بشراء المصنوع من القطن او نسبه الخلط تكون عاليه للقطن

ومن ناحيه الاستيك جرب تلبس شراب ..كت ..اوقصير او ..انكل ...... مش هتحس بموضوع الاستك نهائيا ومريح جدا انا مبستعملش غيرهم لكن فى الشتاء لازم اغير غصب عنى

[Ahmed abdkarim]

انا بلبس شرابات active . مريحة و بتستحمل بس نصيحة جيب القصير .

[almohaor]

بستعمل قطونيل القصير من سنوات صيف شتا
ويفضل النوع القصير والسميك لاراحة القدم وعشان موضوع الاستك
مع انه موش جامد قوى بحيث يسيب اثر على جلد القدم
بالنسبة لموضوع بهتان اللون للالوان الغامقة زى الاسود والبنى والكحلى
ابعد عن استخدام المساحيق
فى عملية الغسيل يفضل صابون حمام فقط مع ماء بارد او فاتر
ويشطف جيدا و وينشر مقلوبا يعنى السطح الخارجى يكون للداخل
ولاينشر فى الشمس مدة طويلة
حتى لايتأثر اللون او استك الشراب

[KemozTanta]

نوع active القصير كويس اوي

[Mohamed.Muslim]

طب بالنسبة لنوع Active الطويل ايه عيوبه ؟؟

[NaderNabil]

أعتقد حضرتك يلزملك جزمة مريحة في المقام الأول ... حاجة تنفع للوقوف فترات طويلة زي crocs مثلا على الرغم من ان اسعارها عالية شويتين.... بس هاتفرق معاك جدا

[mendo]

طيب واللي عاوز حاجه طويله عشان اللبس الكلاسيك يجيب ايه وبكام؟

[Ahmed abdkarim]

طب بالنسبة لنوع Active الطويل ايه عيوبه ؟؟

active الطويل تقيل شوية و الاستك بتاعه بيفك شوية

[wawamoha]

شرابات كونكريت - تحفه

[eng.samy]

احسن حاجة قطونيل

[kar!m]

أنا على طول بجيب ماركس أند سبنسر فريش فييت .. ممتازة جدا .. الباك فيها 7 أجواز شرابات.