خدوش الموبيليا

[khaloooda]

وانا بنقل في شقة تانية
العمال الله ينتقم منهم جرحوا لي الموبيليا
الخشب بقي فيه خدوش وتجاريح
بعضها عميق مش نافع فيه بولش

حد يدلني علي حاجة تنفع في معالجة خدوش الخشب
انا جربت حاجات كتير اوي موجودة عالنت
قهوة - زيت سمك - لوز مقشر - بولش خشن - الوان زيت

كووووله فاكس

مفيش حاجة تتجاب جاهزة تنفع في الحالات اللي زي دي

مع ملاحظة اني حاولت اعمل صنايعي واجيب سبرتو وجملكه وكده لكن معرفتش اظبطها

ياريت لو حد عنده خبره في حاجة زي ده

ملحوظة بعض الخشب قشرة ارو مدهون بوليستر ومرشوش ورنيش
وبعضه مدهون جملكه

[khaloooda]

ايه يا جماعة
محدش مر بالتجربة الاليمة دي قبل كده

طب اي اقتراح
نفعونا بحاجة طيب

[mmtronic]

بص يا سيدى انا ححكيلك على بعض تجارب فى توضيب الشقه

هات معجون خشب عبوه صغيره من عند الموان

حط بعض من المعجون فى سرنجه ٢٠ سم ( من الصيدليه )

و أحقنا بالسرنجه ( طبعا من غير سن الابره ) فى اماكن الشقوق و الخرابيش العميقة لحن ما تساوى السطح

بعد ملى الفراغات و الخرابيش العميقة بشكل مرضى استنى ينشف

كده مش فاضل الا الدهانات

فى عندك عند الموان صبغات سكيب للخشب ألوان و درجات مختلفه او اى ماركه تانيه المهم ده اللون الى انت عايزه

هات اللون المناسب للموبيليا بتاعتك

و بفرشه رفيعه ( من مكتبه ذى سمير و على ) ابتدأ لون الأماكن الى أنتا معجنتها ( خليك خزر جداً و انت بتستخدم الصبغيات دى لانها رخمه لو وقعت او طرطشت على الارض او هدومك او السجاده يبقى بالسلامة لانها مبتتطلعش

افرش مشمع على الارض قبل ما تشتغل

[khaloooda]

تسلم يا كبير
حلو موضوع معجون الخشب ده
هجربه. وان شاء الله يجيب نتيجة
حد عنده اقتراحات تانية

المشكلة في فكرة دهانات الخشب اللي عند الموان انها مش بتنفع لو انت داهن الفينيش بتاع الخشب بوليستر وعليه ورنيش
حدةعنده اقتراحات تانية ممكن تنفعني

[new_man]

تجيب استورجى يخلصلك الموضوع ده وهياخد 100 جنيه