حد ليه خبرة ف الاورام الخبيثة للبالغين وربنا يبعد عن كل الناس

[AHMED1718]

باختصار والدتي جالها كانسر grade2 ف الرحلةوآخر فحص الجراح أقر أن المرض انتشر.

دلوقتي المفروض هتنقل والدتي مستشفى مجهزة لاستقبال الحاله ومجهزة بالكامل لعمل كل الفحوصات من جديد والمتابعه مع معالج مناسب.

الاختيارات دلوقتي هم مستشفي النيل البدراوي أو النزهة الدولي..

المطلوب بقا هل حد ليه سابق التعامل مع دكتور معين هناك محترم نتابع الحاله معاه لان الاهم من المكان هوا الدكتور المعالج ..

والحمد لله وربنا ميكتبها على حد.

وياريت لو فيه نصائح .علشان انا للاسف لا أثق ف أي طبيب معرفوش

[محمد يوسف]

أولا ألف سلامة على الوالدة وكان الله فى عونك وعونها

أنا النزهة ما أعرفش عنها حاجة...بس النيل بدراوى سيئة جدا جدا وما أنصحكش بيها

السلام الدولى جنبها على طول وأفضل كتير

بالنسبة للدكتور فمش عارف انت محتاج جراح ولا دكتور اشعاع وكيمو؟

لو اشعاع وكيمو أرشح لك أ.د / محمد لطيف (بضم اللام وفتح الطاء)

الجراحين للأسف أنا أعرف جراحين أورام مخ وأعصاب ما أعرفش أورام الرحم

[AHMED1718]

مانا محتار الزاي بعد الفضائح بتاعة البدراوي الدكترا بترشحها

بيقولو ان قسم الأورام متميز هناك واجهزته حديثة ودقيقة.. اللي يهمني الدكترا اكتر من الأجهزة علشان هوا ده الاهم

[eng wael]

اسال الله العظيم ان يشفيها ويشفى مرضانا جميعا من هذا المرض

[mastr_n]

اولا الف سلامة على الوالدة وان شاء اللة ربنا هايشفيها قريب

بص اللى اقدر اساعد بية

https://www.facebook.com/groups/291528534358687/

دة جروب على الفيس بوك بيناقش اى حاجة عن المستشفيات وممكن من خلالة يتوصفلك احسن مستشفى واحسن دكاترة خش شوف اية النظام

واربنا يشفيها ويشفى مرضانا جميعا اللهم امين

[طارق _عبد السلام]

شفاها الله وعافاها وفى ميزان حسناتها ان شاء الله

بس حاولوا تلعبوا على تحسين نفسيه الوالده وده مهم جدا جدا فى العلاج

والدتى كانت مصابه بنفس المرض لكن عملت لها العمليه فى مستشفى خاصه فى طنطا والجراح كان من هناك وهناك دكتور كبير متخصص كيماوى بعد العمليه والحمد لله رب العالمين على لطفه بعباده

نصيحه تخلوا معنوياتها عاليه لكى تتحمل العلاج .... اللهم اشفها شفاءً لايغادر سقما

[cheburashka]

http://http://www.dmradwan.com/vb/showthread.php?t=51

[Mu7ammeD]

طيب ليه متروحش معهد ناصر؟!

[Samah AbdAllah]

الف سلامة على والدتك
شافاها الله وعافاها

[prof2013]

اسأل الله العظيم رب العرش العظيم ان يشفيها شفاءا لا يغادر سقما

[Karim Alaa]

ربينا يشيفها لك يارب و يديها الصحه باذن الله ربنا يهديك للمكان و الطبيب الصح

[KemozTanta]

ربنا يشفيها ويخفف عنها ويصبركم
نصيحة ، الهدوء شوية عشان تتصرفوا بشكل مظبوط ويفضل دكتور وااااحد بس اللي تتابع معاه ويكون مشهود بالكفاءة والضمييير ـ دور شوية عليه لانه هيريحكم كتيييير واحذر من دكتور يبعتك لدكتور والشغل دا ، اسئل انت عن الافضل وتعامل معاه.. وربنا يشفيها ان شاء الله

[amr011111]

ربنا يشفيها بإذنه سبحانه وتعالى

[OMAR11112010]

فيه دكتور جراحة عامة محترم جدا انا اتعاملت معاه اكتر من مرة اسمه احمد عبده مصطفي
ودا موبايله 01222119290
وبيشتغل في مستشفي الرحمة في مصر الجديدة ميدان الاسماعيلية
شفاها الله ان شاء الله

[AHMED1718]

متشكر لدعواتكم .. عذرا بس انا اللي بسال عليه دكتور معالج وليس جراح ..الجراحة مرحلة تالية ..

اخر التطورات أن فيه دكتور اسمه محمد بسيوني ف مستشفى النزهة الجديدة لسه هسأل عنه وهتوكل على الله