حد عنده فكرة عن مكافحة الكلاب الضالة ؟!

[abdo_general]

مساء الفل يا شباب / صباح الفل للاس الي هتقرا الصبح :)

مبدئيا انا الكلاب جننتني

وسقف العربية باااظ والبوية قشرة وبقي معووج علي طوووووول

بس بغض النظر عن كده

الكلاب بداءت تتكاثر وتكتر في الشارع

وبداءت تزداد توحش

قبل كده لما تهشها تجري دلوقتي تجري عليك ومابتخافش

فا الموضوع بقي مقلق خصوصا علي الاطفال والسيدات

فا ايه الحل للموضوع دا ؟

هل في جهة او شركة تقدر تقوم بالموضوع دا ؟

وفين وازاي ؟

[ARKOON]

كلب بوليسي هيقوب بالواجب .
سيب الكلاب على بعض وهما يتصرفوا : )

[abdo_general]

ودا اجيبيه منين بقي ان شاء الله

[fourseasons]

يا باشا كلب بيتبول يطربط فى شجرة شوية فى الشارع و أنسى ان اى كلب يجى الشارع تانى ولو كتيبة كلاب بلدى،بس لازم حد يكون مع الكلب فترة شوية

[abdo_general]

مممممممممم

هي فكرة
بس مش سهلة

بس مافيش حاجة غيرها زي جهة مسؤلة عن الموضوع دا

او شركات بتاخد فلوس ؟؟؟

[ARKOON]

انا بهزر على فكرة كويس مقولتش لحمة مسمومة او اي حلول قاتلة .
الصراحة هيا مشكلة بس اكيد في شركات وبتوع حماية الحيوان لازم يكون ليهم دور : )

[J A G U A R]

كان فى طريقه لحاجه بتتحط على سقف العربيه والكلاب مبتحبهاش بس مش فاكر الطريقه بالظبط

[eng_amg]

المشكلة دي كانت عندي في الهرم مساكن الضباط. بس حلتها بطريقة غير تقليدية

وسمعت في خطبة الجمعة بيطلبوا تبرعات لشراء سموم للكلاب لأنها أصابت عدد من الأطفال والسيدات.

انا بقى هوايتي الصيد البري ولي اصدقاء كثر فكلمت الخطيب بعد الصلاة وقولتله اني ممكن اخلصه من الكلاب دي في يوم انا واصدقائي شرط انه يكون معانا واحد من الأمن لعدم الاحتكاك بالسكان وايضا حد يشيل الكلاب إلى تموت.

الراجل مصدق وقالي إلى انتوا عايزينه.
وفعلا الجمعة إلى بعدها كان معايا 8 أصدقاء ب 3 عربيات كل واحد معاه بندقية وكانت الحصيلة أكثر من 30 كلب.

والموضوع دا بقالوا حوالي سنه حتى الآن مفيش كلاب إلا نادرا

[almohaor]

طيب بعد اذنكم
ياريت بالمرة يكون فيه حل لموضوع القطط كمان
فيه قط مغلبنى لو بالنهار والدنيا حر ينام تحت العربية
وبالليل يسطح يعنى ينام على السقف فى الطراوة
والدنيا كلها بقت خرابيش فى على الكبوت والسقف
اخطر حاجة مرتين افتح كبوت العربية بالصدفة الاقى قطة جواه قبل تشغيل الموتور
ومرة بعد ماشغلت العربية بافتح الكبوت لقيت قطة صغيرة فوق الموتور
وماصدقت الكبوت اتفتح وعينك ماتشوف الا النور
وكمان الواحد بيستحرم انه يتسبب فى موتها تحت او داخل العربية بدون ماادرى

[abdo_general]

المشكلة دي كانت عندي في الهرم مساكن الضباط. بس حلتها بطريقة غير تقليدية

وسمعت في خطبة الجمعة بيطلبوا تبرعات لشراء سموم للكلاب لأنها أصابت عدد من الأطفال والسيدات.

انا بقى هوايتي الصيد البري ولي اصدقاء كثر فكلمت الخطيب بعد الصلاة وقولتله اني ممكن اخلصه من الكلاب دي في يوم انا واصدقائي شرط انه يكون معانا واحد من الأمن لعدم الاحتكاك بالسكان وايضا حد يشيل الكلاب إلى تموت.

الراجل مصدق وقالي إلى انتوا عايزينه.
وفعلا الجمعة إلى بعدها كان معايا 8 أصدقاء ب 3 عربيات كل واحد معاه بندقية وكانت الحصيلة أكثر من 30 كلب.

والموضوع دا بقالوا حوالي سنه حتى الآن مفيش كلاب إلا نادرا

طيب هل انتو ممكن تعملو الموضوع دا دلوقتي في مدينة نصر بمقابل مادي ؟

ولو موافق هيبقي في حدود كام تقريبا ؟

[د.محمود صلاح]

http://www.nilemotors.net/Nile/272047-a.html

http://www.nilemotors.net/Nile/5759-a.html

[eng_amg]

طيب هل انتو ممكن تعملو الموضوع دا دلوقتي في مدينة نصر بمقابل مادي ؟

ولو موافق هيبقي في حدود كام تقريبا ؟

هاهاها
لا يا فندم احنا مبنعملش كدا بمقابل. الصيد هواية وغالبا الواحد بيصرف على الهواية مش العكس.
روحنا من قبل المقطم والشروق والرماية وكان كل مرة بنسق مع الشرطة وبيخرجوا معانا امين شرطة وبنوه في المساجد قبلها.
عموما الوضع مختلف اليومين دول لأننا حاولنا نطلع من مدة للمقطم فالشرطة رفضت تخرج حد معانا أو تدينا تصريح... انت عارف البلد مش فاضية.. بتحارب الإرهاب. :)
أما بالنسبة لمساكن الضباط فالشرطة ليس لها صلاحيات هناك فيتم التنسيق مع مسئول الأمن في القوات المسلحة هناك ويكونوا متفاهمين جدا ومتعاونين.

[eng.samy]

معنديش فكره عن الموضوع ده

[eng_amg]

معنديش فكره عن الموضوع ده

موضوع ايه؟؟

☺☺

[mohamed ataa]

بص يا باشا
انما شوفت حاجة عند بتوع منظفات اسمها طارد القطط والكلاب سائل هو ممكن ترش منه على غطاء السيارة
وممكن كان حد قال تحط نشادر على الغطاء من عند العطار جرب كدة وقولنا ايه الاخبار