هو احنا جيل خايب ؟

[الاستاذ]

بالرغم من ثورة 25 ينايروالشباب الى خرج على الظلم
بس حاسس اننا جيل خايب او بالبلدى مش صايع عكس ابهاتنا كانوا ساكتين على الظلم بس عارفين الدنيا ماشية ازاى
بمعنى مع احترامى للجميع بلاقى شاب عنده 30 سنة وداخل يسال على محلات ملابس مع انى دة اسهل حاجة وفى واحد تانى بيسال على محل جزم والى ميعرفش حاجة فى المواصلات يعنى عشان يروح مكان ممكن يتوه مع انه منطقة مشهورة وحجات كتير والى عنده 35 سنة ولسة بيدور على عروسة ومحتار بعد 35 ومحتار ؟!ولو نازل شغل جديد تلاقية مكسوف وممكن يمشى منة بسبب واحد بيضايقة ولو حصلت له مشكلة مع عيل شمام بيتنازل عن حقة والكلام دة ينطبق على الشباب الى فى العشرينات والكلام دة بردوا عليا وحجات كتير انا بقول الكلام دة عشان بسال نفسى ازاى حد زى كدة هيفتح بيت او هيعيش فى بلدنا دة بالاساليب الى احنا بنشوفها كل يوم دة

[eng.samy]

متابع

[mk3]

لا..البلد هى اللى بقت عفن مش الشباب
-ده واحد بيسأل على عنوان عشان البلد مقلوبه ومفيهاش شوارع وملهاش عناوين وااماكن كامله مفيش اسماء شوارع اصلا عكس البلاد الاوروبيه وغير الاوروبيه النظيفه كل حاجه بالخريطه توصل لاى حته.
-ودا التانى بيسأل على محل لبس عشان السلعه لها ميت تمن فى المخروبه دى اللى اسمها مصر وانا كواحد من الناس عندى اسأل وادور وادخل مكان مش بيفاصل ارحم لى الف مره من انى يتعمل عليا شغل والبنطلون ب 100 ويقولى 400.
-والتالت عنده 35 سنه وعقبال ما كون نفسه ومش عارف يختار عروسه من الخرا اللى بيسمعه عن البنات الا من رحم ربى.

[mcomics]

لا..البلد هى اللى بقت عفن مش الشباب
-ده واحد بيسأل على عنوان عشان البلد مقلوبه ومفيهاش شوارع وملهاش عناوين وااماكن كامله مفيش اسماء شوارع اصلا عكس البلاد الاوروبيه وغير الاوروبيه النظيفه كل حاجه بالخريطه توصل لاى حته.
-ودا التانى بيسأل على محل لبس عشان السلعه لها ميت تمن فى المخروبه دى اللى اسمها مصر وانا كواحد من الناس عندى اسأل وادور وادخل مكان مش بيفاصل ارحم لى الف مره من انى يتعمل عليا شغل والبنطلون ب 100 ويقولى 400.
-والتالت عنده 35 سنه وعقبال ما كون نفسه ومش عارف يختار عروسه من الخرا اللى بيسمعه عن البنات الا من رحم ربى.

+11111

[NaBeLeOn]

شخصيا لا اعتبر السكوت على الظلم و عدم المطالبة بحقى شطارة من أى نوع
لما أشوف والدى -كمثال على مستوى الأفراد- يطلع معاش و يكون معاشه بعد 35 سنة عمل كطبيب هو 800 جنيه شهريا يبقى مش شايف ان جيل والدي كان شاطر أبدا ...
أما عن حال البلد بصفة عامة فحدث و لا حرج يعني ... اعتقد مفيش حد من جيل العشرينات أو التلاتينات الموجود حاليا مشارك فىما وصل اليه حال البلد ...
انى اسأل على عنوان دى حاجة مش عيب يعني و مش فاهم ايه علاقتها بالفرق بين الأجيال

[Anaslbda]

تصدّق جيل آباءنا اللي عب ناصر ضحك عليهم ولعب بيهم يمين وشمال وضيّعهم هما اللي استاذة الفهلوة؟
والله ما خايب اللّا كلامك.

[mhmd_farouq]

احنا زي الفل يابني البلد هي اللي وحشه، والحراميه والنصابين كترو، والكله والبورشام بقو على قفا مين يشيل ، ربنا يسترها علينا

[4fun14]

البلد بتصارع وتسابق الزمن لافساد جيل ورا التانى..اعتقد اه الجيل ده خايب فعلا,,اتوفرت كل ظروف الكبت والجهل والفقر والمرض والكذب والخوف اللى تخليه يخيب

[adel1212]

للاسف احنا جيل جاااااااااااااااااهل
و بس
تحياتي