استشارة طبية

[bekatcho]

السلام عليكم
انا ليا فترة كدة التنفس عندى مش متظبط
والى زود الدنيا انى مثلا بقيت ممكن اطلع الشقة عندى فى الدور التالت بس اكون بطلع السلم سريع حبة واول ما اوصل الاقى نفسى دوخت
وانى مثلا اكون ساند ظهرى على السرير وقاعد على الكمبيوتر مثلا واجى اقوم الاقى نفسى دوخت برضو
كنت عايز اكشف على الموضوع دة بس مش عارف اروح لدكتور اية بالظبط لانى الموضوع بدا يقلقنى الصراحة

[osamaos20022]

اعمل صوره الدم الاول

[osamaos20022]

عندك كام سنة في سكر أو ضغط دم

[hesham fawzy h]

ربنا يشفيك و يكرمك

[bekatcho]

اولا متشكر جدا لكل الى ردو
انا عندى 25 وماعنديش اى مشاكل او امراض
وفعلا فكرت اروح اعمل تحليل دم بس مش عارف اعمله فين
انا فى بنى سويف ومش اعرف مراكز محترمة هنا اعمل فيها
وفى حاجة نسيت اقولها انى اوقات كتير بحث بعدم اتزان جامد
ممكن ابقى قاعد مع ناس وبنكلم والاقى نفسى مش مجمع نص الكلام الى بيتقال
وابقى ماشى مثلا مش حاسس باى حاجة حوليا فى الشارع

[hesham fawzy h]

الاعراض دى لسة جديدة ولا بقالها فترة

[bekatcho]

حكاية التنفس ليها فترة
الاعراض الاخرى ليها كام شهر وكنت فاكر انها ارهاق شغل لانى ماكنتش بنام كويس
بس انا ليا فترة مش بعمل اى مجهود وبنام كويس اوى لانى رجعت من الغربة وقاعد فى البيت ليا شهرين

[hesham fawzy h]

اتمنى انها متكنش مشكلة نفسية

و اكشف عند دكتور صدر

[bekatcho]

اتمنى انها متكنش مشكلة نفسية

و اكشف عند دكتور صدر

اعتقد انها مش مشكلة نفسية لان الاعراض دى بتحصلى قبل ما ادخل فى المشاكل الى حصلتلى
ان شاء الله هحاول اعمل تحليل دم واكشف عن دكتور كويس

[NaBeLeOn]

بتاكل كويس ؟ مفيش فقدان وزن او ضعف حصل فجأة ؟
اعمل صورة دم ممكن تكون اعراض انيميا ... الدوخة عند تغيير الوضع "من الجلوس الى الوقوف فجأة" ده عرض لانخفاض فى الضغط .. الضغط المنخفض ممكن يسبب الدوار و عدم التركيز و الارهاق المؤدى الى النهجان و سرعة التنفس .. تابع ضغطك و اعمل تحليل صورة دم مبدئيا

[bekatcho]

بتاكل كويس ؟ مفيش فقدان وزن او ضعف حصل فجأة ؟
اعمل صورة دم ممكن تكون اعراض انيميا ... الدوخة عند تغيير الوضع "من الجلوس الى الوقوف فجأة" ده عرض لانخفاض فى الضغط .. الضغط المنخفض ممكن يسبب الدوار و عدم التركيز و الارهاق المؤدى الى النهجان و سرعة التنفس .. تابع ضغطك و اعمل تحليل صورة دم مبدئيا

فعلا دي اعراض بتحصلي ان شاء هعمل تحليل دم وباذن الله خير

[bekatcho]

انا عملت تحليل الدم وطلع مش فية حاجة
بكرة ان شاء الله رايح اكشف باطنة ولما نشوف

[hesham fawzy h]

الحمد لله :)

عملت التحاليل فى مكان كويس

[bekatcho]

اة عملته فى معامل المختبر

[NaBeLeOn]

ممكن استاذنك فى صورة للتحليل ؟ :)