افضل ماركات للغسالة الاتوماتيك والثلاجه

[new_man]

مساء الخير يارجاله
انا نازل بكره ان شاء الله اجيب اجهزة لشقتى عشان الجواز
انا ناوى على غساله وثلاجه كل واحده فيهم متعديش ال 3 الاف جنيه
لقيت lg ب 2890 سعة 7 كيلو 1000 لفه تايلاندى
و هوفر 2900 سعة 7كيلو 1200 لفه ايطالى بالكامل بضمان العربى
واندست 2300 سعة 7 كيلو 1000 لفة اتحاد اوروبى بضمان بى تك
واريستون 7 كيلو 1200 لفه ايطالى

ياترى انهى في كل دول الافضل من واقع تجاربكم؟؟؟؟

والثلاجه
lg ب 2990 مقاس 12 قدم اندونيسى
شارب 2575 مقاس 12 قدم مصرى
سامسونج 300 مقاس 14 قدم اندونيسى
توشيبا من اول 2500 ل 3000 مقاسات واشكال كتير 14 قدم طبعا مصرى كلها

هاه اعمل ايه ؟؟؟

[Medo.Malek]

مبروك الجواز
التلاجة سامسونج كويسة بس ماعرفش حاجة عن مراكز الخدمة و الصيانة
و بالنسبة للغسالة : الال جى كويسة برضه و برضه معرفش حاجة عن الصيانة و مراكز الخدمة

[Gelgel2004]

الغساله انديسيت ايطالى 9 كلج
الثلاجه : شارب - ال جى - سامسونج
غ الاطباق فريش

و مبروك

[new_man]

الله يبارك فيكم :)
انا بس سمعت انى احاول ان ابعد عن كل ماهو مصرى فهل ده صحيح؟؟
وهل صحيح ان الغسالات ال lg والسامسونج الاندونيسى والماليزى الحله الداخليه فيها اجزاء بلاستيك وان الكورى منها كل الحله استانلس؟؟
وهل بى تك كضمان للاندست كويس ولا اى كلام؟؟

[ainshouka]

الغسالة هوفر عندى من سنة وشغالة كويس وميزتها انها بضمان العربى بس اللى اعرفه انها 1400 مش 1200

بالنسبة للثلاجة عندى توشيبا 14 قدم وهى كويسة فيها عيب بسيط فى التصميم وهو ان فتحات التبريد بتاعة الفريزر فى ارضية الفريزر فلو حاجة وقعت فى الفتحات دى زى ردة العيش مثلا ممكن بتتسد فمحتاجة صيانة بس الموضوع دا محصلش غير بعد 5 سنين شغل وصيانتها كانت سهلة ومخدتش وقت

[salodas]

كله lg حاجة محترمة

[almohaor]

الف مبروك
منتجات lg
ومنتجات العربى
وكذلك سامسونج وسيبك من الباقى

[new_man]

انا ميال للتوشيبا فى الثلاجه والغساله lg
بس خايف من صناعة التوشيبا المصرى دى

[hesham fawzy h]

الف مبروووك مقدما :)

[new_man]

الله يبارك فيك يافندم :)

[ahmedwagdy03]

منتاجات العربى خدها و إنت مطمئن مش علشان هى أحسن حاجة -ههى كويسة جدا بالأمانة - لكن الضمان فعلا حقيقى و محترم .العربى فعلا من الناس اللى بتحافظ على أسمهم.

الغسالة أعتقد هوفر كويسة .الثلاجات لو لقيت توشيبا خدها و أنت مغمض بعد كدة عليك و على شارب .إل جى كويسة و عندى منها بس الأندونيسى مش المصرى

[أبو آسر]

ال جي متميزة جدا في جميع الاجهزة الكهربائية
العربي حاجته كويسة برده بس مش زي زمان
ابعد عن كريازي وفريش
والف مبروك وربنا يتمم بخير :)

[new_man]

منتاجات العربى خدها و إنت مطمئن مش علشان هى أحسن حاجة -ههى كويسة جدا بالأمانة - لكن الضمان فعلا حقيقى و محترم .العربى فعلا من الناس اللى بتحافظ على أسمهم.

الغسالة أعتقد هوفر كويسة .الثلاجات لو لقيت توشيبا خدها و أنت مغمض بعد كدة عليك و على شارب .إل جى كويسة و عندى منها بس الأندونيسى مش المصرى

انا عارف ان العربى وكيل كويس جدا بس انا بقلق دايما من اى حاجه مصرى والتوشيبا والشارب مصرى فبحاول اخليهم بعد ال lg والسامسونج بالذات فى الثلاجه
الهوفر مقلقانى انها لسه جديده فالسوق فمش مضمونه انما انا نفسى اجبها اوى وخصوصا انها ايطالى بالكامل

[new_man]

ال جي متميزة جدا في جميع الاجهزة الكهربائية
العربي حاجته كويسة برده بس مش زي زمان
ابعد عن كريازي وفريش
والف مبروك وربنا يتمم بخير :)

فعلا العربى حاجته مبقتش زى زمان يعنى تقفيل الثلاجه مش كويس خالص مقارنتا بالمستورد
وانا ناوى على غساله lg بس الثلاجه هى اللى محيرانى جدا
وانا بعيد خالص عن كريازى وفريش
وشكرا يافندم لذوقك

[أبو آسر]

فعلا العربى حاجته مبقتش زى زمان يعنى تقفيل الثلاجه مش كويس خالص مقارنتا بالمستورد
وانا ناوى على غساله lg بس الثلاجه هى اللى محيرانى جدا
وانا بعيد خالص عن كريازى وفريش
وشكرا يافندم لذوقك

توكل على الله وهات التلاجة ال جي برده
أخويا لسة متجوز جاب الكبيرة ونسايبي برده جابوا الكبيرة أوي اللي فيها ديب فريزر ومحدش اشتكى منها بالعكس دي تكنولوجيا جديدة وجميلة جدا