منين اشترى خامات الومنيوم

[besso]

ياجماعه حد يعرف اجيب منين اعمده الومنيوم

زى دى مقاس 2×2 سم



احنا مش لاقيين المقاس ده وسألنا فى الرويعى وشارع الجمهوريه مش لاقيين كل التجار بيقولو المقاس ده قليل

حد يعرف اماكن بيع الخامات دى؟؟؟؟

[almohaor]

اعتقد ممكن تلاقيه عند محلات الالوميتال
والخاصة بتصنع الابواب والشبابيك الخ

[mr_green]

جربت تشوف فى السبتية ؟

[besso]

ماشي هانزل اسأل كده واشوف

[بحار]

على فكرة ممكن التجار مايكونوش بيجيبو المقاس ده علشان طلبه قليل ..
ممكن لو عاوز كميه تسأل على مصنع وتتطلب منه عمل كميه خاصة بيك ..

[besso]

احنا كل اللي حنحتاجه عودين او تلاته
فين المصانع دي وانا اروح

[BUNSH]

قصــــاد مدرســة المنهل *الحى الثامن* فية شارع اللى هوة حسن المأمون هتدخل الشارع دة فى أول شمال -دة لو مدرسة المنهل فى ظهرك- تانى أو ثالث عمارة والمخزن فى دور أرضى ولية سلم خارجــى *دوول عندهم كل حاجات الالومنيوم والقطاعات* بس مش عارف هتلاقية المقاسات دى ولا لأ .

[walidzakzok]

هاتهم علب صاج لوينفعوا

[besso]

لا مش هاينفع صاح هايبقى ضعيف
اصلا هانيتخدمه فى تصنيع روبوت (فى مسابقه الروبكون) والتصميم الى حطيناه محتاجين فيه المقاس دى عشلان كده بندور عليه لكن احنا السنه اللى فات كنا شغالين بمقاس 2.5×2.5

[mr_green]

أسوأ الأحوال هات ال 2.5 *2.5 إللى كان عندك السنة إللى فاتت أكيد عارف هاتلاقيه فين

و بعدين وديه مخرطة

[مواطن مصرى]

مصنع السعد للالمنيوم
شارع شركات البترول (بين المطريه و مسطرد)
تليفونات 22503700 - 225037880 - 22508900

ممكن تجرب لاننا جربناه فى الشغل فى قطاعات و اعواد بتاعت تقسيم هنجر داخلى و كانوا ممتازين بس مش عارف هايديلك واحد او اثنين و اللا بيبيعوا جمله بس .. على الاقل لو مش بيبيعوا جمله هايدلك تجيب منين .. اسال على أ.احمد سيد فى المبيعات (مش معايا رقم موبايل للأسف الشديد)

بالتوفيق فى مشروعك ان شاء الله ..

[besso]

طب تمام اوي كده
انا هانزل الاول السبتوه لو ملاقيتش هاشوف اللي في الحي التامن وبعدين المصنع ده

[Mecha]

في واحد اول شارع فيصل ناحية الرمايه جنب بلال,فاتح مركز بيع للمصنع اللي ف ابو رواش