قائمه بشهادات مايكروسوفت المعتمده دوليا

[prof2013]

مش مشكله نذاكر الاتنين ,, نمتحن في ال mcsa ونشتغل بال mcitp مع تحديثات mcsa

طيب والحاجات اللي داخل المستطيل الاسود دي بتاع ايه ؟

[أبو آسر]

ياريت يا ابو آسر لو تتفضل مشكورا بشرح المجالات اللي بتقدمها ماييكروسوفت
مش عايز اتعبك اديني روابط فيها معلومات مفصله عن الشبكات وشغلها وكذالك البرمجه علشان اعرف احدد ايه اللي يناسبني

والله يا بروف أنا مليش أي خبرة في مجالات ميكروسوفت ومش بحبها أصلا علشان شغل الاحتكار والاستغلال بتاعها
الدنيا اتطورت دلوقتي والشركات دي مصيرها إلى الزوال بسبب وجود البرمجيات المجانية مفتوحة المصدر لكن شغل الاحتكار ده والشركات اللي بتقفل على نفسها ومش بتسمح لأي حد يعدل ويطور في شغلها دي مسألة وقت وهتخرج من المنافسة
وأنا شخصيا شايف إن المستقبل للغات البرمجة مفتوحة المصدر خاصة php وإن لغة asp.net بتاعة ميكروسوفت في طريقها للفشل والتوقف وفي مواقع عالمية دلوقتي بتتعمل باللغات المجانية مفتوحة المصدر
برده الويندوز والماك والكلام ده مسألة وقت برده وينقرض والمجال هيكون مفتوح للبرمجيات المجانية زي اللينكس
ده رأيي الشخصي بخصوص لغات البرمجة لكن حوار الشبكات مليش فيه خالص بصراحة بس كل ده ميمنعش برده إن شهادات ميكروسوفت دلوقتي لها قوة وسوق عمل في أي مكان بس زي ما الإخوة قالولك شوف اللي شغال أكتر ومعتمد إيه وخلي بالك من الحاجات اللي اتوقفت علشان متضيعش وقتك على الفاضي
وخلي بالك برده انت مش هينفع تدخل بقلب جامد على الشهادات دي انت لسة في مرحلة التأسيس ومحتاج تتعلم أبسط قواعد البرمجة وتبدأ بالحاجات الصغيرة السهلة تدريجيا علشان متتصدمش وتتعقد بالكلام اللي هيتشرح ، يعني مثلا مينفعش تاخد كورس توفل مثلا أو أيلتس وانت لسة متعرفش الحروف والأرقام ! ابدأ بالتدريج وخد الحاجات السهلة وبعدين شوف اللي بعده
وبالتوفيق

[wallace]

بص يا جميل عشان مطولش عليك

انا شايفك بتقول عايز تذاكر mcitp و mcsa وانا بصراحة مستحرم تقعد تذاكر فيهم سنة وتتصدم إنك واحد ضمن ناس كتييييييير دارسة الشهادتين دول

بص انت اولاً حابب تكون ايه ؟ ,بتفهم في ايه ؟ ,مهو متقنعش نفسك هتذاكر كورس وهتنزل الناس هتخطفك من السوق خطف دا مبيحصلش إلا لما تكون يعني قديم في المجال وحاجة فذة ,فعموماً ال mcitp كويسة مش وحشة وهتديك نبذة كويسة عن النتورك وبعد كدا ممكن تكمل في المجال سواء مايكروسوفت او سيسكو لو حبيت تكمل في النتوركينج

لكن لو حابب تكون ديفولبر برضوا المجال متاح وموجود والمبرمجين في مصر عموماً قليلين في كل المجالات عشان كدا بيكون ليهم اهتمام ووضع خاص حسبب تخصصة برضوا

من الأخر الخلاصة شوف انت حابب تدرس ايه ومتدرسش حاجة تفرح بإنها سهلة وفيه مليون واحد درس فيها ومنتظر منها حاجة ,تخصص في حاجة تكون بتحبها حتي لو كانت مش منتشرة بالشكل الكافي اهم حاجة ان ليها مجال شغل ودوس فيها

فكر كويس عشان متحبطش وعشان متتعبش علي الفاضي وانا كتبتلك عشان ميحصلش معاك الإتنين ,وأي مساعدة إحنا إخواتك

[prof2013]

والله الفوركس احسن من القرف ده كله ومكسبه سريع بس في نفس الوقت خسارته سريعه ومش مضمون
كنت عايز شغلانه تاني جنبها ويكون ليها مستقبل بحيث اشيل ده من ده
بمعنى
اني ادرس مجال زي البرمجه او الشبكات مثلا اجيب منه فلوس حلوة اقدر اودع بيها مبلغ كبير في الفوركس وهكذا

طيب ايه رأيكم في مايكروسوفت اوفيس ؟ مش ده شغله داتا انتري في الشركات ؟ بفكر اركز عليه هو بس ولكن عايز اعرف اخبار مرتباتها ايه حلوة ولا لاء ؟
ومحدش يكلمني عن المرتبات في مصر انا بتكلم على الشغلانه دي برا مصر سواء الخليج او اوروبا او امريكا مثلا

[Mu7ammeD]

مش مشكله نذاكر الاتنين ,, نمتحن في ال mcsa ونشتغل بال mcitp مع تحديثات mcsa

طيب والحاجات اللي داخل المستطيل الاسود دي بتاع ايه ؟

شوف الامتحانات وهتعرف كل شهاده متخصصه بأي مجال بالظبط.. إيضا بعض الشهادات بيكون أمتحاناتها مكمله.



MCITP

https://www.microsoft.com/learning/en-in/mcitp-certification.aspx

MCTS

https://www.microsoft.com/learning/en-ca/mcts-certification.aspx

MCPD

https://www.microsoft.com/learning/en-sg/mcpd-certification.aspx

MCSA

https://www.microsoft.com/learning/en-us/mcsa-certification.aspx

MCSD

https://www.microsoft.com/learning/en-gb/mcsd-certification.aspx

MCSE

https://www.microsoft.com/learning/en-eg/mcse-certification.aspx

MOS

https://www.microsoft.com/learning/en-eg/mos-certification.aspx

MTA

https://www.microsoft.com/learning/e...ification.aspx

[prof2013]

شوف الامتحانات وهتعرف كل شهاده متخصصه بأي مجال بالظبط.. إيضا بعض الشهادات بيكون أمتحاناتها مكمله.



MCITP

https://www.microsoft.com/learning/en-in/mcitp-certification.aspx

MCTS

https://www.microsoft.com/learning/en-ca/mcts-certification.aspx

MCPD

https://www.microsoft.com/learning/en-sg/mcpd-certification.aspx

MCSA

https://www.microsoft.com/learning/en-us/mcsa-certification.aspx

MCSD

https://www.microsoft.com/learning/en-gb/mcsd-certification.aspx

MCSE

https://www.microsoft.com/learning/en-eg/mcse-certification.aspx

MOS

https://www.microsoft.com/learning/en-eg/mos-certification.aspx

MTA

https://www.microsoft.com/learning/e...ification.aspx

اكتر حاجه مطلوبه فيهم mcsa ؟ صح ؟

[Mu7ammeD]

هو علي حسب المجال زي ما قولتلك، MCSA مهتمه باداره السيرفرات.. وطلاما أنت كنت حابب MCITP فاكيد هتكون مفيده ليك وليها مجال عمل بأذن الله.

MCSA: Windows Server 2012

وبعد ما تخلصها تدخل علي

MCSE: Server Infrastructure

[prof2013]

مرتبات مهندس الشبكات في امريكا لا يقل عن 70 الف دولار في السنه لقليل الخبرة و 130 الف دولار للخبراء
ياحلاوة ياولاد
Job Search | one search. all jobs. Indeed.com
هتلاقوا كل الوظايف في امريكا ومرتباتها معروضه ع الموقع

[بحار]

مرتبات مهندس الشبكات في امريكا لا يقل عن 70 الف دولار في السنه لقليل الخبرة و 130 الف دولار للخبراء
ياحلاوة ياولاد
job search | one search. All jobs. Indeed.com
هتلاقوا كل الوظايف في امريكا ومرتباتها معروضه ع الموقع

والمرتبات هنا كام ..؟

[prof2013]

والمرتبات هنا كام ..؟

قول اتنين جنيه ومش بناخدهم فلوس لالالالا بناخدهم بيض ومسلوق كمان علشان التفاعلات الكيميائيه هاهاهاهااهاهاها