مين عايز يمتلك دولته الخاصة

[YahiaAshraf]

إلي كل واحد كان حلم حياته يمتلك دولته الخاصة ، و يكون عنده عَلَمه الخاص و قوانينه الخاصة ، هل تعلم إن الحلم ده دلوقتي ممكن يكون حقيقة!!
جزر فيجي في آخر جنوب المحيط الهادي بتتكون من حوالي ٣٥٠ جزيرة و عندهم دلوقتي مشكلة إقتصادية، فالحكومة هناك قررت إنها تبيع شوية من الجزر بتاعتهم للناس إللي عايزة تكون ملكة أو ملك أو ناس نفسهم يعملوا دولة جديدة بقوانين مجنونة علي مزاجهم ...
الجميل في الموضوع إنهم بدأوا تنفيذ الموضوع ده و أعلنوا إن أسعار الجزر تبدأ من ٢٠ مليون دولار (علي حسب الحجم) و لقوا نجاح غير عادي من الفنانين و الممثلين العالميين لدرجة إن في ممثلة مشهورة إشترت جزيرة بحوالي ٣٥ مليون دولار و عملت علمها الخاص لونه بامبي و عليه شفايف حمرا في النص (كشعار للدولة) !!
و حتي الهاكرز بتوع الإنترنت في العالم عملوا إتحاد و مقدمين دلوقتي عشان يشتروا جزيرة عشان يعملوا فيها قوانينهم الخاصة و يخلوا الهاكينج هناك مش جريمة و تبقي "جنة و منتجع المبرمجين و الهاكرز العباقرة"..

يعني ببساطة كدة، أي واحد دلوقتي ممكن يبقي بجد "رئيس جمهورية نفسه" أو يقول "من النهاردة مفيش حكومة ، أنا الحكومة"

[hamo81]

ولسه ياما هنشوف في الدنيا دي
بس الأسعار رخيصة قوي دي متجيش ثمن شارع واحد عندنا في أسيوط

[hesham fawzy h]

ولسه ياما هنشوف في الدنيا دي
بس الأسعار رخيصة قوي دي متجيش ثمن شارع واحد عندنا في أسيوط

ههههه ههههههههههه

فكرتنى بفلم اسماعيل يسن لما اشترى العتبة الخضراء

[hamo81]

واضح إن أي دولة هتواجة أزمة إقتصادية هتبيع زي الدول الصغيرة في أوروبا إلي بتديك إقامة في بلادها لو أشتريت منزل بقيمة معينة

[بحار]

https://www.facebook.com/Ghaly74/pho...852691/?type=1

https://m2.facebook.com/Haggagovic?ref=stream&__tn__=C

[prof2013]

مفيش بالتقسيط ؟

[Omar Mahmoud]

يا بلاااش

[Bassem Youssef]

بيع يا عواد

و الله انا خايف اننا نعمل كده في يوم من الايام