ريس اتحاد ملاك فى البرج

[3abdo.it]

ازيك يا رجالة

انتقلت حديثا لبرج كبير 36 شقة

وبقالى فترة عند الوالد

اعرف ان فية حد من السكان مسؤل انة يتابع اعمال الصيانة فى البرج ودفع المبالغ المستحقة للحكومة سواء ماية او كهرباء عن طريق تحصيلها بنفسة من السكان

بقالى فترة عند والدتى فجيت انة بيتصل بيا يقلى امبارح انة محتاج اسمى رباعى ورقم البطاقة لانهم هيوثقو حد معين رسميا انة يبقا مسؤل عن البرج حبيبت استفسر منة عن سبب طلب رقم البطاقة مفهمتش اووى

هل الموضوع ممكن يكون فية اى مسؤليات او اضرار انا مبحبش المشاكل

[بحار]

ازيك يا رجالة

الله يسلمكم ياراجل ..

ولا مشاكل ولاحاجه اديلهم رقم البطاقة والبيانات مافيهاش حاجه .. الله يكون فى عونه الراجل اللى بيشيل مسؤليه العمارة ده ..
دى حكايه وش جدااا .. ده مش يستاهل البيانات ده يستاهل تدفعولو فلوس .. بالتوفيق ..

[Mu7ammeD]

التوثيق مش بيكون من خلال أسمك ورقم بطاقتك!

أولا بيتعمل جوابات بعلم الوصول لكافه سكان البرج أو العقار لاعلان أنعقاد جمعيه عموميه..

في الميعاد المحدد يتم الاجتماع وفي حاله عدم حضور البعض تنعقد الجمعيه باعضائها الحاضرين لانك بعت جوابات بعلم الوصول وبكده يكون أنعقادها سليم وبعدها بيتعمل زي أنتخاب لرئيس اتحاد الملاك وده منصب رسمي يكون بيكون مسئول عن الفلوس والاصلاحات وتركيبات إي اجهزة .. الخ

[mendo]

هي ايه اجراءات تعيين مجلس ادارة برج؟ ويستم قيدها بشكل رسمي فين فالحكومه؟

[salodas]

اقرأ العقد كويس جدا .... لأن ببساطة أعرف واحد حاطت شرط انه اذا تخلف أحدا عن دفع المستحقات الشهرية تسحب منه الواحدة ( الى هى الشقة) ... وأنت بموافقة وحضورك فأنت موافق على كل ما ورد من شروط .