اغلاق منتديات ياهو مكتوب

[wit]

إغلاق منتديات مكتوب جريمة كبرى في حق المحتوى العربي على الإنترنت ولا يعقل أن يضيع هباءً في لحظة بسبب سوء تقدير أو عدم إدراك لأهمية محتواه!

[M.Radwan]

أنا كنت مشرف في الـ dvd أيام ما كان مملوك لأبو عبد الله وحضرت كل المشاكل والخناقات اللى حصلت مع مكتوب أول اما اشتروه لدرجة اني اتخنقت ومبقتش أدخله تاني خالص... منتدى كان بملايين وكل المشرفين فيه بيشتغلوا تطوعا وكان ممتاز..أول ما مسكته مكتوب بقى زبالة، دمروه فعلا وفي الآخر أهم قفلوه!

[Karim_Monir]

والله كانه احساس لتدمير المحتوى العربيه اللي اصلا بنعاني بشدة من قلته

[Kareem Fawzy]

الأول يشتريه مكتوب
وبعدين ياهو
وبعدين شويه بشويه الأعضاء القدامى والاداريين يمشوا
وبعدين تلاقي البديل مواقع معينه موجهه بطريقه معينه

بصراحه خساره المحتوى اللي كان في منتدى زي ده كبير جدا وكله من شباب بدون مقابل

انا كنت عضو مجلس ادارة منتديات الدي فى الدى العربي لمدة قاربت من سنة بس لما لاقيت الوضع بالمنظر دة وان لا حياة لمن تنادي قررت انى مدخلوش تانى
وعايز اقولك انا ضيعت سنين من عمرى فى المنتدى دة بدون اي مقابل لاى حاجة كنت بعملها وكله فين راح فى ابو نكله

[abdulkhaleq]

انا كنت عضو مجلس ادارة منتديات الدي فى الدى العربي لمدة قاربت من سنة بس لما لاقيت الوضع بالمنظر دة وان لا حياة لمن تنادي قررت انى مدخلوش تانى
وعايز اقولك انا ضيعت سنين من عمرى فى المنتدى دة بدون اي مقابل لاى حاجة كنت بعملها وكله فين راح فى ابو نكله

انا كنت عضو قديم وافدت ناس واستفدت من ناس كتييييييير جدا
ومن فتره كنت مخزن شوية لينكات لمواضيع مهمه
لقيت ان الارشيف اتمسح تماما
كل ده لمصلحة تمبلر والحاجات دي

خساره والله

[الاستاذ]

هو مع عصر الفيس بوك وتويتر المنتديات بقت فى النازل
ومديرة الياهو بتقفل الخدمات الى مش جايبة همها
فى اتقفل بس الافضل كان اتباع

[S O P H O S]

دي سياسة منهم يعملوا يكده
وبصراحة خطوة سيئة جدا منهم
وخسرت ناس كتير

[Anaslbda]

يُقال ان في اعضاء قدرت تحمل نسخ ارشيفية كاملة للمواقع باستخدام برامج معيّنة, بس اعادة نشرها على النت هتعمل مشكلة قانونية مع ياهو لإن ده يعتبر ملك فكري ليهم او شئ من هذا القبيل,
حاجة سخيفة بجد.

[Anaslbda]

تحديث: نزلت نسخة ارشيفية من المسافرون العرب:

http://www.arabtravelersforum.com

الحمدلله الكنز لسا موجود