أنا حاسة أني سواق ميكروباص ...

[friendship7897]

بقالي فترة حاسة إني سواق ميكروباز

سلوكياتي وأداب وقواعد المرور تقريباً أتقتلت عندي

لظروف إنتقال مقر عملي من مدينة نصر إلى المقطم

فأصبحت أمر على منطقة بالمقطم تسمى منطقة السوق والمفارق.

هذه المنطقة يجتمع فيها تقريباً جميع السيارات الميكروباص والتكاتك ( ها التكاتك )

وهاتان الفئاتان لا يفقهان شئ عن آداب المرور أو الآداب أصلاً .

ففي هذه المنطقة أسمع جميع أنواع الكلاكسات في آن واحد وجميع الإتجاهات متاحة لهذه السيارات

ففي طريقك ترى توكتوك في الطريق المعاكس ويشوح لك ( أصحى يا نايم )

أو أتنين سواقيين ميكروباص بيتخنقوا علشان أولوية المرور ( مع العلم إن الأحقية ليست لأي منهما )

فأصبحت عند تخطي هذه المنطقة أدوس كلاكس وأشوح وأعمل غرز ومش بلتزم بالإشارات

وحاسة إني ناقصني سجارة في إيدي الشمال وورا ودني وشوية فلوس في إيدي اليمين علشان الأجرة ..

هم يبكي وهم يضحك ...

أنا مضايقة من نفسي ... بس لو مابقتش كدة مش هعرف أعدي ، وهأخد وقت أطول غير نظرات التزمر من مَن ليس معهم الحق .

الغريب إن هذه المنطقة يتواجد بها قسم شرطة المقطم !!!

[amr011111]

كلنا هذا الرجل
لان سواقين الميكروباصات والتكاتك معظمهم الا من رحم ربى عاوزين ضرب النار

[Mecha]

مفيش حاجه اسمها اداب المرور ,فيه قواعد المرور
المرور لا فن ولا اخلاق ولا جمايل ولا سماحة نفس
فيه قواعد اللي علي اساسها اخدت الرخصه
خالفت تتغرم ,تاني تتسحب الرخصه وبره الطريق
وكدا الطرق والبلد تنضف ,لما يعد من غير شغل ويجوع يسوق بعد كدا صح

[hugan]

عا رفها المنطقه اللي قدام القسم
سبحان الله كل سواقين الميكروباص والتوكتوك
متخرجين من نفس اﻻصلاحيه

[ahmedwagdy03]

كويس إنها جت على ميكروباص . أحيانا بتقلب مع الواحد على كارو

[friendship7897]

كلنا هذا الرجل
لان سواقين الميكروباصات والتكاتك معظمهم الا من رحم ربى عاوزين ضرب النار

ياااه - الحمد لله
كلنا هذا الرجل
كلنا هذا الرجل

[friendship7897]

مفيش حاجه اسمها اداب المرور ,فيه قواعد المرور
المرور لا فن ولا اخلاق ولا جمايل ولا سماحة نفس

تحت أي مسمى
ياريت الناس تتقي ربنا في عملهم
نفسي يفوقوا لنفسهم
علشان ربنا يستر عليهم وعلينا

[amr_8800]

مفيش حاجه اسمها اداب المرور ,فيه قواعد المرور
المرور لا فن ولا اخلاق ولا جمايل ولا سماحة نفس
فيه قواعد اللي علي اساسها اخدت الرخصه
خالفت تتغرم ,تاني تتسحب الرخصه وبره الطريق
وكدا الطرق والبلد تنضف ,لما يعد من غير شغل ويجوع يسوق بعد كدا صح

قواعد ايه بس يا فندم
في شوارع مصر المحروسه مفيش غير قاعده وحده بس (الي خايف يوسع)
بمعنى سواق الميكروباص بيبصلك وعنيه بتقلك خايف على عربيتك يا امور يبقا تسيبني اكسر عليك براحتي واقف في نص الشارع براحتي واطلع برضو فجأه براحتي ولو حاولت تعترض هيخبطك عادي جدا
ولو كان محترم اوي يعني هيقولك ايييييييه انتو اشتريتو الشارع
يا سيدي الفاضل دا انا كنت في الحرفيين امبارح المهم دخلت من جوه السلام عايز اقول لحضرتك كل الميكروباص هناك لا يحمل لوحات معدنيه اساسا
تقوم تقولي قواعد

احنا عياشين في سبهلله

[friendship7897]

عا رفها المنطقه اللي قدام القسم
سبحان الله كل سواقين الميكروباص والتوكتوك
متخرجين من نفس اﻻصلاحيه

أنت عارفها
وأنا عرفها
والشرطة عرفها
وسواقين الميكروباص والتكتوك نفسهم عرفنها
بس كلنا عاملين نفسنا مش عارفين حاجة

[friendship7897]

كويس إنها جت على ميكروباص . أحيانا بتقلب مع الواحد على كارو

كارووو
لا أنا متطورة أنا تكتوك ههههه

[friendship7897]

قواعد ايه بس يا فندم
في شوارع مصر المحروسه مفيش غير قاعده وحده بس (الي خايف يوسع)
بمعنى سواق الميكروباص بيبصلك وعنيه بتقلك خايف على عربيتك يا امور يبقا تسيبني اكسر عليك براحتي واقف في نص الشارع براحتي واطلع برضو فجأه براحتي ولو حاولت تعترض هيخبطك عادي جدا
ولو كان محترم اوي يعني هيقولك ايييييييه انتو اشتريتو الشارع
يا سيدي الفاضل دا انا كنت في الحرفيين امبارح المهم دخلت من جوه السلام عايز اقول لحضرتك كل الميكروباص هناك لا يحمل لوحات معدنيه اساسا
تقوم تقولي قواعد

احنا عياشين في سبهلله

والله أوجزت فأنجزت

[Mecha]

تحت أي مسمى
ياريت الناس تتقي ربنا في عملهم
نفسي يفوقوا لنفسهم
علشان ربنا يستر عليهم وعلينا

حضرتك نبطل الاعتماد علي المقاييس المعنويه زي التقوي والضمير
ونرجع للقواعد الامور هتتظبط ,بصي لسنغافوره وكوريا ودول الخليج شوفي المرور ازاي
مش عاوز اقولك عن صعوبة تطليع رخصة اساسا في بريطانيا ونيوزيلندا واوروبا عشان يتاكدوا هتسوق صح بنظام النقط
مش سواق مكروباص ولا نقل تتسحب رخصته في مصر يروح يطلع تصريح ويكمل كوارث وبالمره الاخ الاكتع ظبطوه سايق نقل

[Mecha]

قواعد ايه بس يا فندم
في شوارع مصر المحروسه مفيش غير قاعده وحده بس (الي خايف يوسع)
بمعنى سواق الميكروباص بيبصلك وعنيه بتقلك خايف على عربيتك يا امور يبقا تسيبني اكسر عليك براحتي واقف في نص الشارع براحتي واطلع برضو فجأه براحتي ولو حاولت تعترض هيخبطك عادي جدا
ولو كان محترم اوي يعني هيقولك ايييييييه انتو اشتريتو الشارع
يا سيدي الفاضل دا انا كنت في الحرفيين امبارح المهم دخلت من جوه السلام عايز اقول لحضرتك كل الميكروباص هناك لا يحمل لوحات معدنيه اساسا
تقوم تقولي قواعد

احنا عياشين في سبهلله

والله طالما بالخوف سيادتك ,كل واحد يجهز سلاحه اللي يخبط عربيتي زي مابتقول هالبو باللي معايا واجهز مطرقة ربع ادهمل بيها عربيته,خليها شريعة الغاب

[friendship7897]

حضرتك نبطل الاعتماد علي المقاييس المعنويه زي التقوي والضمير

واضح إنك ما سوقتش كتير في مصر
السواقة في مصر يا Mecha
لا يوجد إعتماد إلا على الدعوات
ربنا يسترها معاك في طريقك ( دي دعوة الأم )
والدعوة دي ملخص قواعد (وإن صح ) وأداب المرور
لأن بالدعوة دي ممكن تعدي من سواق لا يفقه شئ عن آداب المرور
وبالدعوة دي ممكن تعدى من عسكري مرور متظبط من سواق الميكروباص اللذي لا يفق شئ عن قواعد المرور .
وبالدعوة دي ممكن ما تأخدش غرامة مرور علشان حاطط زجاج فاميه مش مرخص .
وبالدعوة دي ممكن تعدي على مطب صناعي مش صناعي ولا طبيعي .
وبالدعوة دي ... ربنا يسترها معانا .
ممكن يكون إقامتك في بلد متطورة تخليك تقول علي الكومنت دا ( إيه العبط دا )
بس للأسف هي دي الحقيقة المرة .
نورت الموضوع
والموضوع أكيد نورك يا أ/ Mecha.

[A.Saad]

كنت مرة تايه
ونزلت جوة صفط اللبن
فسألت واحد على الطريق
بيوصف وقاللى الحتة دى تشميها عكسى
قالت له لازم عكسى
قاللى يا بيه عادى
انت فى صفط

ده وجهة النظر للبعض