مشروع مركز تدريب

[egyboy]

السلام عليكم

حد عنده خبرة او عمل مشروع زى ده

مركز تدريب كورسات هيتكلف رأس مال كام

يعنى مركز متوسط

شقة كبيرة + 2 بروجيكتور مثلا + اجهزة كمبيوتر فى لاب واحد حتى

و2 لاب تانيين من غير اجهزة

الكراسى والسبورة والذى منه

تفتكروا الدنيا توصل لكام وايه احسن مكان فى القاهرة للمشورع ده وايه المطلوب تانى

[هيثم مجدي]

عليكم السلام
كان ليا صديق فكر في مشروع زي دا, كان الاجهزة 2 بروجيكتور و 4 كمبيوتر وارد الخارج مش تجميع محلي. و شاشتين سامسونج كبار و 3 سبورة و حوالي 50 كرسي. و مكتب وصالون استقبال. كان بيتكلم في حدود 50 الف جنيه.

لازم تحدد انت هتقدم للناس كورسات ايه و على حسب المنطقة اللي هتفتح فيها. الايجارات هتبقى في حدود 5000 في الشهر في المتوسط لو في القاهرة. لانك هتبقى عاوز شارع رئيسي لو منطقة شعبية, و شارع جانبي من رئيسي لو منطقة راقية, عشان عنوانك يبقى سهل وتقدر تسوق في اماكن محيطة كتير و كمان المكان يبقى كويس بالنسبة للي هيروحوا متأخر ويبقى قريب من المواصلات.

طبعا لازم تعرف التراخيص و النقط القانونية كويس و تهتم بيها. و لازم يكون المكان اللي هتأجر فيه ليك علاقات كويسة مع جيرانك لان ممكن في ثانية بعد لما تبدأ تشتغل تلاقي جار غلس يقفلهولك لانه عامله ازعاج او واحد من اللي بيوا الكورس عندك يعاكس بنت او اي حاجة من الحاجات دي. فلازم برضه تبقى دارس النقط دي و تعرف ازاي تتخطاها.

المشروع له مردود كويس بس له شوية عقبات هتقابلك دا طبيعي لاي مشروع, و لو انت عندك نفس طويل و تخطيط كويس ان شاء الله ينجح معاك. ربنا يوفقك ولو افتكرت اي حاجة تاني هقولهالك.

[egyboy]

جزاك الله خيرا على النصائح القيمة