رجالة الجيم

[M!SHO]

السلام عليكم

دلوقتي عايز اعمل جيم عندي في البيت

جيم بسيط خالص لياقه مش اكتر ، ومعرفش ايه المطلوب

ياريت حد يعرفني اجيب ايه ومنين ؟

[J A G U A R]

عليكم السلام

هاتجيب 2 او 3 دامبلز اوزان مختلفه وبار واوزان من عند التوحيد والنور وتلعب سويدى
بس لو هاتجيب الحاجات دى اعمل حسابك متكسلش

[abdulkhaleq]

1- المكان قد ايه
2- الميزانيه قد ايه
3- يعني ايه جيم لياقه ؟؟

[الاسد المهاجر]

الافضل تروح جيم شهر بحيث تعرف تمارين وتعرف الاوزان لي هتقدر تتمرن بيها عشان تجيبها
هتحتاج بار. طارات
هتحتاج دمبلزين يكون بيتركب فيهم طارات

[M!SHO]

1- المكان قد ايه

المكان مش كبير اوي يعني 3 * 3 مثلاً

2- الميزانيه قد ايه

الميزانيه مفتوحه عادي

3- يعني ايه جيم لياقه ؟؟

المقصود انه يبقى بسيط خالص ، يعني بلاش الاجهزه الكبيره والكتير

[M!SHO]

الافضل تروح جيم شهر بحيث تعرف تمارين وتعرف الاوزان لي هتقدر تتمرن بيها عشان تجيبها
هتحتاج بار. طارات
هتحتاج دمبلزين يكون بيتركب فيهم طارات

انا نزلت الجيم قبل كده كتير بس للأسف مكنتش بستمر لأسباب كتيره منها المكان مكانش مشجع وزحمه وعرق ( روحت اكتر من مكان )

ده عيب الاقاليم ، فيه جيم واحد كويس بس اشتراكه معدي ال 2000 جنيه في الشهر للأسف

+ ان ظروفي متسمحش انزل جيم دلوقتي لأني مش مستقر في مكان واحد

[Secret-Man]

هاتلك حاجه زى كده هتعمل معاك اكتر من 15 تمرين بمختلف العضله نفسها

Home Gym Equipment in Santa Rosa CA | Exercise Equipment Warehouse

[abdulkhaleq]

يبقى فعلا افضل شئ جهاز زي اللي الاخ حطلك صورته
ولو حابب دمبل مثلا من اللي بيتغير اوزانها

[M!SHO]

انا عندي عجله ومشايه وكام جهاز قدام كده معرفش بتوع ايه محدش بيستخدمهم خالص

من فتره سألت واحد صاحبي وقالي هات دكة بنش تقريباً وبارات وطارات اوزان و دامبلز وكده وعقله وشوية حاجات كده

فانا عايز اعرف اجيب ايه بالظبط عشان مجبش حاجه وتتطلع ملهاش لازمه ؟

[الاسد المهاجر]

شوف لما كنت بتروح الجيم بتستعمل اوزان كام يعني مثلا دامبلز من ٥ ل٥٠ ك وهاتهم في البيت دامبلز يكون بيتركبله اوزان والبار نفس النظام ودكه بنش تكون عالي وواطي وعيش حياتك

[الاستاذ]

لياقة
* مشاية + سويدى

عضلات
*
جيم

[lolnk]

باشا فكك من الجيم خالص واتبع البرنامج ده اسمه
you are your own gym

البرنامج ده لو مشيت عليه صباح اللياقة والعضلات مع بعض لان الجيم مش هيدلك لياقة هيدلك عضلات فقط

البرنامج تقدر تنزل على الموبايل وهو بفلوس وابحث على النت هتجيبه ببلاش ولو مش لاقيته قولى وانا ارفعهولك

[miceg]

بعد حالات من الشغف من كام شهر
إشتريت مشاية ودكة بنش بها رجل كمان وباي بس مش بستخدمها غير كترابيزه بنش
وشوية طارات وبار مستوي وزجزاج وشوية دامبلز فك وتركيب وجاهزين
لعبت بيهم كام مرة وكنت مبسوط بنفسي أووي اني بجتهد فالتمرين
ومش بكل ومافيش حد بيجي فوق دماغك عشان يستخدم حاجتك
إنما يتبقا إلاصرار
وبكده أقدر أقولك هتركنهم زي مانا عامل ويادوب هيشغلو مساحة من المكان ومش هتعمل بيهم حاجة
ميزة الجيم هو الدافع المعنوى وإلاحساس انك مش لوحدك
بتشوف أجسام غربية وعجيبه وبيعمل قوة إيجابية إنك تكون زي الناس دي
غير كده بتحاول تحلل الفلوس اللي دفعتها وبتلتزم نوعا ما
انا بعد مانزلت الجيم شهرين متواصل واشتريت ألاجهزة وبقيت اتمرن فالبيت
بحن مرة تانية انزل الجيم بس الموضوع مسألة إن مافيش وقت

[M!SHO]

ده اللي انا خايف منه فعلاً

حماس البدايه وبعد كده انام في الخط