حد ليه تجارب مع غساله اوتوماتيك واينت بوينت ؟

[Karim_Monir]

السلام عليكم
في اعضاء كتير جدا ليهم تجارب كويسه و سيئه مع وكيل واينت بوينت
بس المواضيع كلها قديمه ويمكن تكون الشركه اتغيرت معاملتها
هل في تجارب حديثه لشراء غساله اوتوماتيك من وايت بوينت
الغساله حجم صغير 5 كيلو لاسره من فردين بيغسلو مره او اتنين بالكتير قوي في الاسبوع
شكرا ليكم

[new_man]

مسمعتش حد شكر فيها خالص على النت
انا جبت lg وشفت كله بيشكر فيها جدا وعامله اعلى مبيعات وخصوصا موتور direct drive
ولو حاجه ارخص فى الاندست محترمه جدا وهى هى نفس مصنع اريستون ووكيلها بى تك واسعارها ارخص

[hamahomo]

انا جايب وايت بوينت من سنتين 6ك ايطالي وماشا الله كويسة

[Karim_Monir]

انا بدور علي واحده صغيره ورخيصه لاستخدام محدود جدا فعلا مره في الاسبوع او اقل ومش عايز اجيب حاجه غاليه عالفاضي

[وليد مسلم]

واينت بوينت شركة محترمه جدااا
انا عندى ليها غلاية مياه وحلوه قوى
ومؤخرا اشتريت تكييف ليهم برضه حلو
اما موضوع الغساله فما جربتش
لكن حسب معرفتى ان سامسونج ممتازه فى الغسالات الاوتوماتيك
وانا عندى زانوسى بضمان العبد ممتازه جدااا برضه

[major123]

وممكن ايديال زانوسي الجديدة اسعارها كويسة موجود منها 5 كيلو .
وعمله عروض حالياً على الغسالات

[khaledazizeg]

انا عندى وايت بوينت اول اما بدأت معاهم جبت غساله 6 كيلو من 6 سنين ايام جوازى ايطالى وبسم الله ماشاء الله ممتازة وبعد كده لما لاقيت توكيل العبد محترم جبت بوتجاز من عندهم وبعد كده غساله تانيه بس الى هيا بابها من فوق وبجد توكيل قمه فى الاحترام وجبت ميكرويف من عندهم برده وخدمه عملا ممتازة ولما بيكون فى مشكله لو ماجوش انهارده بييجو تانى يوم انا جبت مكنسه من رايه نوع سامسونج وقالب الدنيا على توكيل وخدمه عملا زى الزفت عشان فيها مشكله

[ahmedfor3]

اتوكل على الله يا باشا عندى بقالها 5 سنين حمارة شغل لحد دلوقتى متعملهاش صيانه