شارع ترسا ولا السلاب ?????

[midoabdeen]

السلام عليكم ورحمة الله وبركاته

للناس اللي تعرف شارع ترسا في الهرم
هو احسن من السلاب بعد الخصومات اللي عاملها الفتره دى
يا عني لاقيت في السلاب المتر يبدأ من 45 ج فرز أول
و البورسلين الصيني ب 80ج
وكمان هل البورسلين الصيني عملي ولا اي كلام للناس اللي جربته

[midoabdeen]

127 مشاهده ومافيش ولا رد واحد

[mk3]

متابع جدا
واى فرع السلاب اللى عامل خصومات ؟
ولو عندك صنايعى شاطر ومجربينه قبل كده باصى

[M!SHO]

بلاش البورسلين الصيني

مجربه مرتين لغاية دلوقتي وللأسف وحش جداً ( بتاع السلاب وبتاع السوق )

انا نازل الاسبوع ده اشتري بس بدور على مكان يكون سعره كويس لاني هجيب اكتر من 400 متر

بفكر في البورسلين اجيب كيلوباترا بس خايف منه ، سمعته مبقتش زي زمان

انا سمعت ان فيه رويال في البورسلين ، اخباره ايه لو حد يعرف ؟

وكمان السيراميك ال 50*50 قطع ليزر يبقى احسن ولا البورسلين ؟

[amr011111]

انت عندك فى مصر السلاب ومحجوب ودول معارض ليهم ميزه انك هتروح مكان واحد هتلاقى فيه كل متطلباتك وعنده النقل لكل الأماكن مقابل تقريباً مبلغ بسيط

وعندك اسواق تانيه زى سوق المهاجرين فى عين شمس والفجاله وشارع ترسا وسوق السيده عائشه وده بلاش منه
بالنسبه لبقية الاسواق فيها انواع كتير برضه من السيراميك

فانت روح السلاب وشوف سيراميك كليوباترا الفرز الاول بيعمل كام بعد الخصم وروح ترسا شوف بلاطه مقاربه للى شوفتها وشوف سعرها كام ولو كان السعر فى السلاب اعلى جنيه ولا اتنين يبقى هات من السلاب افضل لان السلاب عنده ميزه كويسه
وهى انك لو احتاجت تكمل سيراميك تانى بتروح يديك من نفس الباتش
انما الاسواق التانيه هيديك سيراميك من نفس الرقم بس مش من نفس الباتش
وبالتوفيق

[fepsceasar]

فى واحد معرفة فاتح معرض فى مدينة نصر بس بيشحن فى اى حتة لو عاوز التليفون والعنوان ممكن ادهولك على الخاص

[A.Saad]

بلاش البورسلين الصيني

مجربه مرتين لغاية دلوقتي وللأسف وحش جداً ( بتاع السلاب وبتاع السوق )

انا نازل الاسبوع ده اشتري بس بدور على مكان يكون سعره كويس لاني هجيب اكتر من 400 متر

بفكر في البورسلين اجيب كيلوباترا بس خايف منه ، سمعته مبقتش زي زمان

انا سمعت ان فيه رويال في البورسلين ، اخباره ايه لو حد يعرف ؟

وكمان السيراميك ال 50*50 قطع ليزر يبقى احسن ولا البورسلين ؟

المحجوب
بورسلين راك
دى شركة اماراتى
ولو عجبك تدعيلى

[wallace]

السلاب الاول ثم ترسا
والسلاب بيشحن لحد البيت داخل القاهرة واسعارة معقولة وفرقها بسيط عن ترسا لنفس نوع السيراميك

[HeMa_LanCeR]

احسن حاجة تعمل زي انا ما عملت
انزل السلاب اتفرج ونقي اللي يعجبك
وبعد ما تستقر علي موديل خد الرقم بتاعة
وطبعا هتبقي عرفت السعر
انزل بعدها علي ترسا بقي واسأل علي الموديل علي طول وسعره كام :)
واللي يعجبك اشترية
انا كنت شاري متر سيراميك الحمام عندي ب 23 حوائط و 24 ارضيات
دخل بعدها بيومين محجوب لقيتها ب 75 ارضيات وحوائط :)
والاتنين فرز اول واستلمت من ترسا بلاطة بلاطة :)

[amr011111]

احسن حاجة تعمل زي انا ما عملت
انزل السلاب اتفرج ونقي اللي يعجبك
وبعد ما تستقر علي موديل خد الرقم بتاعة
وطبعا هتبقي عرفت السعر
انزل بعدها علي ترسا بقي واسأل علي الموديل علي طول وسعره كام :)
واللي يعجبك اشترية
انا كنت شاري متر سيراميك الحمام عندي ب 23 حوائط و 24 ارضيات
دخل بعدها بيومين محجوب لقيتها ب 75 ارضيات وحوائط :)
والاتنين فرز اول واستلمت من ترسا بلاطة بلاطة :)

اصلا السلاب رقم البلاطه عنده بكود تانى خالص علشان الناس متدخلش تتفرج عنده وتاخد الرقم وتطلع تشترى من بره

[HeMa_LanCeR]

اصلا السلاب رقم البلاطه عنده بكود تانى خالص علشان الناس متدخلش تتفرج عنده وتاخد الرقم وتطلع تشترى من بره

انا في سيراميك الشقة كلة عملت كده
اخدت الارقام بتاعة الموديل ونزلت سألت عليها في ترسا واشتريت

[egytamer]

انا لسة شايف بورسلين ماجيستيك باين علية كويس المتر كان ب 95 وبعد الخصم بقي 65 60*60 قطع ليزر ياريت لو حد جربو يفيدنا
كمان لقيت سيراميكا اسمها الفا عندها مطابخ وحمامات حلوين جدا وب 55 جنية.

[amr011111]

انا في سيراميك الشقة كلة عملت كده
اخدت الارقام بتاعة الموديل ونزلت سألت عليها في ترسا واشتريت

كده تمام وحتى الواحد يتفرج فى مكان واحد وبعد كده ينزل علطول يختار من ترسا اللى هوه عاوزه

[M!SHO]

المحجوب
بورسلين راك
دى شركة اماراتى
ولو عجبك تدعيلى

المحجوب ده اللي في مكرم ؟

حضرتك مجربه يا استاذ أحمد ؟

[M!SHO]

انا لسة شايف بورسلين ماجيستيك باين علية كويس المتر كان ب 95 وبعد الخصم بقي 65 60*60 قطع ليزر ياريت لو حد جربو يفيدنا
كمان لقيت سيراميكا اسمها الفا عندها مطابخ وحمامات حلوين جدا وب 55 جنية.

ماجيستك ده مصري وسعره 65 جنيه من السنه اللي فاتت ، خوفت منه بصراحه

الفا عاملها عندي في الحمام ، الصنايعي اللي ركب بيقولي وحشه ، وقالي كيلوباترا احسن منها