مهزلة حجز الدروس الخصوصية

[YahiaAshraf]

السلام عليكم

دى صور النهارده لحجز دروس خصوصية ( 3 ثانوى )عند مدرس فيزياء مشهور بالاسكندريه عندنا والمنظر اللى انتوا هتشوفوه ده وقت لما قالو انهم قفلوا الحجز وهيتفتح بعد شهر















وعلى فكرة الطلبة دول لسه فى ثانية ثانوى يعنى المفروض هيبتدوا الدروس لسه من شهر 7 القادم ومع ذلك شوفوا بالقتل والموت

انا حاليا فى جامعة ولكن من خلال تجربتى سابقا لانى كنت مع نفس المدرس ده
مفيش حاجة اسمها مدرس كويس ووحش فيه طالب بيذاكر وبيفهم لانى اعرف اصحاب ليا كانوا بياخدوا مع مدرسين مش مشهورين خالص وجابوا درجات اعلى منى


للاسف احنا اللى عملنا فى المدرسين كده

[canner]

عمر الثانوية العامة ما كانت بالمدرسين زى ما انت ما قولت بالمذاكرة

[Bassem Youssef]

ده ايه ده حضرتك؟ هما بيوزعوا لحمه سوداني جوه؟

طبعا لما مدرس يبقي عليه طلب بالمنظر ده حقه يتنك علي الطلبه و اهاليهم

مع انه عايش علي فلوسهم و هو اللي محتاجهم

[Amr.Fathy]

بس بدرى اوى كده انا كنت ببتدى بحجز على شهر 5

[YahiaAshraf]

رد فعل لواحد كان رايح يحجز النهارده

[speed_magnum]

ما شاء الله دي مدرسه مش درس

[Omar Mahmoud]

و كمان بيتنكوا بفلوس الطلبة
إيه القرف ده

[J A G U A R]

فى مدرسين كتير نفس الحكايه كده وهتلاقى لكل ماده مدرس وعليه زحمه بالمنظر ده
بس الصراحه بيكونو افضل من غيرهم كتير وخصوصا للطالب المتفوق

[graffittiii]

هو إنتو جبتو منين معلومة إن هو بيتنك علي الطلبة ؟!!!!!!!!

[al_manara]

انت بتهزر

صح !

[طارق _عبد السلام]

يعنى هو فى الدرس بيشرح ماده جديده عن الماده الموجوده فى المدرسه ؟! اكيد لا

يبقى مفيش ضمير ... ولو فرضنا حجه كل مدرس انه بيقولك انا بشرح ل40 طالب فى المدرسه فمش بيستوعبوا شرحى

يبقى كلام فارغ المدرس الموجود فى الموضوع ده بيشرح لمدرسها بحالها مش لدرس

محتاجين اختراع قديم جدا بس انقرض وهو الضمير

[tkamal]

ان شاء الله بالونه وهتنفجر فى وش كل اصحابها
الحكومه لو عندها جديه فى انها المهزله دى كانت عملت دروس فيديو لكل المواد على اليوتيوب
وتوسعت فى الدراسه الالكترونيه للمناهج لكن بلد عقيمه ومتحجره عن فكر الستينات

مش عايزين يزعلوا حد كفايه الى زعلانين منهم

[Elawany13]

يعنى هو فى الدرس بيشرح ماده جديده عن الماده الموجوده فى المدرسه ؟! اكيد لا

يبقى مفيش ضمير ... ولو فرضنا حجه كل مدرس انه بيقولك انا بشرح ل40 طالب فى المدرسه فمش بيستوعبوا شرحى

يبقى كلام فارغ المدرس الموجود فى الموضوع ده بيشرح لمدرسها بحالها مش لدرس

محتاجين اختراع قديم جدا بس انقرض وهو الضمير

الضمير محتاجينه عند كل فرد من أفراد اتلشعب المصرى العظيم

الطالب معندهوش ضمير ومقضيها دروس وخلاص وياريته بيهتم وبيحضر وبيذاكر ويعمل اللى عليه بالعكس العيال قاعدين على الكافيهات والقهاوى والبلاى ستيشن

ولى الأمر معندهوش ضمير بيدفع فلوس وفاكر انه كده تمام وسايب ابنه مع اصدقاء السوء ومش بيتابعه أو بمعنى اصح الواد عياره فالت ومش قادر عليه

المدرس معندهوش ضمير وكل همه شغله فى الدروس وحتى اللى عنده ضمير وعايز يشتغل الطلبه مش بتديه فرصه ومش بيهتمو بالشرح لإنه بياخد درس خصوصى عند احسن مدرس فى الدنيا من وجهة نظره

ما سبق بينطبق على بعض الناس مش كلهم لإن التعميم غلط

[mesaharaty]

[S O P H O S]

ليه كل ده !!
بس انت وصفت كل شئ بالجملة الاخيرة بصراحة
الاساس الطالب مش المدرس