بنتي اكلت بسكويت منتهي الصلاحية

[إنسانة]

النهردة كنا برا البيت و فيه بسكويت مالح في شنطتي وبنتي اخدته واكلته وبعد مارجعنا اخدت بالي انه منتهي من 6 ايام
هي نايمة حاليا ومشتكتش من حاجة اكلته الساعة 4 تقريبا

انا دقته لقيت طعمه عادي بس خايفة يعملها تسمم ولا حاجة في الليل

هل اوديها المستشفى ولا انتظر ظهور اي اعراض ولا اعمل ايه ولو وديتها هيعملوا معاها ايه

اللي حصله موقف زي كدا او لو دكتور ياريت يقولي

[Electronics 20]

ولا يحصل اى حاجة باذن الله دا الملح دا لوحده حماية

[mmolazem]

ولا يحصل اى حاجة باذن الله دا الملح دا لوحده حماية

+1

[speed_magnum]

اللي تخاف منه المعلبات المنتهية الصلاحيه .. لكن بسكوت وبالملح يبقى ما تقلقش

[أحمد كمال]

6 ايام مش كارثة لان اي منتج بيبقى معمول حساب الصلاحية قبل الانتهاء الفعلي بفترة

[ENG.MaRk]

حضرتك أنا ابني الصغير لقيته داخل عليّ بعلبة تودو شيكولاتة منتهي الصلاحية من شهر و أكلتها أنا و هو و أخوه الكبير و ماحصلش حاجة ... ماتقلقيش من حاجة خالص إن شاء الله خير :) ... الحلجات ديه بيبقي معمول حسابها في صلاحية زيادة و مادام هو كان مقفول و ماتعرضش لهواء يبقي كله تمام

[nagy wassef]

حضرتك أنا ابني الصغير لقيته داخل عليّ بعلبة تودو شيكولاتة منتهي الصلاحية من شهر و أكلتها أنا و هو و أخوه الكبير و ماحصلش حاجة ... ماتقلقيش من حاجة خالص إن شاء الله خير :) ... الحلجات ديه بيبقي معمول حسابها في صلاحية زيادة و مادام هو كان مقفول و ماتعرضش لهواء يبقي كله تمام

بالهنا و الشفا :)

[ENG.MaRk]

بالهنا و الشفا :)

ربنا يخليك :)

[Bassem Youssef]

ده احلي بسكويت مملح يتاكل و صلاحيته منتهيه :d

لا تقلقي بنت حضرتك بخير مش هيحصل حاجه ان شاء الله

[S O P H O S]

ان شاء الله ميحصلش شئ

[إنسانة]

الحمدلله البنت صحيت من شوية و كويسة جدا وفطرت و بتلعب ومفيش اي سخونة او الم في البطن
وعايزة بسكويت تاني ههههههههههه
افتكر الفترة دي كافية لو اي حاجة كانت بانت , الحمدلله عدت على خير وربنا ستر
ربنا يخلي لكم ابنائكم يارب

[ahmedwagdy03]

و لا أى حاجة . أنا شخصيا أكلت زمان بسكويت منتهى الصلاحية كنت ناسيه فى المكتب و بعد ما أكلت إكتشفت إن صلاحيته عدى عليها 7 شهور .و كان طعمه عادى و خفت لأتعود .

هاتى كرتونة منتهية الصلاحية و أنا أكلها كلها . الجوع يعمل أكتر من كدة

[JAM]

أغلبية المنتجات بتكون صالحة للإستهلاك بعد انتهاء صلاحيتها المدون على العبوة ب 3 شهور

[A_H_M_A_D]

موضوع انتهاء الصلاحية ده مابيبقاش محسوب باليوم للدرجادي , الصلاحية بتعتمد على عوامل كتير منها ظروف التخزين يعني مش في الشمس المباشرة مثلا ولا في مكان فيه رطوبه و درجة حرارة عالية

عشان كده لو ظروف التخزين كويسه ممكن الحاجه تبقى صالحة لفترة طويلة بعد التاريخ اللي مكتوب لانتهاء صلاحيتها و متعملش اي مشاكل خالص

[S O P H O S]

الحمد الله ربنا يحفظها لحضرتك
بس بلاش بسكوت تاني يكون زي كده
انا بعمل كده اي شئ بشتريه اول شئ ببص علي الصلاحية