موضوع للمناقشة: هل تبهرنا سامسونج فعلاً بمزايا حقيقية ؟

[mastr_n]

[

لو اللي بيشتري آيفون مش بيفهم فيه مكنش اشتراه لكن واقعيا أكتر الناس اللي بتهاجم آيفون بتهاجمه علشان هما اللي مش فاهمين فيه من باب من جهل شيئا عاداه
اللي بيشتري الآيفون عارف كويس جدا إنه بيشتري فخامة وسلاسة ومتانة وسرعة من شركة محترمة مش كل يوم بتنزل جهاز وبتشتغل الناس بمواصفات وإمكانيات ملهاش أي تلاتين لازمة والموبايل ميلحقش يكمل شهر وتلاقي نسخة جديدة نزلت منه !!
مش بقول سامسونج كلها وحشة ولا الأندرويد لا يقارن بالios ولكن احنا بنتكلم عن شركة بتقدملك مميزات حقيقية واقعية هتستخدمها وهتفيدك مش عروض وهمية أو إمكانيات ملهاش لازمة ولكن من باب تعداد المميزات وخلاص زي اللي رايح يشتري سوني علشان ضد المية !! وأكاد أجزم إن 90% من اللي اشتروه يا إما خافوا يجربوا يحطوه في المية يا إما مجتش مناسبة يحطوه في مية أصلا ! بيشتري حاجة علشان ميزة تقريبا ممكن يشتري الجهاز ويبيعه من غير ما يستخدمها مرة واحدة



هوة انا قولت كل الناس انا قولت معظمهم وبردة مش دفاعا عن النوت والهرى اللى فى المقال دة هاقولك بص على الريفيوهات اللى على اليوتيوب بس الريفيوهات المحترمة وهاتشوف ان النوت 4 طفرة وانت بردة ماجربتوش فمش هاتحكم علية
انا بردة مش حابب اشترى جهاز نظامة عقيم من وجهة نظرى المتواضعة بغض النظر عن الخامة والبراند

[Merooxx]

ولعتها انتا ياابو اسر وهرب:-)

[swimmer25]

العضو M7amD_7amDy قال كلام زي الفل وأحب أضيف عليه الأتي
الفرق الوحيد اللي مفتقده في سامسونج هو عدم ثبات نظامه وتهنيج أجهزته في حين الأبل بيستجيب لمدخلات المستخدم بسرعة وده عن تجربتي في إستخدام s2 و s3 فقط ومجربتش النوت ولا s5
تاني حاجة المقال إتكلم عن ميزتين وحيدتين للأيفون وهم ال icloud و iMessage
وقعد يعد في مزيايا السامسونج الغير مستخدمة وده بغض النظر عن إن الميزات دي مش مستخدمة ومش هتقدر أصلا تعملها إحصائية ومنهم smart stay المستخدم بقوة عكس ما المقال بيقول
شوف بقى:
1- ذاكرة خارجية
2- بلوتوث شغال مع أي بلوتوث عكس الأيفون
3- شاشات حجم أكبر ودي ميزة مهمة جدا لأن أساسا الأجهزة الذكية إستخدامها للتصفح وميلات وغيرهم ودول بيحتاجوا شاشات أكبر (طبعا سامسونج سابقة)
4- جودة ودقة ونقاء الشاشة اللي أبل مش عارفة تجيبه
5- جودة وقوة كاميرات سامسونج الأمامية والخلفية عكس الأيفون العقيم
6- البطارية والشحن
7- السوق المفتوح اللي بيتيح للمطورين إنهم يشتغلوا براحتهم
8- القلم في النوتات
9- NFC لسه أبل منزلاه في أخر ايفون فقط وهو أصلا بقاله سنتين في السامسونج
مش فاكر غير كدا دلوقتي

[Elawany13]

ولو قارنت بين الموبايل البدائى لنوكيا ابو كشاف الرخيص والموبايل الذكى
هتلاقى المقارنة لصالح ابو كشاف من حيث جودة الشبكة والصوت وقلة المشاكل والتهنيج وسهولة التعامل وعمر البطارية
لإن معظم استخدام الموبايلات سواء ذكية أو غبيه هى اجراء المكالمات الهاتفيه
واللى شايل موبايل ذكى مش بيستفاد منه بالدرجة الكافيه بصفة عامة

[Imhotep]

أنأ هتكلم من ناحية تانية على الشركتين
سامسونج تواجه ازمة حقيقية حاليا هى نفس الازمة اللى عانتها نوكيا قبل ان تقتنص منها سامسونج رقم واحد على العالم
المشكلة هى التشبع فى المبيعات لتعدد الموديلات الكتير و ايضا ندرة الطفرة فى الابتكار لان كل موديل جديد لا يمثل نقلة نوعية عما سبقه
المشكلة دى ادت لتراجع ارباح سامسونج 30% اخر ربع سنة و مؤخرا عملوا تنقلات قى مستويات الادارة العليا لتغيير الفكر على مستويات الشركة الادارية العليا

الوضع حاليا ان خلاص الفوران بتاع الشاشات و البروسيسورز و الرامات و الكلام ده جابت اخرها لدرجة ان احدث موديلات 2014 وصلت حجم شاشاتها الى 6 بوصة كاملة يعنى خلاص الفجوة بين التابليت و التليفون العادى اتملت خلاص و مبقاش فى مجال للنمو

الوضع ده زود ازمة ساسمونج و خلاها بعد 5 سنين من استحواذها على موقع نمرة واحد فى العالم من نوكيا. . . خلاها حاليا فى نفس موقع نوكيا سابقا امام كذا تنين صينى صاعد اهمهم هواوى و لينوفو و القادم من الخلف بقوة و اللى منعرفش عنه حاجة هنا فى مصر و هى شركة اسمها شاومى xiaomi و هى تحتل حاليا المرتبة التالتة فى مصنعى اجهزة الموبايل فى العالم.. . . و زى ما نوكيا تحولت الى ديناصور منقرض امام الثورة اللى عملها الايفون بأستخدامه لشاشات التاتش فى 2007 و ثورة نظم التشغيل اللى عملها اندرويد بدءا من 2009 و استغلت سامسونج الاتنين عشان تطير و تسرق الموقع رقم واحد من نوكيا فى قائمة مصنعى المحمول فى العالم. . . ها هى تواجه نفس المشكلة مع من جاء ليهزمها فى نفس لعبتها النى تجيدها. . . و هنشوف الصراع ده هيوصل لفين

ابل بقى دى قصة تانية . . . منتجها طول عمره المنتج اللى بيسموها niche product . . . يعنى منتج له مواصفات معينة و له هواة من فئة معينة. . . لكن منتجات ابل عمرها ما كانت مصممة انها تكون منتجات mainstream او منتجات يحملها كل الناس و تتنوع موديلاتها و امكانياتها لتناسب كل فئات المشترين. . . لذلك فالمقارنة بين ابل و سامسونج يجب تحديدها بالمنتجات ال high end فقط . . . و فى الفئة دى بالتحديد الشركتين عندهم ازمة. . . سامسونج ازمتها التشبع و عدم وجود طفرات فى الابتكار. . . و ابل مشكلتها عدم التنوع و ايضا الشح فى طفرات التطوير و ايضا كان هيفوتها قطر الشاشات الكبيرة و يأثر على مبيعاتها تأثير كبير لولا انهم لحقوا نفسهم اخيرا جدا بال 6 بلس بعد ما ادركوا انهم مش هيقدروا يمشوا مزاج المستهلكين على مزاجهم هم و الذى اصبح يفضل الشاشات الكبيرة

[Moustafa_Kamel]

هو من ناحيه الماتريال و الشياكه اي فون يكسب بس فيه عيب مقرف خلاني ابعد عنه مع اني معايا ماك بوك و العيب ده هو ضعف استقبال الواي فاي عن اي سامسونج .
و اوعوا تفتكروا ان الابل منتج عالي الجوده للدرجه
الماك بوك سواء البرو او الاير فيهم عيوب صناعه رههيبه و عن تجربه دا بجانب ضعف استقبال الواي فاي ايضا

[أبو آسر]

ولعتها انتا ياابو اسر وهرب:-)

يعني الواحد ميعرفش ينام شوية يعني :)

العضو M7amD_7amDy قال كلام زي الفل وأحب أضيف عليه الأتي
الفرق الوحيد اللي مفتقده في سامسونج هو عدم ثبات نظامه وتهنيج أجهزته في حين الأبل بيستجيب لمدخلات المستخدم بسرعة وده عن تجربتي في إستخدام s2 و s3 فقط ومجربتش النوت ولا s5
تاني حاجة المقال إتكلم عن ميزتين وحيدتين للأيفون وهم ال icloud و iMessage
وقعد يعد في مزيايا السامسونج الغير مستخدمة وده بغض النظر عن إن الميزات دي مش مستخدمة ومش هتقدر أصلا تعملها إحصائية ومنهم smart stay المستخدم بقوة عكس ما المقال بيقول
شوف بقى:
1- ذاكرة خارجية
2- بلوتوث شغال مع أي بلوتوث عكس الأيفون
3- شاشات حجم أكبر ودي ميزة مهمة جدا لأن أساسا الأجهزة الذكية إستخدامها للتصفح وميلات وغيرهم ودول بيحتاجوا شاشات أكبر (طبعا سامسونج سابقة)
4- جودة ودقة ونقاء الشاشة اللي أبل مش عارفة تجيبه
5- جودة وقوة كاميرات سامسونج الأمامية والخلفية عكس الأيفون العقيم
6- البطارية والشحن
7- السوق المفتوح اللي بيتيح للمطورين إنهم يشتغلوا براحتهم
8- القلم في النوتات
9- NFC لسه أبل منزلاه في أخر ايفون فقط وهو أصلا بقاله سنتين في السامسونج
مش فاكر غير كدا دلوقتي

هرد على حضرتك نقطة نقطة:
1- ذاكرة خارجية:
أنا معاك إنها عيب في أبل بس أنا واحد من الناس لما أشتري آيفون بذاكرة داخلية 64 جيجا أعتقد إنها مش هتخليني أحتاج أفكر مجرد تفكير في بطاقة خارجية بس برده كان لازم على أبل تنزل الآيفون 6 أقل مساحة 32 جيجا مش 16 لأن السيستم الجديد مساحته كبيرة وال16 جيجا مش هتكفي خاصة في ظل عدم وجود إمكانية لإضافة كروت ذاكرة خارجية فدي نقطة مش في صالح أبل
2- بلوتوث شغال مع أي بلوتوث عكس الأيفون:
البلوتوث برده بيرجع لسياسة أبل في الحفاظ على الخصوصية والأمان يعني مش هينفع تخلي أجهزتها عرضة لنقل ومشاركة الفيروسات من كل مكان ومن أي جهاز وأي نظام وتفتحه على البحري ، لكن طبعا هي وفرت بديل ليه خاص بأجهزة أبل وهو AirDrop والبلوتوث موجود برده في أجهزتها بس عشان عملية الاقتران مع السماعات وما شابه لكن مش عشان مشاركة الملفات
3- شاشات حجم أكبر ودي ميزة مهمة جدا لأن أساسا الأجهزة الذكية إستخدامها للتصفح وميلات وغيرهم ودول بيحتاجوا شاشات أكبر (طبعا سامسونج سابقة):
موضوع الشاشات الكبيرة مش اختراع علشان تبقى ميزة لسامسونج عن أبل ! كل ما هنالك إن أبل اتأخرت شوية في الخطوة دي لكن في النهاية عملتها
مع العلم إن سامسونج مش أول شركة تعمل موبايل بشاشة كبيرة ! لو هنبقى منصفين يبقى سامسونج بتقلد برده لأن أول شركة عملت موبايل كبير بحجم 5 بوصة هي HTC في 2007 وبعدها نوكيا ثم LG في 2010 ثم Dell ثم Acer وأخيييييرا سامسونج في 2011 ! وده الترتيب أهو وأسماء الأجهزة
2007 HTC Advantage (5.0 inch screen)
2007 Nokia N810WiMAX Edition (4.13" screen)
2009 Verizon Hub (7.0" screen)
2010 LG GW990 (4.8" screen)
2010 Dell Streak (5.0" screen)
2011 Dell Streak 7 (7.0" screen)
2011 Acer Iconia Smart (4.8" screen)
2011 Samsung Galaxy Player 5 (5.0" screen)
4- جودة ودقة ونقاء الشاشة اللي أبل مش عارفة تجيبه:
ده برده نفس موضوع برده الإبهار بمواصفات خرافية ملهاش أي لازمة ومجرد شو على الفاضي
يعني انت شخصيا عمرك ما هتحس بفرق بين جهاز نوت 4 أبو دقة 1440 × 2560 وكثافة 515 بكسل في البوصة وبين آيفون 6 بلس اللي دقته 1080 × 1920 وكثافة 401 بكسل في البوصة لأن حجم الشاشة صغير ومش هيفيدها ولا هيفرق فيها الريزولوشن العالي أوي بتاع سامسونج ده ، الكلام ده ممكن في شاشات التليفزيون من 32 بوصة وانت طالع لكن موبايل 5.7 بوصة أعمله جودة بالمنظر ده تاكل من البطارية على الفاضي ليه ؟! جودة 1080 كافية جداااا لشاشة بالحجم ده
5- جودة وقوة كاميرات سامسونج الأمامية والخلفية عكس الأيفون العقيم:
بقى كاميرا سامسونج أقوى وأجود من الآيفون العقيم ؟!! حضرتك أكيد مجربتش تصور بالآيفون قبل كده وأنا أدعوك دلوقتي بناء على تجربة شخصية للكاميرتين تصور بآيفون 5 أبو 8 ميجا بكسل (مش هقولك آيفون 6) وتصور بنوت 3 أبو 13 ميجا بكسل وتقارن بنفسك الصورتين وتشوف مين الأفضل ولو مش هتعرف فدور على المقارنات دي هتلاقيها على الإنترنت منتشرة بكثرة وساعتها هتعرف إن حضرتك غلطان.
6- البطارية والشحن:
هكتفي بكلام أخونا naser_56 بخصوص الموضوع ده أرجو مراجعته.
7- السوق المفتوح اللي بيتيح للمطورين إنهم يشتغلوا براحتهم:
نرجع برده لموضوع الخصوصية والأمان ، أيوة سوق الأندرويد مفتوح بس ده عيب مش ميزة لأن بسهولة جدا الافتتاح ده هيخترق خصوصياتك وأمانك وأبل عايزة تحافظ عليك وتحميك من ده ، لكن برده لو مش عايز خصوصية وأمان وعايز سوق مفتوح للمطورين فعندك JailBreak !
8- القلم في النوتات:
أبل مش عاجزة تعمل قلم برده بس أنا شخصيا معايا النوت 3 وعايز أقولك إني ممكن القلم ده أستخدمه كل أسبوع مرة مثلا علشان أكتب ملاحظة سريعة في Action Memo ، لكن برده لو أبل عملت القلم في الإصدار الجديد للـ 6 بلس هتبقى ميزة كويسة ودي نقطة لصالح سامسونج لكن شخصيا مش شايفها مؤثرة أوي .
9- NFC لسه أبل منزلاه في أخر ايفون فقط وهو أصلا بقاله سنتين في السامسونج:
بصراحة ، أنا معايا نوت 3 بقاله أكتر من سنة ولحد دلوقتي مستخدمتش NFC ولا مرة :) يمكن دي مشكلتي أنا مش مشكلة سامسونج الله أعلم

طبعا لو عديتلك مميزات أبل اللي مش موجودة في سامسونج مش هخلص بس أنا تعبت بصراحة من كتر الكتابة :)

أنأ هتكلم من ناحية تانية على الشركتين
سامسونج تواجه ازمة حقيقية حاليا هى نفس الازمة اللى عانتها نوكيا قبل ان تقتنص منها سامسونج رقم واحد على العالم
المشكلة هى التشبع فى المبيعات لتعدد الموديلات الكتير و ايضا ندرة الطفرة فى الابتكار لان كل موديل جديد لا يمثل نقلة نوعية عما سبقه
المشكلة دى ادت لتراجع ارباح سامسونج 30% اخر ربع سنة و مؤخرا عملوا تنقلات قى مستويات الادارة العليا لتغيير الفكر على مستويات الشركة الادارية العليا

الوضع حاليا ان خلاص الفوران بتاع الشاشات و البروسيسورز و الرامات و الكلام ده جابت اخرها لدرجة ان احدث موديلات 2014 وصلت حجم شاشاتها الى 6 بوصة كاملة يعنى خلاص الفجوة بين التابليت و التليفون العادى اتملت خلاص و مبقاش فى مجال للنمو

الوضع ده زود ازمة ساسمونج و خلاها بعد 5 سنين من استحواذها على موقع نمرة واحد فى العالم من نوكيا. . . خلاها حاليا فى نفس موقع نوكيا سابقا امام كذا تنين صينى صاعد اهمهم هواوى و لينوفو و القادم من الخلف بقوة و اللى منعرفش عنه حاجة هنا فى مصر و هى شركة اسمها شاومى xiaomi و هى تحتل حاليا المرتبة التالتة فى مصنعى اجهزة الموبايل فى العالم.. . . و زى ما نوكيا تحولت الى ديناصور منقرض امام الثورة اللى عملها الايفون بأستخدامه لشاشات التاتش فى 2007 و ثورة نظم التشغيل اللى عملها اندرويد بدءا من 2009 و استغلت سامسونج الاتنين عشان تطير و تسرق الموقع رقم واحد من نوكيا فى قائمة مصنعى المحمول فى العالم. . . ها هى تواجه نفس المشكلة مع من جاء ليهزمها فى نفس لعبتها النى تجيدها. . . و هنشوف الصراع ده هيوصل لفين

ابل بقى دى قصة تانية . . . منتجها طول عمره المنتج اللى بيسموها niche product . . . يعنى منتج له مواصفات معينة و له هواة من فئة معينة. . . لكن منتجات ابل عمرها ما كانت مصممة انها تكون منتجات mainstream او منتجات يحملها كل الناس و تتنوع موديلاتها و امكانياتها لتناسب كل فئات المشترين. . . لذلك فالمقارنة بين ابل و سامسونج يجب تحديدها بالمنتجات ال high end فقط . . . و فى الفئة دى بالتحديد الشركتين عندهم ازمة. . . سامسونج ازمتها التشبع و عدم وجود طفرات فى الابتكار. . . و ابل مشكلتها عدم التنوع و ايضا الشح فى طفرات التطوير و ايضا كان هيفوتها قطر الشاشات الكبيرة و يأثر على مبيعاتها تأثير كبير لولا انهم لحقوا نفسهم اخيرا جدا بال 6 بلس بعد ما ادركوا انهم مش هيقدروا يمشوا مزاج المستهلكين على مزاجهم هم و الذى اصبح يفضل الشاشات الكبيرة

كلام مظبوط تماما أحييك عليه

[S O P H O S]

موضوع متميز جدا زي صاحبه
بص يا باشا انا نقلت من سامسونج للايفون حاليا
لعشقي لابل بس فرأي سامسونج تمثل السهولة فكل شئ
ابل تمثل جملة واحد برغم انهم عندهم عيوب ولكن موبيل مختلف فكل شئ
وتحس ان ليهم اسلوب وطريقة تفكير وتعامل مختلفة تماما عن غيره
وده الي خلي الايفون فمكان لوحده والباقي كله بينافس فتراك اخر
فانهاية شايف اني مازالت ممكن اشتري سامسونج تاني او نوكيا او ايا كان
ولكن الايفون هيفضل ليه تقدير خاص عندي

[ashouhdy]

المشكلة ان الناس رابطة الاندرويد بالسامسونج اللي مع كامل إحترام لملاك السامسونج هو اسوأ جهاز بنظام اندرويد بسبب الواجهة العقيمة تاتش ويز

الhtc one والسوني z3 مثلا

انعم بسنيين ضوئية عن السامسونج

يعني انا دلوقتي بكتب من الزد٣ وصاحبي معاة نوت4

احب اقولكم ان الchrome بيقطع عندة بسبب مئات البرامج اللي شغالة في الخلفية وعمال يقفل فيها دلوقتي هههههه

السوني مثلا وال htc شغالين بنعومة وسلاسة الايفون واسرع

هما اة مفيش فيهم المميزات الخيالية اللي محدش بيستخدمها اللي في السامسونج لكن اريح وانعم بكتيييير

افتحوا مثلا الفيسبوك عالاتنين وعالايفون وقلب بسرعة

حنلاقي كلة بيجري بنعومة وسلاسة ذي الحلاوة والوحيد اللي بيقطع هو السامسونج stuttering في التصفح مثلا

علي فكرة الايفون حلو جدا بس مشكلتة الوحيدة لمعظم مستخدمي الأندرويد رهي ان مفيش زرار back مثلا

وان الايفون مش بيقبل نقل اي ملفات او داتا غير من خلال ال itunes

[أبو آسر]

موضوع متميز جدا زي صاحبه
بص يا باشا انا نقلت من سامسونج للايفون حاليا
لعشقي لابل بس فرأي سامسونج تمثل السهولة فكل شئ
ابل تمثل جملة واحد برغم انهم عندهم عيوب ولكن موبيل مختلف فكل شئ
وتحس ان ليهم اسلوب وطريقة تفكير وتعامل مختلفة تماما عن غيره
وده الي خلي الايفون فمكان لوحده والباقي كله بينافس فتراك اخر
فانهاية شايف اني مازالت ممكن اشتري سامسونج تاني او نوكيا او ايا كان
ولكن الايفون هيفضل ليه تقدير خاص عندي

كلام مظبوط حبيبي أحمد
فعلا آيفون بتلعب في ملعب غير ملعب باقي الشركات كلها خااالص وده بيخليها مميزة ولوحدها بتافس عشرات الشركات وبتتميز عنهم

المشكلة ان الناس رابطة الاندرويد بالسامسونج اللي مع كامل إحترام لملاك السامسونج هو اسوأ جهاز بنظام اندرويد بسبب الواجهة العقيمة تاتش ويز

الhtc one والسوني z3 مثلا

انعم بسنيين ضوئية عن السامسونج

يعني انا دلوقتي بكتب من الزد٣ وصاحبي معاة نوت4

احب اقولكم ان الchrome بيقطع عندة بسبب مئات البرامج اللي شغالة في الخلفية وعمال يقفل فيها دلوقتي هههههه

السوني مثلا وال htc شغالين بنعومة وسلاسة الايفون واسرع

هما اة مفيش فيهم المميزات الخيالية اللي محدش بيستخدمها اللي في السامسونج لكن اريح وانعم بكتيييير

افتحوا مثلا الفيسبوك عالاتنين وعالايفون وقلب بسرعة

حنلاقي كلة بيجري بنعومة وسلاسة ذي الحلاوة والوحيد اللي بيقطع هو السامسونج stuttering في التصفح مثلا

علي فكرة الايفون حلو جدا بس مشكلتة الوحيدة لمعظم مستخدمي الأندرويد رهي ان مفيش زرار back مثلا

وان الايفون مش بيقبل نقل اي ملفات او داتا غير من خلال ال itunes

بالضبط كده
المشكلة مش في أندرويد بقدر ما هي مشكلة سامسونج نفسها !
الأندرويد نظام جامد جدا في مميزات أعترف إنها مش موجودة في ios والعكس صحيح برده
لكن اللي غاوي أندرويد وملوش في ios يدور على أي شركة غير سامسونج خاصة htc اللي بحس إنها الأقرب لآبل من ناحية جودة الخامات والسلاسة والسرعة
موضوع زرار الـ back ده بيبقى حسب التعود برده زي ما أنا عندي في عربيتي اللوجان الكلاكس في دراع الإشارة على عكس البشرية كلها ! بس اتعودت عليه وحبيته كمان !
موضوع نقل الداتا فاللي بيفهم في ال itunes هيحبه ومش هيلاقي مشكلة معاه لكن برده في بدائل غيره زي برنامج itools وده في نظري أسهل وأفضل من برنامج kies بتاع سامسونج نفسها !

[sha2e]

بصراحه انا شايف ان سامسونج او ابل الاتنين ميستحقوش سعرهم
- سامسونج فيها اوبشن أو خصائص كتير غير مستخدمه وحتى لو كانت مفيده بشكل بسيط هتضطر انك تقفلها لان أستهلاكها للبطاريه كبير
- كثرة الموديلات بشكل مبالغ فيه من سامسونج أدي الى ضعف الدعم لهذا الكم الهائل من الموديلات وبالتالي اصبح التحديث ابطء ومقتصر على عدد قليل من الموديلات وبعد فتره قصيره يقف الدعم عنهم نهائي
- سامسونج الاول كانت بتقدم موبيلات بأمكانيات قيمتها اعلى من السعر اللى بتتباع بيه عشان كده احتلت المركز الاول عالميا حاليا بقى سعرها مبالغ فيه
كمثال s4 اول ما نزل كان بـ 5 الاف جنية وكسور من اسبوع بس كان عليه عرض فى الامارات بألف درهم " جديد" يعني بألفين جنيه من خمسه لألفين يوضح حجم الاستهبال بتاع سامسونج فى التسعير
وهواي للاسف واخده نفس طريق سامسونج وبدأت اسعارها تزيد
حاليا انا شايف ان افضل ماركه للاندرويد هي LG سعر معقول والاوبشن المستخدمه فقط موجوده الزياده متشاله وبالتالي الجهاز اسرع يعني لا هو خام خالص زي النيكسس ولا محشي بؤبشنز ملهاش لزمه زي سامسونج

ندخل بقى على أبل
سياستها فى التسعير أكثر استهبالا وسرقه من سامسونج بكتيييييير
وان كانو بيتميزوا انهم لصوص لكن اذكياء فى السرقه وذلك بحفاظهم قدر المستطاع على اسعار الموديلات القديمه وبالتالي فى حالة الرغبه فى بيع الموبيل مستعمل بيكون الموبيل لسه ماسك سعر عكس سامسونج
ابل سياستها عقيمة جدا
- البلوتوث ليه قافله على ابل بس ( عشان الي معاه أبل يحاول يقنع اللي حوله كلهم يجيبوا ابل وده اللي بيحصل فعلا )
- التوسعة الخارجية ( كارت الميموري ) عشان يسرق فى سعر السعات التخزينه الاكبر لانك مضطر عشان مفيش وسيله أخري لزيادة الذاكرة
وياريت محدش يكلمني على موضوع الامان والخصوصيه لسببين :
1- معروف ان شركة أبل أكتر شركه بيحصل فيها تسريبات وصغرات واغلب الفضائح بطلع من موبيلات أبل عكس ما الشركه وعملائها بتغنوا عن الخصوصيه والامان والكلام ده كله الواقع حاجه والكلام حاجه تانيه
2- لو الشركه عايزه يبقى فيها جانب امان فعلا ممكن تعمل برنامج امان قوي مش تقفل عليا ميا ونور وتقولي عشان الامان
مينفعش مثلا نلاقي عربيه نازله بسرعه قصوى 60 كم ويقولك كده أمان ليك والسواقه ملهاش كبير انا خايف عليك :)
ياسيدي انا انسان وليا عقل ولو انا اتعديت الـ 60 كم وعملت حادثه يبقى ده مسؤليتي انا مش مسؤليتك انت
انت مسؤليتك انك تحطلي وسائل امان مش تقفلي السرعة

اعتقد ان الوسط بين الاتنين افضل وهو نظام ويندوز فون في نوكيا او ميكروسوفت ايا كان الاسم التجاري من متابعتي " بدون تجربه فعليه حتى الان " وجدت الاتي :
النظام : اكثر استقرارا وسرعه من اندرويد (والبعض يقول من IOS ايضا)
التحديث : لكل الاجهزة بدون استثناء حتى القديم منها
الامان : أكثر امنا بكثير من اندرويد
السعر : أفضل بكثير جدا من سامسونج او ابل
الخامات : أفضل بكثير من سامسونج

بصراحه انا شايف ان المستقبل للويندوز لانه بيجمع بين مميزات الاندرويد وIos وبيتفادى عيوبهم وبفكر جديا فيه بس مش لاقي حد يشجعني

[Imhotep]

بصراحه انا شايف ان سامسونج او ابل الاتنين ميستحقوش سعرهم
- سامسونج فيها اوبشن أو خصائص كتير غير مستخدمه وحتى لو كانت مفيده بشكل بسيط هتضطر انك تقفلها لان أستهلاكها للبطاريه كبير
- كثرة الموديلات بشكل مبالغ فيه من سامسونج أدي الى ضعف الدعم لهذا الكم الهائل من الموديلات وبالتالي اصبح التحديث ابطء ومقتصر على عدد قليل من الموديلات وبعد فتره قصيره يقف الدعم عنهم نهائي
- سامسونج الاول كانت بتقدم موبيلات بأمكانيات قيمتها اعلى من السعر اللى بتتباع بيه عشان كده احتلت المركز الاول عالميا حاليا بقى سعرها مبالغ فيه
كمثال s4 اول ما نزل كان بـ 5 الاف جنية وكسور من اسبوع بس كان عليه عرض فى الامارات بألف درهم " جديد" يعني بألفين جنيه من خمسه لألفين يوضح حجم الاستهبال بتاع سامسونج فى التسعير
وهواي للاسف واخده نفس طريق سامسونج وبدأت اسعارها تزيد
حاليا انا شايف ان افضل ماركه للاندرويد هي LG سعر معقول والاوبشن المستخدمه فقط موجوده الزياده متشاله وبالتالي الجهاز اسرع يعني لا هو خام خالص زي النيكسس ولا محشي بؤبشنز ملهاش لزمه زي سامسونج

ندخل بقى على أبل
سياستها فى التسعير أكثر استهبالا وسرقه من سامسونج بكتيييييير
وان كانو بيتميزوا انهم لصوص لكن اذكياء فى السرقه وذلك بحفاظهم قدر المستطاع على اسعار الموديلات القديمه وبالتالي فى حالة الرغبه فى بيع الموبيل مستعمل بيكون الموبيل لسه ماسك سعر عكس سامسونج
ابل سياستها عقيمة جدا
- البلوتوث ليه قافله على ابل بس ( عشان الي معاه أبل يحاول يقنع اللي حوله كلهم يجيبوا ابل وده اللي بيحصل فعلا )
- التوسعة الخارجية ( كارت الميموري ) عشان يسرق فى سعر السعات التخزينه الاكبر لانك مضطر عشان مفيش وسيله أخري لزيادة الذاكرة
وياريت محدش يكلمني على موضوع الامان والخصوصيه لسببين :
1- معروف ان شركة أبل أكتر شركه بيحصل فيها تسريبات وصغرات واغلب الفضائح بطلع من موبيلات أبل عكس ما الشركه وعملائها بتغنوا عن الخصوصيه والامان والكلام ده كله الواقع حاجه والكلام حاجه تانيه
2- لو الشركه عايزه يبقى فيها جانب امان فعلا ممكن تعمل برنامج امان قوي مش تقفل عليا ميا ونور وتقولي عشان الامان
مينفعش مثلا نلاقي عربيه نازله بسرعه قصوى 60 كم ويقولك كده أمان ليك والسواقه ملهاش كبير انا خايف عليك :)
ياسيدي انا انسان وليا عقل ولو انا اتعديت الـ 60 كم وعملت حادثه يبقى ده مسؤليتي انا مش مسؤليتك انت
انت مسؤليتك انك تحطلي وسائل امان مش تقفلي السرعة

اعتقد ان الوسط بين الاتنين افضل وهو نظام ويندوز فون في نوكيا او ميكروسوفت ايا كان الاسم التجاري من متابعتي " بدون تجربه فعليه حتى الان " وجدت الاتي :
النظام : اكثر استقرارا وسرعه من اندرويد (والبعض يقول من IOS ايضا)
التحديث : لكل الاجهزة بدون استثناء حتى القديم منها
الامان : أكثر امنا بكثير من اندرويد
السعر : أفضل بكثير جدا من سامسونج او ابل
الخامات : أفضل بكثير من سامسونج

بصراحه انا شايف ان المستقبل للويندوز لانه بيجمع بين مميزات الاندرويد وIos وبيتفادى عيوبهم وبفكر جديا فيه بس مش لاقي حد يشجعني

عندك حق فى موضوع الاستهبال فى التسعير اللى بيزيد لما الشركة بتحس انها بدأت تكون ارضية لمنتجاتها بين الناس. . . عشان كده طبيعى لما سامسونج تستهبل فى التسعير بعد ما بقت نمرة واحد لان ده فى حد ذاته له سعر بالاضافة الى انها بتحاول تملى تبين انها بتقدم افضل امكانيات فى الفئة العليا high end و بالتالى فالسعر المبالغ فيه له تبريره. . . اما ابل و اسعارها فدى حكايتها حكاية بس فعلا بيعملوها بصياعة. . . يعنى فى الوقت اللى كل الشركات مكسبها بيبقى فى حدود رقم واحد single digit يعنى من 1 الى 9 % تلاقى ابل تملى ارباحها بتبقى رقمين double digit بنسبة تصل الى 30% !!! و طبعا الغاوى للتفاحة المقطومة يدفع لان دى فى حد ذاتها لها سعر :-)
و ده اللى مخلى ابل سياستها انها لا تجعل منتجاتها تناسب كل فئات المشترين. . . هى عايزة ناس تبقى عندها رغبة فى الدفع ثمنا لمنتجاتها حتى لو كانت بتدفع 30% زيادة تضاف فى خانة ارباح ابل و هم فاهمين كويس ان منتجهم حصته السوقية لن يزيد حجمها عن 20% بمرور الوقت لكن من ال 20% دى عايزين دايما يطلعوا 50% من اجمالى ارباح الشركات الاخرى كلها
ويندوز لسه ادامه شويتين تلاتة رغم انه فعلا المستقبل ليه بس سياسة مايكروسوفت العقيمة و بطء تحركها هو سبب عدم نموه بالقدر الكافى. . . يعنى يادوبك مؤخرا فقط بدأوا ما ياخدوش مقابل ترخيص لنسخة الويندوز فى الاجهزة لغاية سبعة بوصة مما جعلها تنافس سعريا بطريقة جيدة. . . و اخيرا انتبهوا الى اهمية انهم يحطوا standard ports سواء usb او غيرها مما يسهل التوصيل بالاجهزة الاخرى اللى عليها و يندوز و يسهل من ال compatibility مع الاجهزة الاخرى. . . و ايضا لا ينمو سوق البرمجيات الخاص بهم بنفس درجة النمو على انظمة التشغيل الاخرى. . . لكن فعلا المستقبل لهم بعد تلافى كافة العيوب و المعوقات الحالية

[أبو آسر]

بصراحه انا شايف ان سامسونج او ابل الاتنين ميستحقوش سعرهم
- سامسونج فيها اوبشن أو خصائص كتير غير مستخدمه وحتى لو كانت مفيده بشكل بسيط هتضطر انك تقفلها لان أستهلاكها للبطاريه كبير
- كثرة الموديلات بشكل مبالغ فيه من سامسونج أدي الى ضعف الدعم لهذا الكم الهائل من الموديلات وبالتالي اصبح التحديث ابطء ومقتصر على عدد قليل من الموديلات وبعد فتره قصيره يقف الدعم عنهم نهائي
- سامسونج الاول كانت بتقدم موبيلات بأمكانيات قيمتها اعلى من السعر اللى بتتباع بيه عشان كده احتلت المركز الاول عالميا حاليا بقى سعرها مبالغ فيه
كمثال s4 اول ما نزل كان بـ 5 الاف جنية وكسور من اسبوع بس كان عليه عرض فى الامارات بألف درهم " جديد" يعني بألفين جنيه من خمسه لألفين يوضح حجم الاستهبال بتاع سامسونج فى التسعير
وهواي للاسف واخده نفس طريق سامسونج وبدأت اسعارها تزيد
حاليا انا شايف ان افضل ماركه للاندرويد هي lg سعر معقول والاوبشن المستخدمه فقط موجوده الزياده متشاله وبالتالي الجهاز اسرع يعني لا هو خام خالص زي النيكسس ولا محشي بؤبشنز ملهاش لزمه زي سامسونج

ندخل بقى على أبل
سياستها فى التسعير أكثر استهبالا وسرقه من سامسونج بكتيييييير
وان كانو بيتميزوا انهم لصوص لكن اذكياء فى السرقه وذلك بحفاظهم قدر المستطاع على اسعار الموديلات القديمه وبالتالي فى حالة الرغبه فى بيع الموبيل مستعمل بيكون الموبيل لسه ماسك سعر عكس سامسونج
ابل سياستها عقيمة جدا
- البلوتوث ليه قافله على ابل بس ( عشان الي معاه أبل يحاول يقنع اللي حوله كلهم يجيبوا ابل وده اللي بيحصل فعلا )
- التوسعة الخارجية ( كارت الميموري ) عشان يسرق فى سعر السعات التخزينه الاكبر لانك مضطر عشان مفيش وسيله أخري لزيادة الذاكرة
وياريت محدش يكلمني على موضوع الامان والخصوصيه لسببين :
1- معروف ان شركة أبل أكتر شركه بيحصل فيها تسريبات وصغرات واغلب الفضائح بطلع من موبيلات أبل عكس ما الشركه وعملائها بتغنوا عن الخصوصيه والامان والكلام ده كله الواقع حاجه والكلام حاجه تانيه
2- لو الشركه عايزه يبقى فيها جانب امان فعلا ممكن تعمل برنامج امان قوي مش تقفل عليا ميا ونور وتقولي عشان الامان
مينفعش مثلا نلاقي عربيه نازله بسرعه قصوى 60 كم ويقولك كده أمان ليك والسواقه ملهاش كبير انا خايف عليك :)
ياسيدي انا انسان وليا عقل ولو انا اتعديت الـ 60 كم وعملت حادثه يبقى ده مسؤليتي انا مش مسؤليتك انت
انت مسؤليتك انك تحطلي وسائل امان مش تقفلي السرعة

اعتقد ان الوسط بين الاتنين افضل وهو نظام ويندوز فون في نوكيا او ميكروسوفت ايا كان الاسم التجاري من متابعتي " بدون تجربه فعليه حتى الان " وجدت الاتي :
النظام : اكثر استقرارا وسرعه من اندرويد (والبعض يقول من ios ايضا)
التحديث : لكل الاجهزة بدون استثناء حتى القديم منها
الامان : أكثر امنا بكثير من اندرويد
السعر : أفضل بكثير جدا من سامسونج او ابل
الخامات : أفضل بكثير من سامسونج

بصراحه انا شايف ان المستقبل للويندوز لانه بيجمع بين مميزات الاندرويد وios وبيتفادى عيوبهم وبفكر جديا فيه بس مش لاقي حد يشجعني

الويندوز فون حتى الآن ملوش أي مستقبل لأن شركة ميكروسوفت شركة فاشلة واحتكارية واستغلالية أكتر من آبل
مسألة السعر فالسعر معروف أنه مقابل القيمة ، أجهزة ويندوز رخيصة لأنها فاشلة كنظام وليس لها فانز زي آبل أو أندرويد ولو حصل ونجحت هتلاقي نفس الأسعار بتاعة سامسونج وآبل ، الشركات دي مش جمعيات خيرية علشان تقارن بين شركة بتكسب هامش ربح وبسيط وشركة تانية مستغلة ! الموضوع كله بيزنس واللي بينجح أكتر بيزود هامش ربحه لأنه عارف إن في ناس هتشتري ومش هتعترض لكن شركة فاشلة ملهاش معجبين لازم تنزل سعرها وإلا هتندثر !
آبل أسعارها عالية علشان خاماتها نضيفة لا تقارن بسامسونج فلما يكون النوت 3 البلاستيك الرديء أغلى من الآيفون 5 المعدن الفخم يبقى مين المستغل ومين الحرامي ؟!
آبل مش قافلة البلوتوث علشان اللي معاه آيفون يقنع اللي حواليه إنه يجيبه علشان يبقوا معاهم بلوتوث زي بعض !! كلام غريب جدا بصراحة ، وسبق أن قلت إن موضوع البلوتوث للحماية مش أكتر لكن لو بصينا من زاوية المصلحة والاستغلال فأكيد الشركات مفروض تزود الخصائص والإمكانيات علشان تزود مبيعاتها مش تنقصها !
شركة آبل أكتر شركة بيحصل فيها تسريبات علشان أكتر شركة ناجحة وأعداءها كتير وبيسعوا لتدمير سمعتها بأي شكل وما بيصدقوا يمسكوا عليها غلطة ويشنعوا بيها زي موضوع الآيفون اللي بيتني ! لكن في كل مرة بيهاجموا آبل بتترد لهم وبيكتشفوا إن مبيعات آبل بتزيد مش بتقل !!
وهديك مثال واقعي من العربيات إن أكتر شركة بتستدعي عربيات لعيب في التصنيع هي تويوتا اليابانية ! هل لأن تويوتا وحشة أو بتصنع عربيات مضروبة ؟! لأ طبعا ، ولكن السبب أولا إن مبيعاتها كتير وبالتالي فرصة حدوث مشاكل وأعطال أكتر من الشركات التانية وثانيا لأن المنافسين بيمسكولها على الواحدة وما بيصدقوا يلاقوا غلطة يشوهوا بيها سمعتها وبالرغم من كده كل يوم بتزداد قوة وثقة ومبيعات !
موضوع العربية اللي تنزل بسرعة قصوى 60 ك فالتشبيه ده غير واقعي ، لأن أولا في طرق مفتوحة تتحمل السرعات العالية وثانيا لو حصل وحد عمل حادثة محدش هيتهم الشركة إنها هي السبب ! ولكن هيلوموا السائق المتهور ، لكن الموبايلات الموضوع مختلف لأن لو جهازك اتدمر أو السيستم وقع بسبب فيروس من تطبيق مجهول أو ملف منقول من البلوتوث ممكن متكتشفش إن السبب هو الملف أو التطبيق المجهول لكن أبسط شيء هتقول إن السيستم فاشل وبيقع كتير والجهاز رديء والشركة فاشلة !
تحياتي :)

[devil_storm]

بعد تجربه ايفون و سامسونج فعلا في فرق كبير في الكوالتي لصالح ابل و في فرق في الاوبشن لصالح سامسونج بس سامسونج فعلا بتبيع اوبشن تستعملها كام مره و خلاص لكن ابل بتبيع كوالتي و الاوبشن المفيده بس بسعر مبالغ فيه جدا

انا طبعا من تجربتي للاتنين لسنوات بفضل ابل و بجيب سامسونج بس علشان حجم الشاشه لكن بعد الايفون ٦ شايف الابل افضل بكتير لو السعر مش فارق

[Merooxx]

معلش يا رجالة لو هحيد عن الموضوع سنه بسيطة بس ايه رتيكم في جهاز one plus انا ناوي اجيب واحد وشايف ان امكانياته جبارة مقابل سعره
واجيبه من امازون ولا ebay ولا انهو موقع افضل