سؤاليين عن نظام تأشيرات السفر عموما

[Bassem Youssef]

مثال افتراضي

واحد عايز يسافر امريكا تمام

جاب تأشيره 6 شهور من السفاره تمام

هل مده ال 6 شهور دول تبتدي تتحسب من اليوم اللي اخد فيه التأشيره و لا من اليوم اللي هيدخل فيه امريكا ؟؟؟

طب لو من اليوم اللي هيدخل فيه امريكا

هل ممكن يفضل الفتره اللي هو عاوزها في مصر و بعدين يسافر و لا في مده معينه و بعد كده التأشيره تبقي invalid مثلا او تبتدي تتحسب ال 6 شهور؟؟؟؟

ياريت اللي عنده اجابه للسؤالين دول عن تجريه شخصيه يقول

[Mecha]

من اليوم اللي صدرت فيه التأشيرة عشان كدا لازم تسافر بسرعة,وبتصدر من ادارة الهجرة اللي بتراقب دخول وخروج المطار وبتدي الاختام.لو اتاخرت كتير التاشيره بتلغي .اعمل حسابك في ظرف اسبوع او اتنين بالكتير تكون مسافر

[Hobgoblin]

التأشيرة هتكون صالحة للسفر في خلال ال-6 شهور وهيكون مكتوب التاريخ دة عليها كمان.

في المطار هناك من حق ظابط الجوازات يديلو شهر واحد أو 3 أو 6 في حالة إن صلاحية التأشيرة تكون سارية.

في الحالة دي تحديداً أعتقد في المطار هياخد إما شهر أو 3 شهور.


كلامي عن تجارب كثيرة في أمريكا وغيرها

[pioneerahmed]

الكلام دة مش مظبوط
اصلا تاشيرة امريكا بتبقي 5 سنين
و ممكن متسافرش عادي
بعد ال 5 سنين بتجددها تاني مفيش مشاكل

[bekatcho]

تاشيرة امريكا 90% منها بتبقى مدتها 5 سنين
بس مسموح ليك تقعد داخل امريكا بس 6 شهور وبعد كدة لازم تخرج من امريكا وتبقى ترجع تانى
فى بلاد تانية حسب المدة
يعنى مثلا خد فيزا جورجيا اول مرة مدتها شهر
وشهر من المدة الى انا محددها للسفر يعنى انا لو مقدم انى هسافر يوم 20 مثلا فى التقديم بيدونى فيزا من اول يوم 20

[prof2013]

بتتحسب بدايه من حصولك ع التأشيرة
اما بخصوص الاقامه اللي اعرفه ان في الجرين كارد ما تغيبش اكتر من 6 شهور بره امريكا والا مده الجنسيه بتتحسب من اولا وجديد اللي هي 36 شهر
اما بخصوص السياحه فبتبقى غالبا 5 سنين وبيحصل العكس ما تقعدش اكتر من 6 شهور في امريكا
والبرنس ابو كمال دالوقتي يدخل ويعدل على فتوانا lol

[Bassem Youssef]

شكرا للردود

[Hobgoblin]

الكلام دة مش مظبوط
اصلا تاشيرة امريكا بتبقي 5 سنين
و ممكن متسافرش عادي
بعد ال 5 سنين بتجددها تاني مفيش مشاكل

مش شرط 5 سنين حضرتك. أعرف ناس أخدوها 6 شهور وناس سنة.

أنا شخصياً واخدها 10 سنين.

[Hobgoblin]

تاشيرة امريكا 90% منها بتبقى مدتها 5 سنين
بس مسموح ليك تقعد داخل امريكا بس 6 شهور وبعد كدة لازم تخرج من امريكا وتبقى ترجع تانى
فى بلاد تانية حسب المدة
يعنى مثلا خد فيزا جورجيا اول مرة مدتها شهر
وشهر من المدة الى انا محددها للسفر يعنى انا لو مقدم انى هسافر يوم 20 مثلا فى التقديم بيدونى فيزا من اول يوم 20

كلام سليم أقصى مدة 6 شهور لكن ممكن الظابط يديلك أقل...وحصلت معايا شخصيا بس ساعتها كنت هقعد أسبوع فقط.

[أحمد كمال]

الكلام دة مش مظبوط
اصلا تاشيرة امريكا بتبقي 5 سنين
و ممكن متسافرش عادي
بعد ال 5 سنين بتجددها تاني مفيش مشاكل

مش دايما ..... فيه ناس بتاخدها 6 شهور او سنة ......

[أحمد كمال]

مش شرط 5 سنين حضرتك. أعرف ناس أخدوها 6 شهور وناس سنة.

أنا شخصياً واخدها 10 سنين.

10 سنين اكيد مش على باسبور مصري لان الباسبور المصري حد اقصى 5 سنين لتاشيرات الزيارة B1/B2

http://travel.state.gov/content/visas/english/fees/reciprocity-by-country/EG.html

الا لو معاك V1/V2/V3


من هنا تقدر تكتب اي بلد و تعرف اقصى حد للفيزا كام سنة

http://travel.state.gov/content/visas/english/fees/reciprocity-by-country.html/

[أحمد كمال]

فيزا امريكا صالحة لمدة من - إلى مكتوبة عالفيزا


صلاحية اقامتك داخل البلد بتتحدد وقت وصولك للبلد ...... بيتختم لك ختم تقدر تقعد لحد تاريخ ايه

احيانا و ليس دائما ممكن الاقامة تخلص بعد الفيزا يعني مثلا لو الفيزا 5 سنين و انت وصلت و فاضل فيها شهرين ممكن الضابط يديك اقامة 6 شهور (و ممكن لأ ..... مفيش حاجة مضمونة)

[Mecha]

حضراتكم الفيزا ال 5 سنين او 10 دي نوعها ايه ,زياره اوعمل بسبنسور او اقامه موقته ؟؟؟؟

[ibrahim sallam]

محدش عنده فكره عن السفر للمغرب

يعني لازم حد يبعتلي دعوه ولا ممكن اخد تاشيره عادي من غير دعوه وخصوصا ان الاقامه لن تزيد عن عشرة ايام

[Hobgoblin]

10 سنين اكيد مش على باسبور مصري لان الباسبور المصري حد اقصى 5 سنين لتاشيرات الزيارة b1/b2

404 - Page Not Found

الا لو معاك v1/v2/v3


من هنا تقدر تكتب اي بلد و تعرف اقصى حد للفيزا كام سنة

Reciprocity by Country

لأ يا فندم...معايا فيزا 10 سنين على باسبور مصري وقديم كمان بالمناسبة.

الفيزا b1/b2 عادي خالص وكنت لسة هناك شهر 8 إلي فات.