هل تربيه الدقن كما هو شائع اليومين دول حرام او عيب ؟

[Bassem Youssef]

موضه اليومين دول و هي تربيه الدقن زي الراجل المحترم ده كده



تلاقي تعليقات سخيفه من نوعيه

انت اخوا* , انت انضميت لداع* يا بني ؟ انت بقيت شيخ امتي ؟ اللهم قوي ايمانك

تتكلم مع حد في اي موضوع

بقدره قادر يتحور الموضوع و تطلع اخوا*ي ارهابي متطرف و الدقن هي الدليل

بعض الناس تبصلك بقرف في الشارع مثلا او في الشغل

لما حد من اهلك يشوفك يقولك احلق دقنك عشان شكلك اخوا*

ليه التعليقات السخيفه دي ؟ ليه الاحكام المسبقه المقرفه دي ؟

بعض لعيبه الكوره بقوا يسيبوا دقنهم و برضه ناس تتريق و تقول دول شكلهم اخوا*

ارحمنا يا رب

[ramy_shousha]

وحياتك لو عملت إيه - والمثل قال الناس ما بيعجبهاش العجب ولا الصيام فى رجب
نفض للناس وإعمل إللى إنت شايفه ومقتنع بيه وخلى كل واحد فى حالوا أحسن
عالم هم

[amr_8800]

يا باشا دقنك وانت حر فيها
الي مش عاجبو يخبط راسو في الحيط
بصىراحه الدقن دي موضوع شخصي اوي يعني محدش ليه فيه غيرك انت

[Merooxx]

في الوضع اللي احنا فيه والالحاد اللي بتبرر ويتزاع علني علي التلفزيون والمسخرة دي والكره للاسلام العلني واللي باين قوي مش اتفرج علي اسلام البحيري وانتا تعرف انا بتكلم عن ايه والواحد بيقول ع ثبتنا )))

[Ahmedmiy]

بسم الله الرحمن الرحيم

بسم الله الرحمن الرحيم
الحمد لله والصلاة والسلام على رسول الله نبينا محمد خير خلق الله

طيب ممكن نتكلم من وجهة نظر تانيه وهى طبيعة جسم الانسان مرتبطة بشرع الله الذى ارسله على الناس وبلغ به الانبياء والرسل عليهم الصلاة والسلام

هو ليه الراجل ليه دقن والست ملهاش دقن

الراجل الاول طبعا من الناحية العلمية أتذكر قراءة دراسة على النت وطبعا معمولة فى بلاد عندها علم وعلماء و بتقول أن دقن الراجل لها عدة فوائد منها حماية البشرة من أشعة الشمس المضرة التى تتسبب فى الأمراض الخبيثة وكمان الدقن بتكون عامل تدفئة للرقبة وده بيحمى من نزلات البرد والانفلونزا - طيب من ناحية الشرع والسنة النبوية فطبعا كما للرجل شهوة جنسية تجاه الأنثى يعنى بالبلدى بيعجب بها لأن هذا أمر طبيعي كمان الأنثى لها نفس التفكير وعلشان كده كانت دقن الراجل علشان ما يكونش سبب فى فتنة الستات وطبعا بما أننا أغلبنا بيحلق دقنه بالتاكيد عارفين حقيقة الموضوع ده

طيب بالنسبة للست ليه معندهاش دقن علشان ببساطة الله أمرها أنها تتحجب ومش حنتكلم بقه نقاب ولا حجاب المهم انه أمر من الله ولنفس السبب بتاع الرجاله واتذكر برده قراءة موضوع عن النساء فى أمريكا أنهم علشان يحموا بشرتهم من أشعة الشمس بعد الخوف من المرض الخبيث كان أمثل حل ليهم أنهم يغطوا راسهم طبعا بايشارب صغير مش حجاب ومن ناحية الشرع والسنة زى الرجالة تمام علشان متكونش الست فتنة للرجالة

وبما أنى بحلق دقنى فكنت بدور على النت من فترة على الموضوع ده وقرأت الكلام ده وممكن أى حد يعمل بحث وكمان يقولنا معلومات جديدة

وطبعا اى شخص مؤمن بالله يعلم تماما ان الله سبحانه وتعالى خلق الانسان ويعلم عن خلقه كل شىء وبما انه الله الخالق الذى أوجد الناس على الارض فى هذة المجتمعات بنظام محدد علشان يكون ليهم أدوار محددة حتى يتم الانتقال لحياة أخرى لا نعرف عنها إلا ما جاء به الانبياء والرسل وطبعا كلنا حنموت ولكن أغلب الحياة الأخرى هى من الغيب وطبعا من صفات الايمان الرئيسية هى الايمان بالله بالغيب كما فى أول سورة البقرة كمثال

سبحان الله وبحمده سبحان الله العظيم

[fineart607]

اعمل الى انت عايزه وطظ فى اى حد

[fineart607]

في الوضع اللي احنا فيه والالحاد اللي بتبرر ويتزاع علني علي التلفزيون والمسخرة دي والكره للاسلام العلني واللي باين قوي مش اتفرج علي اسلام البحيري وانتا تعرف انا بتكلم عن ايه والواحد بيقول ع ثبتنا )))

اسلام البيحيرى مريض نفسيا انا لا اطيق سماعه ولا رؤيته حسبى الله ونعم الوكيل فيه

[eslam atia]

الدقن او اللحية هي من سنن الفطرة التي فطر الله الناس عليها
حتي قبل ظهور الاسلام
ومن اول الانبياء الي آخرهم
حتي المشركين والاعراب والاحبار واليهود والمجوس والنصاري والقسيسين والرهبان قبل ظهور الاسلام كانوا يطلقون لحاهم وكانت عندهم رمز من رموز الرجولة بس مع تربية الشارب
الي ان بعث الله نبية محمد صلي الله عليه وسلم وتكلم عن اللحية في عده أحاديث
من ويكيبيديا، الموسوعة الحرة
اعفاء اللحية


الامام شمس الدين


إعفاء اللحية واجب عند جمهور المسلمين، فالرسول يقول: «خالفوا المشركين وفروا اللحى وأحفوا الشوارب[1]». يفسر المذهب الحنفي والمالكي والحنبلي هذا الحديث بوجوب إعفاء اللحية لدى رجال المسلمين، فقد ثبت عنه من حديث ابن عمر، في الصحيحين وغيرهما أنه قال: (قصوا الشوارب وأعفوا اللحى)، وفي لفظ: (قصوا الشوارب ووفروا اللحى خالفوا المشركين)، وفي رواية مسلم عن أبي هريرة عن النبي أنه قال: (جزوا الشوارب وأرخوا اللحى خالفوا المجوس)، ففي هذه الأحاديث الصحيحة الأمر الصريح بإعفاء اللحى وتوفيرها وإرخائها وقص الشوارب؛ مخالفة للمشركين والمجوس، والأصل في الأمر الوجوب، فلا تجوز مخالفته إلا بدليل يدل على عدم الوجوب، وليس هناك دليل على جواز قصها وتشذيبها وعدم إطالتها، وقد قال الله عز وجل: وما آتاكم الرسول فخذوه وما نهاكم عنه فانتهوا، وقال سبحانه: قل أطيعوا الله وأطيعوا الرسول فإن تولوا فإنما عليه ما حمل وعليكم ما حملتم وإن تطيعوه تهتدوا وما على الرسول إلا البلاغ المبين، وقال عز وجل: وأقيموا الصلاة وآتوا الزكاة وأطيعوا الرسول لعلكم ترحمون، والآيات والأحاديث في هذا المعنى كثيرة وقال النبي: (كل أمتي يدخلون الجنة إلا من أبى، قيل: يا رسول الله ومن يأبى؟ قال: من أطاعني دخل الجنة ومن عصاني فقد أبى) رواه البخاري في صحيحه.
وروى مسلم في صحيحه عن أم المؤمنين عائشة قالت: قال رسول الله: "عشر من الفطرة: قص الشارب، وإعفاء اللحية، والسواك، وانتقاص الماء - يعني الاستنجاء"، قال زكريا: قال مصعب: ونسيت العاشرة إلا أن تكون المضمضة.
قال بعضهم: حلق اللحية للرجال أنها تغيير لخلق الله: والدليل قوله تعالى عن إبليس:) ولآمرنهم فليغيرن خلق الله [النساء 119]. قالوا: هذا نص صريح في أن تغيير خلق الله بدون إذن منه تعالى: (بإباحة ذلك الأمر)، تكون طاعة لأمر الشيطان وعصيانا لأوامر الرحمن. والارجح انها ليست تغيير لخلق الله لان المسلم من سنته ان يحلق ابطه وشعر العانة وحتى شعر الراس بل والشارب واذا كان حلق شعر معين هو تغيير لخلق الله فحلق جميع الشعر تغيير خلق الله وهذاةليس صحيحا والله اعلم.

[الاسد المهاجر]

انا بسيب دقني من فتره وعادي جدا محدش ولا بيبص ولا بيكلم

[mmolazem]

لو تربيتها سُنه . . يُفتيك أبو حمالات !
و لو تربيتها موضه . . يُفيدك أبو فلاتر !

[الاسد المهاجر]

دقنك وانته حر فيها والي بيحترم بيحترم نفسه
في ناس مربيه دقنها وللاسف متعرفش حاجه ولا عن السنه ولا الاحترام مجرد تغير
وناس تنتمي. لجماعات اسلاميه ولا تفقه شئ عن الاخلاق ولا احترام الاخرين وبدقن كمان
مش كل من يربي دقنه يبقه مسلم او متدين.شويه وهيطلعك واحد يحول الموضوع ويقولك الحكومة بتلم الي بدقن