تجربتي مع باور بنك صيني power bank

[MRBEBO]

امبارح كنت عند محل موبيلات جنبنا

وبالصدفه قولت اسئل عن الباور بنك

قالي عندي نوع ممتاز

قولتله فين ده

المهم جابلي نوع اسمه proda من شركه اسمها remax









قالي ب 175 فقولتله انا عمري ما سمعت عنه قالي دي ماركه جامده

وقالي هدهولك ب 150 ج علشان تحكم عليه انه ممتاز

الباور 4000mah وخارجه 1.5 امبير

اشتريته فعلا واكتشفت التالي

الباور بيتشحن في 5 ساعات

ومع تليفوني

Samsung Galaxy S4 mini

اللي هو 2100 ملي امبير

اكتشفت الخدعه

ال 4000 ملي امبير بيشحنه لغايه 90 % بس !!!!

يعني من 0% ل 90 %

مع انه المفروض يشحنه مرة ونص على الأقل

بيشحنهم في زمن ساعتين و 10 دقايق

الباور مفهوش انديكتور او حاجه تبين فيه شحن اد ايه

ازرق يعني فيه شحنه اي كانت ولما تطفي يبقى فضي

ولما بشحنه احمر معناها بيشحن ولما يطفي يبقى شحن

دي تجربتي ونصيحتي بلاها ماركات مجهوله

ومنتظر اعرف رايكم

[Batman372]

عن عده تجارب سابقه .... كل الاجهزه الصينى الى فى السوق بتبقى فقط ٤٠٪ من المكتوب عليها ...
حلك فى باور بنك ٢٠٠٠٠ م. امبير لكى يعطيك ٨٠٠٠ يعنى يشحن موبايلك حوالى ٣.٥ مرات ...
نفس نوعك proda remax ال ٢٠ الف ب ٢٦٠ جم ...

السامسونج الاصلى (تشتريه من سامسوج / موبايل شوب ) ٩ الاف امبير ... بيعطى حوالى ٧٠٪ ... ب ٥٠٠ جم ...
و موجود منه نسخه تقليد ب ١٥٠ جم ... لكن نفس اداء الصينى ...

تحياتى ...

[MRBEBO]

طب بشمهندس صفوت رايك ايه في ال proda اللي اشتريته ؟؟ وهل السعر اللي جبته بيه معقول ولا انا اشتريته اغلى من تمنه ؟؟

[Egyzizo]

أنا جبت واحد من على سوق بـ 30 جنيه ، بيشحن لى الـ S4 mini حوالى 40 - 50 %
رضـا وبيسعف لما باتزنق بره خصوصا ان شحنه أسرع من شاحن العربية بكتير

POWER BANK PORTABLE CHARGER 2600 mAh *Black* للبيع في مصر, الإسكندرية, القاهرة. افضل سعر، مراجعة و تقييم | سوق

[Ramy_2R]

انا معايا واحد pqi بس ميرزته بطاريته الداخليه فيلبس
هو 5200 ملي .. بيشحن حدود 4000 و عمره 500 دوره
وده فقد طبيعي نتيجه تحويل من 3.7 فولت ل 5 فولت و بعدين ل 3.7 تاني
عشان تحسب الشحن مظبوط اقفل الموبيل و هو بيشحن و أبدء من 1% مش من 0

[Batman372]

طب بشمهندس صفوت رايك ايه في ال proda اللي اشتريته ؟؟ وهل السعر اللي جبته بيه معقول ولا انا اشتريته اغلى من تمنه ؟؟

كماركه كل الصينى شبه بعض ... لانهم بيستعملوا انواع رديئه من البطاريات القابله للشحن cells ...
كسعر مقابل السعه يعتبر غالى ... لان نفس الماركه ٢٠ الف امبير بحوالى ٢٦٠ جم ...
ايضا تقليد السامسونج ٩ الاف م. امبير و بحوالى ١٥٠ جم ...
حاول تغيره بحاجه اعلى ١٠ الاف مثلا ليعطيك ٤ الاف م. امبير ...
تحياتى ...

[MRBEBO]

تحديث

بعد يومين من الاستخدام ::

لما التليفون فصل وصلته بالباور بنك شحنه 100% على وضع off وبعد ما الشحن فضي شويه من التليفون وصلته تاني شحنه 20% بس من غير ما اقفله وبعديها فضي ال power bank

[ehabouf]

تحديث

بعد يومين من الاستخدام ::

لما التليفون فصل وصلته بالباور بنك شحنه 100% على وضع off وبعد ما الشحن فضي شويه من التليفون وصلته تاني شحنه 20% بس من غير ما اقفله وبعديها فضي ال power bank

ظلمت الصين ياراجل
نبلغ عنك الملحق التجاري الصيني دلوقتي؟؟
والا يهمك سرك في بير

[hossam_elwani]

انجو باور بانك ماركه مجربه 10000 كان ب 169 يشحن موبايلك فعليا 3 مرات من 0 الى 100

[khaled_sabry]

انجو باور بانك ماركه مجربه 10000 كان ب 169 يشحن موبايلك فعليا 3 مرات من 0 الى 100

و ده نجيبه منين ده ؟؟؟

[A_H_M_A_D]

على فكرة Remax ماركة صيني مش وحشه و حاجتهم كويسه انا مجربهم في وصلة USB للشاحن

[hossam_elwani]

و ده نجيبه منين ده ؟؟؟

موقع سوق عليه وكان عامل عرض عليه وصل ل 125 جنيه لمدة ساعتين فى يوم الجمعه البيضا

[Mohamed-GH]

موقع سوق عليه وكان عامل عرض عليه وصل ل 125 جنيه لمدة ساعتين فى يوم الجمعه البيضا

جبته انا بسعر 125 جنية من سوق والعرض قعد 12 ساعه لو ليك حد فى السعوديه او الامارات ممكن يجيبهولك ب 100 جنية

[Egyzizo]

و ده نجيبه منين ده ؟؟؟

عليه عرض حاليا على سوق بـ 139 جنيه

بطارية شحن انجو إي 1 سعة 10000 مللي أمبير/الساعة - لون فضي للبيع في مصر, عمان, الزرقاء. افضل سعر، مراجعة و تقييم | سوق

[sha2e]

أولا Samsung Galaxy S4 mini بطاريته 1900 مش 2100
ثانيا موبيلك بيدعم تغيير البطاريه وبطاريته نحيفه وصغيره وخفيفة ( يمكن وضعها بسهوله شديده بالمحفظه )
يبقى ايه اللى يخليك تشتري باور بانك بـ 150 جنه لما ممكن تشتري بطاريه بـ 60 جنيه تحطها فى موبيلك وتشحن الاصلية وتخليها في محفظتك للطوارئ خصوصا ان وزنها قليل وحجمها صغير