الدولار الاسترالي والدولار الكندي

[abdulkhaleq]

فلوسك تتحول لعملة واحده بس
دولار امريكي
التحويل على حسابك في اي بنك هنا وتقدر تتأكده من ده لو البنك فيه خدمة اونلاين زي الاتش اس بي سي
التغيير من هنا وقت اما تحس انه مناسب

[Yasser Farid]

- ارخص طريقه انك تحول بنك لبنك هنا ليك فيه حساب عن طريق خدمه زي uk forex بس ممكن تاخد ايام للتحويل
-تكلفة اعلي بس اسرع هتحول لواحد هنا او لنفسك قبل السفر عن طريق western union or money gram
= تحول من بنك الكومنولث لبنك هنا ليك فيه حساب اونلاين بطيئه شويه بس موكدة متشغلش بالك بميعاد السفر وممكن اغلي سنة
- العملة : الاسترالي حاليا في النازل ابعد عنو ,الكندي اعمل عليه ريسيرش ,لو محتار خليك مع الامريكي دايما قوي مع الجنيه
وممكن تعمل كل تحويلاتك من هناك بالامريكي اونلاين
الاسعار والشروط تختلف من بلد لبلد اعمل ريسيرش الاول وبالتوفيق

الوقت مش مهم لان لسه فاضلي 4 اشهر ان شاء الله
لكن يعني حضرتك لو حولت بال UK Forex لان ليا حساب في البنك الاهلي المصري (امريكي برده) - هتاخد كام دولار علي الالف تقريبا من وجهة نظر حضرتك؟
معلش بتقل عليك

[bekatcho]

و الله انا نصحت صاحب الموضوع و هو حر

انا بس مش عايزه يشوف اللي احنا بنشوفه في البلد دي

انا كنت مسافر مصر والدنيا بايظة ورجعت وبندم انى رجعت مصر
الواحد بعد ما عاش عيشة محترمة فى التعامل والرقى
وكل متطلبات الحياة متوفرة مش مجرد رفاهية فى مصر للاغنياء بس
رجعت للقرف والفساد والناس الى ما بترعيش ربنا فى اى حاجة
نصيحة فعلا خليك فى كندا واعمل مشروع وعيش

[Mecha]

حضرتك ال fees بتختلف من بلد لبلد ,ممكن 20$/1000$ بس الاهم سعر تحويل الدولار UK forex يعني مع الاسترالي كانوا 0.83 لل US ودا سعر حلو ,معرفش الكندي فانت عندك حاجتين تحسبهم كويس ال fees و exchange rate وطبعا الوقت
بالنسبه البنك الاهلي هياخد عمولة بردك , Alahli qnb بيوصل ل 11US$ per transaction ومصاريف حساب 25LE/3months

[Mecha]

لما تحول خليك في مبالغ كبيره بتكون ارخص يعني اوصل حسب الحد ممكن 10,000$/transaction ,بس دايما لما تبتدي التعامل جربهم في مبلغ صغير زي 1000$ وشوف الاداء والوقت
خد بالك في السفر والتحويلات دايما بتكلف وتغرم بس قصاد تاخد فلوسك منهم علي مصر كلو يهون

[Bassem Youssef]

هههههههههههههههههههههههه

كنت متأكد ان رد حضرتك عليه هيكون كده

اصل مفيش حاجه غير كده تتقال يعني :))

معلش والله كل واحد ليه ظروفه
عموما انا عقدي انتهي ولازم عودة

حضرتك حر طبعا و ادري بظروفك و لكن

انا و العضو بيكاتشو و الاستاذ احمد كمال

مش بننصحك من فراغ و الله

و حضرتك حر في الاول و الاخر

برضه حاول تخلي في خيط للعوده الي هناك

تحياتي و تيجي بالسلامه ان شاء الله

-طالما الشغل خلص الصح ينزل ,نفس الموضوع هنا ,مصاريف الحياةغاليه وفوايد البنك ضئيله والمدخرات بتتأكل والاستثمار عاوز راس مال ضخم والايجارات نار,الافضل النزول لمصر وانا هحصلك ,بلدنا اولي بينا

اقسم بالله الشعارات دي هي اللي بتودينا في داهيه

صدقني نجاح اي مصري خارج مصر هو نجاح لمصر نفسها

و كل واحد حر طبعا

انا كنت مسافر مصر والدنيا بايظة ورجعت وبندم انى رجعت مصر
الواحد بعد ما عاش عيشة محترمة فى التعامل والرقى
وكل متطلبات الحياة متوفرة مش مجرد رفاهية فى مصر للاغنياء بس
رجعت للقرف والفساد والناس الى ما بترعيش ربنا فى اى حاجة
نصيحة فعلا خليك فى كندا واعمل مشروع وعيش

كل واحد حر يا اخ بيكاتشو

احنا نصحنا و كل واحد ادري بظروفه

بس اتمني محدش يشتكي من العائدين الي مصر

ان شاء الله ترجع جورجيا تاني و تعمل بيزنس افضل من الاول كمان :))

[أحمد كمال]

اسال في بنكك التحويل الدولي لحسابك في مصر بالدولار الامريكي رسومه كام

[Yasser Farid]

اسال في بنكك التحويل الدولي لحسابك في مصر بالدولار الامريكي رسومه كام

حضرتك تقصد البنك الاهلي ولا البنك الاجنبي

[أحمد كمال]

حضرتك تقصد البنك الاهلي ولا البنك الاجنبي

البنك الاجنبي اللي فلوس حضرتك فيه