الاستثمار فى العقارات رايكم

[gade2]

السلام عليكم

احد اقربائى معه مبلغ 450الف تقريبا وهو يريد ان يسثتمرها فى العقارات ودا لان فى صديق لنا شغال فى العقارات فى اكتوبر وزايد وبيقولنا ان الاستثمار مربح جدا فى الموضوع دا
المشكله بقى والد قريبى بيقولوا لا خلينا فى الامان ونشترى بيهم بيت وخلاص

انا بصراحه من كلام صديقنا عن العقارات بفضل الاستثمار
فانتم ايه رايكم فى موضوع الاستثمار دا هل من تجربه

[ARKOON]

من انجح الاستثمارات بس يكون صح وعن دراية وخبرة ومش بيخسر غير تجارة السيارات بمجرد ما تخرج من الصالة بتفقد قيمتها كزيرو . وفعلا كلام صديقك صحيح العقارات مربحة جدا وفي زيادة زي الاسهم بس الفرق انها على طول في الطالع : ) تحياتي.

[SHNORY]

العرض حاليا اكتر من الطلب بكتير
الافات المباني طلعت بعد الثوره مش لاقيه اللي يسكنها
يشتري ويخزن لو عاوز
انما لو اتزنق حيبيع بخساره

[Bassem Youssef]

الاستثمار في العقارات مربح جدا طبعا و لكن

زي ما ذكر الاستاذ شنوري ان العرض اكتر من الطلب

فعشان تبيع عقار ممكن متعرفش تبيعه اصلا

الا بخساره فادحه لا قدر الله

فاللي عايز يستثمر في العقارات في الظروف دي

ينسي انه يبيع قبل 5 سنين بالميت

ده لو عايز يكسب

لكن يشتري السنه دي و يبيع السنه الجايه

هيخسر

[amr011111]

لو عاوز تستثمر فى العقارات يبقى عليك وعلى منطقه القاهرة الجديده لان الطلب عليها عالى اوى والاسعار كل شهر بتزيد عن الشهر اللى قبله

[buisnessman]

وايه رأيكم في الاستثمار في محل تجاري ، بفكر أشتري محل وأقوم بتأجيره
يا ترى أسعار المحلات ايه وايه احسن حتة الواحد ياخد فيها محل ويأجره
أنا معايا في حدود 60 ألف أنا وأخي

[marwanragab]

طبعا موضوع مربح خليه ياخد في حدائق الاهرام شقتين بسعر كويس اوي وهناك سعر المتر يطراوح بين 1300 لحد 2000 علي ماعتقد وهيتبني هناك المتحف الجديد جنبها وبيرصفوها وبيرصفوا الطريق حواليها وكل دة هيفرق في سعرها دة غير ان المترو الخط الجديد هيكون ليه محطة هناك انا شايف انها هتعلي جامد وسعرها دلوقت مناسب للمبلغ اللي معاه ولو محتاج حد يكون معاك هناك ابعتلي وانا اديك رقم حد انا واخد منه شقتي هناك

[gade2]

يعني يستني ولا يشتري انتو حيرتوني

انا كمان

[Bassem Youssef]

يشتري بس ميفكرش يبيع قبل 5 سنين علي الاقل

[SHNORY]

وايه رأيكم في الاستثمار في محل تجاري ، بفكر أشتري محل وأقوم بتأجيره
يا ترى أسعار المحلات ايه وايه احسن حتة الواحد ياخد فيها محل ويأجره
أنا معايا في حدود 60 ألف أنا وأخي

مش بحطمك
بس المتر في ميدان وشوارع رئيسيه يتراوح بين 40 و60 الف جنيه واقل مساحه 30 متر
السعر ده حيجيبلك محل في حته تعبانه وايجاره حيكون تعبان

يعني يستني ولا يشتري انتو حيرتوني

انا كمان

يشتري وياجر ايجار جديد اهو لاقي مليمن من الشقه علي ما يبيعها
او يشارك حد في حته ارض بنسبه علي قد فلوسه ويجيبوا حد يبنيها ومكسبه حيكون كويس

[zorg]

مصر دولة غير محترمة فى مسالة الاستثمار العقارى