وديعة بالدولار ولا بالجنية

[ali ashraf]

الحقيقة انا محتار وخايف اخذ قرار و ارجع اندم عليه ....عندى وديعة بالدولار هتنتهى فى ابريل القادم و كانت الفائدة عليها بسيطة جدا الاستثمار الحقيقى كان فى ارتفاع سعر الدولار نفسه , بفكر أحول الوديعة عند استلامها ( ان شاء الرحمن) من دولار الى جنيه علشان استفيد من الفائدة العالية بالجنية المصرى و فى نفس الوقت خايف من انخفاض قيمة الجنيه و الدولار بيعلى كل شوية , بس الحقيقة انا محتاج اسند دخلى شوية بس محتار جدا و المبلغ مش قليل حوالى 110 الف دولار ياريت اللى عنده راى حسب توقعات السوق ينورنى مع خالص تحياتى

[أحمد كمال]

خلي فلوسك دولار

[mhmd_farouq]

دوووولاااار الجنيه في النازل

[Ahmed_selmy]

طيب بالمبلغ دا حضرتم ممكن تجيب بيه شقه فى مكان محترم وتاجرها ......غالبا الايجار مش حيقل عن 2000 جنيه وعلى حسب المكان و المساحه ممكن تعلا بالايجار ......وفى نفس الوقت الشقه حافظه قيمتها يعنى قيمتها بتزيد مع الوقت.
مجرد رأى.

[eng_amg]

بص... البنوك مش مضمونة اليومين دول خصوصا لو دولار...
انا ليا اصدقاء بيتعذبوا علشان يسحبوا دولار من حسابهم...
وايضا ايداع النقود في البنك إهدار لقيمتها
لو عملت بنصيحة العضو Ahmed Selmy بشراء شقة بقيمة حوالي 850000 وتأجيرها حتجيب مش اقل من 6000 جنيه شهريا. ودا يساوي فائدة البنوك إلى هي 8.5 إلى 9 %

أما لو اشتريت شهادات قناة السويس حيكون أكثر بكثير. بس برضو الفلوس بتتناقص لأن معدل التضخم أعلى من 12 % بتوع شهادات قناة السويس.

لكن الحل الأفضل هو استثمارها.
يعني: لو انت ملكش في الدوشة ومتابعة الأعمال ممكن ببساطة تقوم بشراء وحدة سكنية أو قطعة أرض وبيعها بعد فترة من 6 أشهر لسنة.

دا أفضل من الايجار والفوائد لأن حضرتك بالشكل دا بتستفيد من معدل التضخم وفلوسك لا تقل قيمتها.
لو عملت الموضوع دا 3 أو 4 مرات ممكن المبلغ يتضاعف.. لكن لو اعتمدت على الايجار والفوائد المبلغ حيزيد زيادة أقل من التضخم إلى هو يتجاوز 15% فحيقل قيمته.

[Bassem Youssef]

يا راجل معاك المبلغ ده و قاعد معانا في البلد ههههههههههههه

ممكن تشتري عقار و تأجره 5 سنين علي الاقل و بعد كده تبيعه

او الحل الافضل بالنسبه لي تستثمر المبلغ ده في دوله اخري

[أحمد كمال]

يا راجل معاك المبلغ ده و قاعد معانا في البلد ههههههههههههه

ممكن تشتري عقار و تأجره 5 سنين علي الاقل و بعد كده تبيعه

او الحل الافضل بالنسبه لي تستثمر المبلغ ده في دوله اخري

فكرتني بنكتة الجمل

اي موضوع بيقلب الجمل هههههههههههههههههههههههههههههههههههههههههههههههههه ههههههههههه

[eng_amg]

يا راجل معاك المبلغ ده و قاعد معانا في البلد ههههههههههههه

ممكن تشتري عقار و تأجره 5 سنين علي الاقل و بعد كده تبيعه

او الحل الافضل بالنسبه لي تستثمر المبلغ ده في دوله اخري

ليه في دوله أخرى؟؟؟
لو حد دماغه في البيزنس وعايز يستثمر ممكن يعمل اي مشروع صغير بجزء من المبلغ من 30 إلى 70 % منه. ويخلي الباقي سيولة معاه.

[M!SHO]

فكرتني بنكتة الجمل

اي موضوع بيقلب الجمل هههههههههههههههههههههههههههههههههههههههههههههههههه ههههههههههه

هههههههه ، ياه فين أيام الجمل :)

لصاحب الموضوع

ممكن تشتري شقه بالجزء الاكبر من المبلغ والجزء الاخر تستثمره في اي حاجه

الشقه سواء اجرتها او لأ قيمتها فيها وبتزيد مع الوقت

وبالمره تتجنب شبهة الربا من فوائد البنوك و التضخم السريع

[ahmedwagdy03]

إنت بتقول عايز مبلغ تزود بيهم دخلك يبقى إنت جاوبت على نفسك

1- إما تحولهم بالجنية و تعمل بيهم وديعة و تحصل دخلها بس لازم تبقى عارف من البداية إن معدل التضخم حيقلل قيمة الفلوس اللى معاك بحوالى 5-6 % سنويا ( بفرض تضخم 15% و فايدة 10% يبقى حوالى 5% و يمكن أكتر)
2- تشترى شقة و تأجرها زى ما قالوا و فى الحالة دى إختار شقة تكون مميزة ممكن تجيب مبلغ عالى لما تبيعها و لو إن دى مش مضمونة برضه
3- تشترى محل فى منطقة تجارية كويسة أو منطقة ليها مستقبل و تأجره و المحلات بتكسب أكتر من الشقق


أما لو عايز تحافظ على قيمة المبلغ يبقى تخليه بالدولار بس كدة مش حيجيب دخل و نصيحة إبعد عن الدهب

[Bassem Youssef]

ليه في دوله أخرى؟؟؟
لو حد دماغه في البيزنس وعايز يستثمر ممكن يعمل اي مشروع صغير بجزء من المبلغ من 30 إلى 70 % منه. ويخلي الباقي سيولة معاه.

ليه في دوله اخري ؟؟؟ حضرتك مش عارف ليه ؟؟؟

موضوع ان الواحد يحط فلوسه في مشروع اصبح موضوع فكسان

ليه؟ احنا 87 مليون و عايشين في مساحه صغيره جدا

كل من هب و دب عمل سنترال و سوبر ماركت و صيدليه ... الخ

تخيل في المنطقه الواحده بيبقي في كام سنترال و سوبر ماركت و صيدليه

عايزهم يكسبوا ازاي؟؟؟

كل ده و مجبتش سيره الظروف الاقتصاديه التعبانه

[zorg]

لكن الحل الأفضل هو استثمارها.
يعني: لو انت ملكش في الدوشة ومتابعة الأعمال ممكن ببساطة تقوم بشراء وحدة سكنية أو قطعة أرض وبيعها بعد فترة من 6 أشهر لسنة

ده على اساس ان البيع سهل ويوم ماهيقول يابيع هيلاقى وياسلام لو طلع له سمسار ولا جار سمسار وطلع عينه ووقف له اى بيعة عشان خاطر يضطر يبيع بسعر رخيص ويخسر ويجى المشترى يبيعها بسعر اعلى ويكسب فيها

[eng_amg]

ليه في دوله اخري ؟؟؟ حضرتك مش عارف ليه ؟؟؟

موضوع ان الواحد يحط فلوسه في مشروع اصبح موضوع فكسان

ليه؟ احنا 87 مليون و عايشين في مساحه صغيره جدا

كل من هب و دب عمل سنترال و سوبر ماركت و صيدليه ... الخ

تخيل في المنطقه الواحده بيبقي في كام سنترال و سوبر ماركت و صيدليه

عايزهم يكسبوا ازاي؟؟؟

كل ده و مجبتش سيره الظروف الاقتصاديه التعبانه

يا باشا مشروع إيه إلي بتتكلم فيه (سنترال - صيدلية - والكلام دا........)
أنا آسف بس الكلام دا لا يعد إستثمار زي إلي أنا أقصده.

[eng_amg]

ده على اساس ان البيع سهل ويوم ماهيقول يابيع هيلاقى وياسلام لو طلع له سمسار ولا جار سمسار وطلع عينه ووقف له اى بيعة عشان خاطر يضطر يبيع بسعر رخيص ويخسر ويجى المشترى يبيعها بسعر اعلى ويكسب فيها

آه طبعا البيع سهل جدا.
أنا شخصيا لسه عارض شقة في الهرم للبيع من 3 أيام. والوقتي بخلص فيها.

وأعرف ضابط كان زميل الوالد بيعمل حاجة ظريفة جدا كمصدر للزرق.
الراجل دا بيشتري شقة تكون في عمارة لسه مبنية علي الطوب
ويشطب الشقة
ويبيعها.
بيكسب في الشقة من 20 إلي 50 ألف والعملية ماشيا معاه فل الحمد لله

[ali ashraf]

فكرة معقولة

آه طبعا البيع سهل جدا.
أنا شخصيا لسه عارض شقة في الهرم للبيع من 3 أيام. والوقتي بخلص فيها.

وأعرف ضابط كان زميل الوالد بيعمل حاجة ظريفة جدا كمصدر للزرق.
الراجل دا بيشتري شقة تكون في عمارة لسه مبنية علي الطوب
ويشطب الشقة
ويبيعها.
بيكسب في الشقة من 20 إلي 50 ألف والعملية ماشيا معاه فل الحمد لله

ممكن اسمع من حضرتك تفاصيل اكثر فى موضوع الشقق لاسيما انا ممكن ادبر اللى يشطب شقة و اثنين بمنتهى السهولة...مع خالص تحياتى لأهتمامكم الكريم