فتح حساب بالدولار في البنك

[اسماء محمد]

انا بيجيلي تحويلات بالدولار من بره
وكنت عاوز افتح حساب بالدولار في بنك qnb
فعاوز اعرف هل في مشكله في فتح حساب بالدولار ؟ وهل في عوائق لو اتحولي ولا هيقولولي من اين لك هذا ؟

وهل صحيح مش هعرف اصرف الفلوس بالدولار ؟ سمعت ان مش بيبقي في دولارات

[phantom0xx0]

الموضوع مفهوش مشكلة
عندي حساب بالدولار في QNB، بيتحول عليه من الخارج و بيتم السحب عادي بالدولار و أخر معاملة كانت الأسبوع ألي فات ،،، في بعد الأحيان ال-account manager بيتصل لو التحويل كان مثلاً أكبر 10000 USD
عاوز يعرف سبب التحويل ، بس مفيش أي مشكلة بتحصل

[marwanragab]

بس طبعا لازم لما يفتح الحساب الفلوس اللي تتحط فيه تكون دولار صح? يعني مش اديهالهم مصري وهما يحولوها انا كدة فاهم صح ولا غلط?

[phantom0xx0]

معرفش ، أنا عميل عندهم من 15 سنة ، و عندي كذا حساب هناك ، لما فتحت الحساب و دة من سنين طويلة كان رصيده صفر ، بس أعتقد إن لازم يحصل إيداع بالدولار بحد أدني

[اسماء محمد]

الموضوع مفهوش مشكلة
عندي حساب بالدولار في qnb، بيتحول عليه من الخارج و بيتم السحب عادي بالدولار و أخر معاملة كانت الأسبوع ألي فات ،،، في بعد الأحيان ال-account manager بيتصل لو التحويل كان مثلاً أكبر 10000 usd
عاوز يعرف سبب التحويل ، بس مفيش أي مشكلة بتحصل

جزاك الله كل خير يا فندم :)

يعني انا لو في حسابي اي رقم بالدولار مثل 50 الف دولار اقدر اسحبهم عادي ؟

ولا هيقولولي زي ما بسمع مفيش دولارات ولو عاوزهم هتخدهم بالجنيه ؟

لان الموضوع ده مقلقني جدا

[phantom0xx0]

علي ما أعتقد ده هيكون حسب تعليمات البنك المركزي ، أخر مبلغ أنا سحبته كاش كان في حدود 15 ألف دولار ، بس أنا بلغت ال-account manager قبلها بيوم علشان أريح دماغي و سحبته على طول

[marwanragab]

معرفش ، أنا عميل عندهم من 15 سنة ، و عندي كذا حساب هناك ، لما فتحت الحساب و دة من سنين طويلة كان رصيده صفر ، بس أعتقد إن لازم يحصل إيداع بالدولار بحد أدني

شكرا علي الرد ياباشا جزاك الله خيرا يارب

[ali ashraf]

السحب من الحساب بالدولار

لأ طبعا هناك بعض المشاكل عند سحب مبلغ كبير بالدولار من معظم البنوك و الموضوع بيزيد كل مادا و هناك بعض البنوك القوية تحديدا بنك فيصل الاسلامى و hsbc - القطرى و رغم كده ممكن يقلك بحد اقصى 10 الف دولار و تيجى ثانى يوم لو المبلغ اكبر ممكن تصرف 10 الف دولار و ده حصل معى و دخلت للمدير قال لى لازم يعمل كده علشان كل العملاء تلاقى دولارات و بتجدد الكميات فى البنك يوميا , لكن اتوقع مزيد من الصعوبات فى الكثير من البنوك فى الصرف بالدولار الفترة المقبلة.

[غزلة]

لأ طبعا هناك بعض المشاكل عند سحب مبلغ كبير بالدولار من معظم البنوك و الموضوع بيزيد كل مادا و هناك بعض البنوك القوية تحديدا بنك فيصل الاسلامى و hsbc - القطرى و رغم كده ممكن يقلك بحد اقصى 10 الف دولار و تيجى ثانى يوم لو المبلغ اكبر ممكن تصرف 10 الف دولار و ده حصل معى و دخلت للمدير قال لى لازم يعمل كده علشان كل العملاء تلاقى دولارات و بتجدد الكميات فى البنك يوميا , لكن اتوقع مزيد من الصعوبات فى الكثير من البنوك فى الصرف بالدولار الفترة المقبلة.

اتفق معك كلامك مظبوط

[Ayoob]

جزاك الله كل خير يا فندم :)

يعني انا لو في حسابي اي رقم بالدولار مثل 50 الف دولار اقدر اسحبهم عادي ؟

ولا هيقولولي زي ما بسمع مفيش دولارات ولو عاوزهم هتخدهم بالجنيه ؟

لان الموضوع ده مقلقني جدا

في بنك cib يمكن سحب اي مبلغ من حسابك الدولاروي ولكن هناك شرط للحد الاقصى للتحويل للخارج وهو ١٠٠ الف دولار في العام الواحد مع بيان سبب التحويل

[اسماء محمد]

انا احترت اكثر دلوقتي :d

يعني هعرف اسحب بالدولار و لا مش هعرف