قولت لزميلتي انا معجب بيكي ؟ محتاج مساعدة

[mohamedFTW]

قولت لوحدة زملتي في الجامعة اني معجب بيها و اكتر انسانة شفتها محترمة هناك و متزعليش لو الكلام دة هيزعلك من حاجة
كان ردها بقا ..
لا الكلام دة مديقنيش بالعكس .. الكلام دة فرحني جدا و فرحت كمان ان انسان محترم زيك فكر فيا و قال الكلام دة فيا .
بس المشكلة ان مش عايزة ادخل في علاقة دلوقتي و عايزة ابقي مع نفسي .. ( و الكلام دة مش معاناة اني عايزة اخسرك )

رايكم اية ؟

[Ahmedmiy]

بسم الله الرحمن الرحيم

بسم الله الرحمن الرحيم
الحمد لله والصلاة والسلام على رسول الله نبينا محمد خير خلق الله

يا أخى الاستاذ محمد - حرام- أتقى الله فهل ترضى ذلك لأختك أو أمك أو أحد محارمك صحيح ممكن متجوزش خالص بس ده ابتلاء من الله ولازم ما تغضبش الله أبدا مهما حدث لك وإن شاء الله ربنا يكرمك وتجوز وتكون أسرة وتعيش حياه سعيده وبكل صدق هذا الامر إذا أستمرت فيه سيدمرك تماما فى الاخرة وفى الدنيا فأتقى الله يا أخى الحبيب ولا تمشي هذا الطريق مهما كان وصحيح معنديش إقتراحات لحلول بس هذا الواقع الاليم وهو إبتلاء وإختبار من الله مفيش شك فى كده
الله يحفظك ويهديك إلى كل ما يرضى به عنك وكل شباب المسلمين بنات وأولاد ورجاله وستات وأباء وأمهات و جدود كمان.
الحمد لله

سبحان الله وبحمده سبحان الله العظيم

[mohamedFTW]

اخي الكريم ...
انا كنت لسة هقولها علي خطوبة مش داخل العب ولله ... بس محتاج حد معايا يفسر الكلام مش اكتر !

[M.Radwan]

من واقع خبرتي البسيطة..كلامها معناه تخش على الخطوة اللى بعدها وهي الخطوبة إن شاء الله

[أحمد كمال]

بتركنك استبن عشان لو لقت عريس احسن ما تبقاش وعدتك بحاجة و لو ما لقيتش تبقى ما خسرتكش ....... فهمت ؟

[zangry]

من واقع خبرتي البسيطة..كلامها معناه تخش على الخطوة اللى بعدها وهي الخطوبة إن شاء الله

+١

[mohamedFTW]

طيب ممكن كلمة مش عايزة اخسرك كاصديق ؟ صح ولا اية ؟

[أحمد كمال]

طيب ممكن كلمة مش عايزة اخسرك كاصديق ؟ صح ولا اية ؟

لا الرد واضح

انت حلو بس انا مش عايزة علاقة دلوقتي ..... بس برضه مش عايزة اخسرك

يعني من الاخر لا تبعد و لا تقرب خليك على مسافة بس برضه قريب

و اهوه تنفع لو ما لقيتش احسن منك (من وجهة نظرها)

نصيحة انت قول لها شكرا انا كنت عايز اتقدم لك دلوقتي و ما باحبش عدم الحسم في الامور

[magdy_c_c]

طيب ممكن كلمة مش عايزة اخسرك كاصديق ؟ صح ولا اية ؟

بص يا اخى الحبيب
الكلام ده ممكن يكون معناه ان هى شايفاك شاب محترم و زميل محترم و لكن هى فعلا ً مش عاوزة أى علاقات دلوقتى ، أو شايفة ان هى مالهاش فى العلاقات الغير رسمية ، أو بتحب حد تانى
جرب تطلب منها رأيها فيك بصراحة كعريس بعد ما تتأكد انها غير مرتبطة
و نصيحة منى ما فيش بنت فى الدنيا كلها بتشوف أى شاب كصديق
البداية دايما بتبقى بحجة الصداقة ..................فهمت

[dede_dodo88]

من واقع خبرتي البسيطة..كلامها معناه تخش على الخطوة اللى بعدها وهي الخطوبة إن شاء الله

بتركنك استبن عشان لو لقت عريس احسن ما تبقاش وعدتك بحاجة و لو ما لقيتش تبقى ما خسرتكش ....... فهمت ؟

طب و ليه متكنش هي فعلاً مش بتفكر في الأرتباط في المرحلة الحالية ؟!..

أعتقد أن البنات تفكيرهن أختلف كتير عن زمان, يعني موضوع الجواز ده مبقاش ليه أولوية عند كتير من البنات دلوقتي, خصوصاً المتفوق منهن في حياتهن الدراسية و العملية بيبقى الأولوية عندهن تحسين وضعهن الأجتماعي و أثبات نفسهن في المجتمع..
يمكن يكون هي بتفكر بالأسلوب ده, و يمكن يكون في سبب تاني يمنعها عن الأرتباط..

هو كويس طبعاً أنك بتفكر تخش رسمي في موضوع الجواز ده من دلوقتي, لأن بجد الدنيا كل مدى بتزداد تعقيد و احتمالية الجواز بتزداد صعوبة لما بتعدي مرحلة الجامعة و تبتدي تكبر في السن..

أنا رأيي المتواضع أنك ممكن تحاول تتكلم معاها تاني و تفهم سبب الرفض ايه و هل رفضها ده لمرحلة مؤقتة ولا هي رافضة المبدأ من الأساس, بس لو لاقيتها مش متقبلة الكلام فخلاص متحاولش معاها تاني لا من قريب ولا من بعيد و يستحسن متفكرش فيها تاني أحتراماً لنفسك و لقرارها..

[mmohamed15]

لو انت تقدر ترطب و ظروفك متيسره و هتقدر تفتح بيت بعد التخرج فتوكل علي الله و اتقدم لها و قولها انك عايز تتقدم
لو مش جاهز و لسه مش عارف الدنيا هتمشي معاك ازاي يبقي ابعد عنها من دلوقت و متعلقهاش بيك ده اولا
ثانيا بالنسبه ليها هي ممكن تبقي محايده بالنسبه ليك يعني مش رفضاك و مش قبلاك و شايفه ان هي لسه صغيره و ممكن تيجي ليها فرص احسن البنات دلوقت بقي عندها جنب المشاعر متطلبات اخري زي الفلوس و العريس المرتاح اللي هيعرف يجبلها اللي عايزه فهي ممكن متبقاش عايزه تقطع علي نفسها ان ممكن فرص تانيه احسن تجيلها
اعرض عليها الخطوبه بشكل مباشر لو وافقت يبقي مشاي لو قالت لك مش عايزه ارتبط دلوقت يبقي انساها دي واحده فاتحه مزاد

[mohamedFTW]

بصراحة انا محتار جدا ... علشان انا قولت اقولها اني معجب بيها و علشان استريح و اعرف ردها و خالص ..
بس انا لسة متديق علشان بتقولي مش عايزة اخسرك و كدة مرتحتش و معلقاني برضووو ... معاها ؟

[Karim Alaa]

يا باشا الموضوع سهل هى قالتلك مش عايزه ادخل فى علاقه اقولها و انا مطلبتش ادخل فى علاقه انا بس عايز رقم والدك لو ردت بنفس الكلام يبقى هى فعلا مشغوله بحد تانى عاطفيا و ممكن تكون مش عايزاك تبعد دلوقتى المهم اعرض الخطوبه ممكن ردها يتغير و ساعتها تبقى كانت خايفه تتسلى بيها شويه و خلاص

[Ahmedmiy]

بسم الله الرحمن الرحيم

اخي الكريم ...
انا كنت لسة هقولها علي خطوبة مش داخل العب ولله ... بس محتاج حد معايا يفسر الكلام مش اكتر !

بسم الله الرحمن الرحيم
الحمد لله والصلاة والسلام على رسول الله نبينا محمد خير خلق الله

الحمد لله أنك وضحت علشان قلبى كان متحسر جدا واسف انى نظرت للموضوع بسوء ظن ولكن الحمد لله أنت شخص كريم فاضل تم تربيتك جيدا والحمد لله
شوف يا أخى علشان أنت مكنتش موضح نيتك فمرضيتش أزود فى الكلام بس من خلال كلامك وطبعا ممكن يكون الواقع مختلف وجهة نظرى أنها ليست على المستوى اللائق فى الرد عليك إذا كانت هى محترمة فعلا كانت رفضت الكلام معاك تماما بشكل قاطع
وكمان أنت قولت حاجة مهمة جدا أنك محتاج حد يفسر الكلام شوف يا أخى الحبيب موضوع الجواز ده علشان إن شاء الله يكون ناجح لازم يتبنى على أوامر الله وسنة الرسول عليه الصلاة والسلام وده فى أدق التفاصيل وأكبرها مع إعتبرات الواقع الاجتماعى الان فبالاساس أمرنا الله إذا كنت ترغب فى الزواج من حد مينفعش تطلب ده بشكل مباشر كده والايه الكريمة فى القران الكريم واضحة بأن تسال من وراء حجاب يعنى زى ما حضرتك طلبت حد يفسر الكلام

والنصيحة أخى الكريم لازم تختار على الاقل من لديها الحد الادنى من التدين فى المقام الاول بالنسبة لك علشان تريحك وتكون معاك على الحلوة وغيرها لان مفيش حاجة إطلاقا بتحقق ده غير مستوى التدين وطاعة الله والموضوع ينطبق على الراجل والست

وبما أنك أخى الحبيب تبحث عن زواج إن شاء الله لازم تعرف ضوابط الموضوع من مصادر موثوق فيها وتحاول تنفذ علشان يكون الموضوع ناجح وبقدر تقصيرك يكون نسبة النجاح من عدمه

أخيرا إذا كان لك أم أو أب أو شخص تثق فيه إن شاء الله ضعهم فى واجهة الموضوع وأعتمد على وجهة نظرهم بشكل كبير وإن شاء الله ربنا يوفقك ويكرمك بخير متاع الدنيا زوجة صالحة ترعاك وتعصمك وانت كذلك جزاك الله خير حبيبى فى الله محمد

سبحان الله وبحمده سبحان الله العظيم

[Bassem Youssef]

هو حضرتك عايز تروح تخطب و لسه لم تتخرج من الكليه ؟