ميكروباص يصطدم بطائرة داخل حرم مطار القاهرة الدولي .. وإصابة السائق وتلفيات بالطائرة!

[الناس اتغيرت]

ميكروباص يصطدم بطائرة داخل حرم مطار القاهرة الدولي ..
وإصابة السائق وتلفيات بالطائرة!


ربنا يسترها

[الاسد المهاجر]

قسم الاحوال اتقفل خساره اصلك بتفكرني بابو حبيبه نفس الاخبار
وبرده كان يعمل عضويه ويدخل جري باخباره الفشنك

[الناس اتغيرت]

قسم الاحوال اتقفل خساره اصلك بتفكرني بابو حبيبه نفس الاخبار
وبرده كان يعمل عضويه ويدخل جري باخباره الفشنك

http://m.youm7.com/story/2014/12/14/%D8%A3%D9%88%D9%84_%D8%B5%D9%88%D8%B1_%D9%84%D8%AD%D8%A7%D8%AF%D8%AB_%D8%AA%D8%B5%D8%A7%D8%AF%D9%85_%D8%B3%D9%8A%D8%A7%D8%B1%D8%A9_%D8%A8%D8%B7%D8%A7%D8%A6%D8%B1%D8%A9_%D9%81%D9%89_%D9%85%D9%8A%D9%86%D8%A7%D8%A1_%D8%A7%D9%84%D9%82%D8%A7%D9%87%D8%B1%D8%A9_%D8%A7%D9%84%D8%AC%D9%88%D9%89/1989721#.VI3RiNKsX4h

فشنك ؟؟؟






اليوم السابع



كتب عبد الله محمود
الأحد، 14 ديسمبر 2014 06:02 م
ننشر صور حادث تصادم بين سيارة تابعة لشركة مصر للطيران، حيث اصطدمت بإحدى الطائرات التى كانت متواجدة بمهبط المطار اليوم الأحد، وأسفر الحادث عن حدوث تلفيات بمحرك الطائرة وإصابة سائق السيارة الذى تم نقله إلى الستشفى لتلقى العلاج.

وأفاد مصدر أمنى أنه أثناء سير السيارة "ميكروباص" التابعة للشركة الوطنية اصطدمت بإحدى الطائرات أثناء تواجدها بمهبط المطار، وانتقلت على الفور القيادات الأمنية بالمطار وسيارات الحماية المدنية والإسعاف إلى مكان الحادث، حيث تبين إصابة سائق السيارة وتم نقله إلى المستشفى للعلاج.

كما أسفر الحادث عن حدوث تلفيات بمحرك الطائرة وجارى فحصها من قبل الفنيين لتحديد حجمها، فيما أمر اللواء علاء الدين على مدير أمن المطار بتحرير محضر بالواقعة واتخاذ ما يلزم.

[الاسد المهاجر]

معلش يا ابو حبيبه
متعودين علي الاخبار الجديده منك
اصلك يا ابو حبيبه اخبارك حصريه

[الاسد المهاجر]

معلش يا ابو حبيبه
متعودين علي الاخبار الجديده منك
اصلك يا ابو حبيبه اخبارك حصريه
بس خساره قفلو القسم ومواضيعك. اتمسحت
بس والله منور ياعمهم

[Bassem Youssef]

كفايه نقل اخبار في المنتدي الاجتماعي

ارحمونا

[الناس اتغيرت]

كفايه نقل اخبار في المنتدي الاجتماعي

ارحمونا

انا بتكلم عن الاهمال علشان ده ارواح ناس

طب ينفع انى انا ارد عليك رد بهذه القسوه اخى باسم على اى موضوع من مواضيعك طبعا لا

عموما ربنا يصلح لك الاحوال اخى باسم

[J A G U A R]

هو ايه الغرض من الموضوع عاوز افهم !!

[الاسد المهاجر]

الغرض من الموضوع
سؤال غريب هوا حضرتك متعرفش مواضيع ابو حبيبهالمواضيع اياها

[J A G U A R]

الغرض من الموضوع
سؤال غريب هوا حضرتك متعرفش مواضيع ابو حبيبهالمواضيع اياها

اه معلش
لسه صاحى من النوم

[misry]

عادي , مصر بلد العجايب ...

[mr_vampire]

الي الاعضاء اللي بتهاجم صاحب الموضوع علي نقل الخبر. هو ايه علاقة الموضوع بقسم الاحوال اللي اتقفل ؟؟؟ مش ده حادثة حصلت زيها زي ﻻو حادثة حصلت فالطريق !!!!!

واللي عمال يقول الخبر فشنك مش غير مايتاكد او مش عايز يتاكدة .

للدرجادي مش قادرين تتعرضو او تتكلمو عن الاهمال لانها هيمس ناس انتو بتايدوهم ؟؟؟؟

لا حول ولا قوة الا بالله

[friendship7897]

أنا بصراحة مش فاهمة هو الهجوم على الموضوع ؟
ولا صاحب الموضوع !

الموضوع دا 100 واحد رافعه في الفيس ومافيش الهجوم دا
كان كله التعليقات ترقية على إن الميكروباص كان عايز يحمل الأول
أو أيه اللي جاب القلعة جنب البحر

هي الناس مش طايقة بعض هنا ولا أيه ؟!!!

[omar101970]

انا فعلا مش فاهم ليه الهجوم الغير مبرر دا على صاحب الموضوع
إللى مش عاجبه الموضوع مش يدخله ولا يقرأه

[mr_vampire]

أنا بصراحة مش فاهمة هو الهجوم على الموضوع ؟
ولا صاحب الموضوع !

الموضوع دا 100 واحد رافعه في الفيس ومافيش الهجوم دا
كان كله التعليقات ترقية على إن الميكروباص كان عايز يحمل الأول
أو أيه اللي جاب القلعة جنب البحر

هي الناس مش طايقة بعض هنا ولا أيه ؟!!!

نفس الاعضاء ده كانت بتنادي بقفل القسم عشان بيثير الكره والتشاجر بين الاعضاء.

فلما نلاقيهم بيهاجمو موضوع وناقله علي خبر ( صحيح ) اساسه اهمال واستهتار ونظام اداري فاشل يبقي مكنش الغرض بقي الحفاظ علي علاقة الاعضاء ببعضهم البعض.

لا ده المقصود بقي زي ماقولنا وعدنا مليون مرة هو التعتيم المتعمد واخفاء فشل واهمال واستهتار.

ده مش اسلوب للنهوض ببلد علي فكرة.