عايز دكتور للشعر والجلدية

[egyboy]

السلام عليكم

حد يعرف او جرب دكتور جلدية شاطر

لان شعر بدا يتساقط وفراغات ظهرت كتير وخامة الشعر نفسها اتغيرت وبقت سيئة

عايز ألحق الموضوع من اوله

حد جرب دكتور وحصل فعلا تغيير والعشر بدا يظهر اثقل ولا ايه ؟؟

[marwanragab]

د. هانى وشاحى
اطباء
25 ش مكة، المهندسين، الجيزة
33350485
شاطررر جدااااا

[egyboy]

حضرتك تعرف حد جربه او حاجة ؟؟

الكشف فى حدود كام ؟

جزاك الله خيرا

[marwanragab]

انا جربته وكويس وهوا اصلا بيعتبروه عالم في الجلدية المشكلة انا روحتله تبع التأمين فا مش عارف كشفه كام كلمهم واسأل هوا مش اقل من 150 متهيألي ويمكن ازيد معرفش والله

[egyboy]

شكرا ليك
ربنا يكرمك يارب

ان شاء الله هكلمهم واشوف ولعله خير

[Ahmed_selmy]

متابع باهتمام

[marwanragab]

شكرا ليك
ربنا يكرمك يارب

ان شاء الله هكلمهم واشوف ولعله خير

ياباشا ربنا يكرمك وانشاء الله خير يارب

[A.Saad]

فيه دكتور مش فاكر اسمه اوى
مصطفى او فتحى ابو العلا
بيروح عيادات مصر الدولى يوم السبت

[Hobgoblin]

الزمن جبار...وإللي بيروح مابيرجعش.

خلاصة تجربة واحد أقرع والحمد لله.


ربنا يوفقك.

[marwanragab]

الزمن جبار...وإللي بيروح مابيرجعش.

خلاصة تجربة واحد أقرع والحمد لله.


ربنا يوفقك.

ههههههه ليه الاحباط دة بس

[Hobgoblin]

ههههههه ليه الاحباط دة بس

ربك كبير وقادر على كل شيء.

لصاحب الموضوع: ربنا يكرمك وكله يبقى تمام بإذن الله.

[الاستاذ]

لو شعر خفيف فى ادوية وبخاخة بتقل الشعر الى خف ومجربة
بس حسب مافهمت انك لو بطلتها بيظهر الفراغات تانى واكتر
فى لازم تستمر عليها طول حياتك

[adel1212]

هو لو الموضوع وراثي يبقى مش اكتر من تاخيرة شويه
يعني بدل 3 سنوات يبقى 5سنوات
لو مرضي او نفسي يبقى بالتوفيق ان شاء الله
تحياتي

[ZADH]

أستاذ دكتور .............. عبد الرحيم عبد الله
ما شاء الله علامة بالتجربة الشخصية ومع اكثر من حالة
2 ميدان الجامع
مصر الجديدة, القاهرة
2638-4575

[J A G U A R]

لو وصلت لحل قولى علشان الحق شعرى قبل ما يقع